Սպորտի երիտասարդության հարցերի վարչության 2024թ. նախատեսված միջոցառումների ցանկը

Անցկացվեց Վարչապետի գավաթի սեղանի թենիսի երևանյան փուլը

Սույն թվականի ապրիլի 19-ին  «Դինամո»  մարզական ընկերությունում անցկացվեց Վարչապետի գավաթի սեղանի թենիսի երևանյան փուլը, որին մասնակցեց 5-9-րդ և 10-12-րդ դասարանների 88 աշակերտ:
5-9-րդ դասարանների մասնակիցներից պատվավոր 3 հորիզոնականները զբաղեցրեցին.
1տեղ՝ Ավան վ/շ  104 դպրոց
2տեղ՝ Մալաթիա-Սեբաստիայի վ/շ 162 դպրոց
3-տեղ՝ Շենգավիթ վ/շ 137 դպրոց:
10-12-րդ դասարանների մասնակիցներից պատվավոր 3 հորիզոնականները զբաղեցրեցին.
1տեղ՝ Ավան վ/շ 170 դպրոց
2տեղ՝ Կենտրոն  վ/շ  29 դպրոց
3տեղ՝  Էրեբունի վ/շ (Անատոլ Ֆրանկի անվան կրթահամալիր):

Կայացավ սեղանի թենիսի Երևանի առաջնությունը

Մարտի 4-5-ը «Դինամո» մարզադահլիճում անցկացվեց սեղանի թենիսի Երևանի առաջնությունը, որին Երևանի վարչական շրջաններից մասնակցում էին 80 մարզիկներ։ Աղջիների պայքարում 1-ին տեղ գրավեց Մակուրդումովա Լիանան, 2 տեղ՝ Գալստյան Արիաննան, 3 տեղ՝ Սողոմոնյան Մելանյան։ Տղաներից 1-ին տեղ գրավեց՝ Մանուկյան Գագիկը, 2-րդ տեղ՝ Տեր-Ղուկասյան Արթուրը, 3-րդ տեղ՝ Անդրեասյան Գագիկը։ 
Հաղթողները պարգևատրվեցին մեդալներով,  դիպլոմներով։
 

Սպորտի և որիտասարդության հարցերի վարչության 2023թ. ամփոփ գործունեությունը 

Մարտի 11-ին անցկացվել է «Շախմատի Երևան քաղաքի  առաջնություն» միջոցառումը, որին մասնակցել է 12 վարչական շրջանների 120 երեխա։ Առաջին հորիզոնականն զբաղեցրեց «Շախմատի Երևանի բարձրագույն վարպետության մարզադպրոց» ՀՈԱԿ-ի թիմը, 2-րդ և 3-րդ տեղերը, համապատասխանաբար՝ «Երևանի Ավանի շախմատի մանկապատանեկան մարզադպրոց» ՀՈԱԿ-ի և «Երևանի Արաբկիրի շախմատի մանկապատանեկան մարզադպրոց» ՀՈԱԿ-ի թիմերը։

***

2023թ. ապրիլի 29-ին առաջին անգամ Երևանի Հանրապետության հրապարակում տեղի ունցավ Եվրոպայի «ՍԹՐՈՆԳՄԵՆ» առաջնությունը: 
Առաջնությանը մասնակցեցին մարզիկներ 6 երկրներից՝ Հայաստան, Ֆրանսիա, Ուկրաինա, Վրաստան, Չեխիա, Լատվիա և մրցեցին 5 մարզաձևերում.
1 Ծանրաձողի բարձրացում Զերխերի տարբերակով
2 Գերանաձև ձողի բարձրացում
3 Ֆերմերի քայլվածք
4 Գոտկային ձգում
5 Բեռնատարի ձգում
Առաջնությունն անցկացվեց Երևանի քաղաքապետարանի աշխատակազմի սպորտի և երիտասարդության հարցերի վարչության և Հայաստանի ՄԱՍ-ՌԵՍԹԼԻՆԳԻ ֆեդերացիայի հետ համատեղ:
Մրցույթում ընդհանուր հաշվով 1-ին տեղն զբաղեցրեց Չեխիայի ներկայացուցիչ Ժիրի Տկադիցիկը։ 2-րդ տեղում Չեխիայի ներկայացուցիչ Վոջթե Կուցեռան էր, 3-րդ տեղում՝ Ֆրանսիայի ներկայացուցիչ Բեն Դոնինը, իսկ ՀՀ ներկայացուցիչ Արտյոմ Խուգոյանը  4-րդն էր:
Բեռնատարի ձգում մրցույթում հաղթող ճանաչվեց Հայաստանի ներկայացուցիչ Արտյոմ Խուգոյանը:

***

Մայիսի 23-ին Երևանի քաղաքապետարանի և Հայաստանի ըմբշամարտի ֆեդերացիայի հետ համատեղ Աջափնյակ վարչական շրջանն առաջին անգամ կազմակերպել էր հուշամրցաշար՝ նվիրված միջազգային կարգի սպորտի վարպետ, Եվրոպայի երիտասարդների չեմպիոն, ԽՍՀՄ կրկնակի չեմպիոն, միջազգային մի շարք մրցաշարերի հաղթող, հունահռոմեական ոճի ըմբիշ Արսեն Կոտիկյանին:
Հուշամրցաշարին մասնակցում էր Մ15 տարեկան 260 ըմբիշ։ Այս մրցաշարի արդյունքում ձևավորվեց Հայաստանի հավաքականի կազմը, որն էլ կմասնակցի Մ15 տարեկանների Եվրոպայի առաջնությանը։

***

Մայիսի 31-ին անցկացվեց ԽՍՀՄ չեմպիոն, աշխարհի և Եվրոպայի բազմակի չեմպիոն, աշխարհի գավաթակիր Բենուր Փաշայանի անվան հունահռոմեական ոճի ըմբշամարտի Երևանի բաց առաջնությունը: Առաջնությանը մասնակցեց յոթ երկրի ավելի քան 160 ըմբիշ:
Մեր մարզիկները նվաճեցին 3 ոսկե, 4 արծաթե և 9 բրոնզե մեդալ: Հարկ է նշել, որ Երևանի քաղաքապետարանի կողմից առաջին անգամ է անցկացվում այսպիսի մեծածավալ միջազգային մրցաշար:

***

Երևանի քաղաքապետարանը հունիսի 1-ին ընդառաջ տոն էր նվիրել Երևանի 12 վարչական շրջանի մանկապարտեզների երեխաներին՝ կազմակերպելով սպորտլանդիա և մշակութային մրցույթ։ Երեխաներն անմոռանալի ժամանակ անցկացրին և նվերներ ստացան։ 

***

Վարչությունը սույն թվականի հունիսի 11-ին Երևանի Մոնթե Մելքոնյան խճուղում անցկացրեց խճուղային հեծանվաերթի Երևանի առաջնությունը։ Միջոցառմանը ներկա էին Երևանի քաղաքապետարանի սպորտի և երիտասարդության հարցերի վարչության պետ Արսեն Մակվեցյանը, պետի տեղակալ Վահագն Դավթյանը, վարչության աշխատակիցներ և բազմաթիվ հյուրեր։ Միջոցառմանը մասնակցեց 60 հեծանվորդ։ Ավարտին հաղթողները պարգևատրվեցին դիպլոմներով, մեդալներով և գավաթներով։

***

2023թ․ հունիսի 15-17-ը տեղի ունեցավ Երևան քաղաքի սուսերամարտի բաց առաջնություն, որին մասնակցում էին մարզիկներ /ծնված՝ 2009-2013թթ/ Երևանից, Գյումրիից, Վանաձորից։ Հաղթողները պարգևատրվեցին՝
1-ին տեղ- Անի Մելքումյան- խոցասուսեր աղջիկներ
1-ին տեղ- Պետրոս Սիմոնյան- թրասուսեր
1-ին տեղ- Նարեկ Հարությունյան- խոցասուսեր տղաներ
1-ին տեղ- Նարեկ Հովհաննիսյան- ճկասուսեր տղաներ
1-ին տեղ- Կամիլա Ախմետովա- ճկասուսեր աղջիկներ

***

Հունիսի 17-18-ը կայացավ Երևան քաղաքի սամբոյի դեռահասների առաջնությունը։ Երկօրյա թեժ մրցապայքարում հայտնի դարձան հաղթողները, որոնք պարգևատրվեցին մեդալներով և դիպլոմներով։

***

«Հայաստանի Հանրապետության մարզերի, Երևանի և Արցախի Հանրապետության հանրակրթական դպրոցների 7-12-րդ դասարանների աշակերտների սպարտակիադա» 2023 թվականի մարզական միջոցառման շրջանակում անցկացվող բազկամարտի առաջնության հանրապետական փուլում Երևան քաղաքի հավաքականը գրավել է 1-ին տեղը,  հրաձգության առաջնության հանրապետական փուլում Երևանի հավաքականը գրավել է 6-րդ տեղը, ֆուտզալի առաջնության հանրապետական փուլում Երևանի հավաքականը գրավել է 1-ին տեղը, հնգամարտի առաջնության հանրապետական փուլում Երևանի հավաքականը գրավել է 1-ին տեղը։

***    
Հունիսի 23-ին անցկացրեց  «Երևանի տարեցների մրցույթ» միջոցառումը՝  նարդի, շախմատ, շաշկի, դարթս մարզաձևերից, որին մասնակցեցին 12 վարչական շրջանների տարեց տղամարդիկ և կանայք։ Հաղթողներին դիպլոմներով, մեդալներով և նվերներով պարգևատրեց Սպորտի և երիտասարդության հարցերի վարչության պետ Արսեն Մակվեցյանը։ 

***

Հունիսի 23-25-ը հաշմանդամություն ունեցող անձանց «Փյունիկ միություն» ՀԿ կենտրոնում կայացավ Պարալիմպիական մարզաձևերի ամենամյա սպարտակիադան՝ սեղանի թենիս, շոու դաուն, շախմատ մարզաձևերից, իսկ բասկետբոլի մրցումները կայացան «Միկա» մարզադահլիճում։ Շոու դաուն և շախմատ մարզաձևերում մրցեցին տեսողական խնդիրներ ունեցող մոտ 20 մարզիկներ։ Հաղթողները պարգևատրվեցին մեդալներով և դիպլոմներով։ Մրցանակները հանձնեցին Երևանի քաղաքապետարանի սպորտի և երիտասարդության հարցերի վարչության պետ Արսեն Մակվեցյանը, վարչության գլխավոր մասնագետ Հմայակ Ենոքյանը և «Փյունիկ» ՀԿ-ի և Հայաստանի Ազգային Պարալիմպիական կոմիտեի նախագահ Հակոբ Աբրահամյանը։

***

Հունիսի վերջին օրերին անցկացրեց հաշմանդամություն ունեցող անձանց բազկամարտի, բասկետբոլի Երևանի առաջնությունները, որին մասնակցեցին ավելի քան 40 հաշմանդամություն ունեցող անձինք։ Բոլոր մասնակիցները ստացան նվեր-մարզաշապիկներ, իսկ հաղթողները պարգևատրվեցին գավաթներով, մեդալներով և պատվոգրերով։

***

Հուլիսի 18-ին «Երևանի թենիսի և բադմինթոնի մանկապատանեկան մարզադպրոց» համայնքային ոչ առևտրային կազմակերպությունը՝ հիմնանորոգված ու հարմարավետ պայմաններով իր դռները բացեց 150 սաների առջև։ Կազմակերպությունը հիմնանորգվել և կահավորվել է միջազգային չափորոշիչներին համապատասխան։ Բացման արարողությանը ներկա էին ԿԳՄՍ նախարար Ժաննա Անդրեասյանը, քաղաքապետի տեղակալ Տիգրան Ավինյանը, քաղաքապետարանի սպորտի և երիտասարդության հարցերի վարչության պետ Արսեն Մակվեցյանը, վարչության և մարզադպրոցի աշխատակիցներ, պաշտոնատար անձինք, մարզաշխարհի ներկայացուցիչներ և հյուրեր։

***

Համահայկական ամառային խաղերն արդեն 25 տարի է ինչ միավորում են Հայաստանի ու սփյուռքի երիտասարդներին: Գյումրիում մեկնարկած 8-րդ խոշոր ստուգատեսն հայրենիք էր բերել 41 պետության 181 քաղաքի ավելի քան 7000 պատվիրակի: Երևանի պատվիրակությունը կարևոր այս իրադարձությանը մասնակցում է 425 մարզիկներով և մասնակցության հայտ է ներկայացրել բոլոր մարզաձևերում: Հանդես գալով 19 մարզաձևերում Երևանի թիմը գրավեց առաջին տեղը՝ թիմային պայքարում նվաճելով 59 ոսկե, 50 արծաթե և 34 բրոնզե մեդալներ։

***

Հոկտեմբերի 10-ին անցկացվեց Երևանի «Օլիմպիական հույսեր» աթլետիկայի բաց առաջնությունը, որին մասնակցեցին 185 մարզիկներ Երևանի, Գյումրու, Վանաձորի, Մարալիկի, Արտաշատի մարզադպրոցներից՝ հեռացատկ, գնդի հրում, փոխանցումավազք, վազք մարզաձևերից։ Հաղթողները պարգևատրվեցին մեդալներով և պատվոգրերով։

***

Նոյեմբերի 10-ին տեղի ունեցավ Սթրայքբոլի առաջնություն՝ Երևանի քաղաքապետարանի և վարչական շրջանների աշխատակազմերի աշխատակիցների միջև։
Դեկտեմբերի 3-ին «Դինամո» մարզադահլիճում անցկացվեց հաշմանդամություն ունեցող անձանց սեղանի թենիսի առաջնությունը։ Հաղթողները պարգևատրվեցին մեդալներով, գավաթներով, դիպլոմներով և նվերներով։
Դեկտեմբերի 3-4-ը Երևանի գեղասահքի և հոկեյի մարզադպրոցում կայացավ Երևանի քաղաքապետարանի կողմից կազմակերպված Երևանի գեղասահքի առաջնությունը: Մրցաշարը հնարավորություն տվեց մարզիկներին ներկայացնել իրենց ծրագրերը, ցուցադրել հմտությունները:

***

Դեկտեմբերի 9-ին Երևանի շախմատի ֆեդերացիայի դահլիճում անցկացվեց հայկական ԶԼՄ-ների 8-րդ շախմատային մրցաշարը, որի հովանավորն էր Երևանի քաղաքապետարանը, աջակիցներն էին Երևանի շախմատի ֆեդերացիան և «Սիլ Գրուպ» կոնցեռնը, իսկ կազմակերպիչն էր Արտասահմանյան թղթակիցների ասոցիացիան (ԱԹԱ)։
«Գոլոս Արմենիի» թերթից Վադիմ Մկրտչյանը 7-րդ անգամ հաղթող ճանաչվեց հայկական ԶԼՄ-ների 8-րդ շախմատային մրցաշարում։ 2-րդ տեղը գրավեց Հանրային հեռուստաընկերության լրագրող Նորայր Շողիկյանը, իսկ 3-րդ մրցանակակիր ժանաչվեց «Գոլոս Արմենիի» թերթի լրագրող Ռուբեն Մարգարյանը։ 
Հատուկ մրցանակներ ստացան չորրորդ տեղը գրաված «Արմենպրես»-ի գլխավոր խմբագրի տեղակալ Արարատ Պետրոսյանը, «Ֆուտբոլ պլյուս» շաբաթաթերթի հիմնադիր Սուրեն Բաղդասարյանը՝ որպես ամենատարեց մասնակից, կամքի ուժ պարտիայում դրսևորած Արա Նալբանդյանը «Սպուտնիկ Արմենիայից», բոլոր 8 մրցաշարերում մասնակցած Գևորգ Խաչատրյանը (Livenews.am ) և ամենագեղեցիկ պարտիա խաղացած Ռուբեն Մարգարյանը։
Մրցաշարի գլխավոր մրցավարն էր Վարդան Մելքոնյանը, իսկ մրցանակները` գավաթներ, մեդալներ և գումարային պարգևատրումներ, մրցանակակիրներին և աչքի ընկած մասնակիցներին փոխանցեցին արմատներով արցախցի գրոսմայստեր Հովիկ Հայրապետյանը և ԱԹԱ–ի նախագահ Տիգրան Հովհաննիսյանը։
Մրցաշարն անցավ մեկ օրվա ընթացքում արագ շախմատի մրցակարգով․ ամեն մի  խաղի համար մասնակիցներին տրամադրվեց 8 րոպե և 5 վարկյան լրացուցիչ ժամանակ ամեն մի քայլի համար:

***

Դեկտեմբերի 12-ին «Ասպար Արմս»-ի հրաձգարանում անցկացվեց Երևանի քաղաքապետարանի աշխատակազմի սպորտի և երիտասարդության հարցերի վարչության կողմից կազմակերպված հրաձգության մրցույթի առաջին փուլը, որն ընթացավ քաղաքապետարանի և վարչական շրջանների աշխատակիցների միջև։ 1-ին, 2-րդ, 3-րդ տեղեր գրաված աշխատակիցները պարգևատրվեցին վարչության պետ Արսեն Մակվեցյանի կողմից։

***

Դեկտեմբերի 15-16-ին անցկացվեց գեղարվեստական մարմնամարզության Երևանի առաջնությունը, որին մասնակցեց 150 մարզուհի։ Առաջնությունն անցկացվեց Երևանի Շենգավիթի համալիր մարզաձևերի մանկապատանեկան մարզադպրոցում։ Հաղթողները պարգևատրվեցին մեդալներով, պատվոգրերով։

***

Դեկտեմբերի 20-ին ավարտվեց ֆուտզալի առաջնությունը Երևանի քաղաքապետարանի և վարչական շրջանների աշխատակազմերի աշխատակիցների միջև։ 
1-ին տեղը գրավեց Երևանի քաղաքապետարանի աշխատակիցների հավաքական թիմը, 2-րդ տեղը՝ «Երևանի աղբահանություն և սանիտարական մաքրում» հիմնարկի թիմը, 3-րդ տեղը՝ Կենտրոն վարչական շրջանի աշխատակազմի թիմը։ Հաղթողներին պարգևատրեց Երևանի քաղաքապետարանի Սպորտի և երիտասարդության հարցերի վարչության պետ Արսեն Մակվեցյանը։

***

Երկրորդ տարին անընդմեջ Երևանի քաղաքապետարանը տարեվերջին խրախուսում է տարվա լավագույն մարզիկներին ու նրանց մարզիչներին: 2023թ. աշխարհի և Եվրոպայի առաջնություններում, ինչպես նաև օլիմպիական վարկանիշային մրցաշարերում բարձր արդյունքներ ցուցաբերած երևանցի 10 լավագույն մարզիկները պարգևատրվել են և արժանացել 3 մլն ՀՀ դրամի խրախուսական հավաստագրի: Մեկական միլիոն դրամ պարգևի էլ արժանացել են մարզիչները:
Քաղաքապետարանում նրանց հյուրընկալել էին Երևանի քաղաքապետ Տիգրան Ավինյանը, ՀՀ վարչապետի աշխատակազմի ղեկավար Արայիկ Հարությունյանը, քաղաքապետի առաջին տեղակալ Արմեն Փամբուխչյանը, ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանը , Երևանի քաղաքապետարանի սպորտի և երիտասարդության հարցերի վարչության պետ Արսեն Մակվեցյանը: 
Յոթ մարզաձևերում՝ հունահռոմեական և ազատ ոճի ըմշամարտ, մարմնամարզություն, ծանրամարտ, հրաձգություն, բռնցքամարտ և սամբո, պարգևատրվել և խրախուսվել են նաև Երևանի առաջատար երիտասարդ 10 մարզիկները: 
Շնորհավորելով մարզիկներին՝ քաղաքապետը վստահություն է հայտնել, որ հաջորդ տարիներին հաջողությունները միայն ավելանալու են։
Հայաստանի Հանրապետությունում մարզական բնագավառում ներդրած մեծ ավանդի, ոլորտի զարգացմանը միտված բազմամյա գործունեության համար ՀՀ ֆիզիկական կուլտուրայի և սպորտի վաստակավոր գործիչ Հարություն Յավրյանին շնորհվել է «Երևան քաղաքի սպորտի պատվավոր գործիչ» կոչում: 
Հունահռոմեական ոճի ըմբշամարտի զարգացման, երկարամյա մարզչական արդյունավետ գործունեության և աշխարհի, Եվրոպայի, օլիմպիական խաղերի չեմպիոններ և մրցանակակիրներ պատրաստելու գործում ներդրած ավանդի համար ՀՀ վաստակավոր մարզիչ Համլետ Հովհաննիսյանին շնորհվել է «Երևան քաղաքի ֆիզիկական կուլտուրայի և սպորտի պատվավոր գործիչ» կոչում:
Հունահռոմեական ոճի ըմբշամարտի բնագավառում ձեռք բերած զգալի հաջողությունների և ներդրած ավանդի համար աշխարհի չեմպիոն, ՀՀ սպորտի վաստակավոր վարպետ Վաղինակ Գալուստյանն էլ պարգևատրվել է «Էրեբունի-Երևան 2800-ամյակ» հուշամեդալով: