«Սուրբ Աստվածամայր» ԲԿ ՓԲԸ պոլիկլինիկական ծառայության կողմից բնակչությանը տրամադրովում է պետության կողմից երաշխավորված անվճար արտահիվանդանոցային բժշկական օգնություն և սպասարկում  համաձայն ՀՀ կառավարության 318-Ն որոշման:

«Սուրբ Աստվածամայր» բժշկական կենտրոնն գործունեությունը ծավալում է 1982 թվականից՝ համարվելով Հայաստանի Հանրապետության խոշորագույն և բազմաճյուղ բժշկական հաստատություններից մեկը, որտեղ մատուցվում են բարձրորակ բժշկական ծառայություններ՝ Երևանի և մարզային բնակչությանը: Բժշկական կենտրոնը տարեկան սպասարկում է մոտ 50.000 բուժառուի: Կենտրոնում գործում են ընդհանուր և կրծքային վիրաբուժության, մանկական նյարդավիրաբուժության,   3-րդ մակարդակի մանկական վերակենդանացման, պլաստիկ վիրաբուժության և միկրովիրաբուժության, վնասվածքաբանության և օրթոպեդիայի, քիթ-կոկորդ-ականջաբանության, նյարդաբանական, գաստրոէնտերոլոգիական, մանկաբուժական, վերականգնողական և ֆիզիոթերապիայի բաժանմունքները: Հիվանդանոցի ախտորոշիչ ծառայություններն ընդգրկում են կենսաքիմիական, մանրէաբանական, էքսպրես լաբորատորիաները, ուլտրաձայնային, ռենտգեն, համակարգչային տոմոգրաֆիայի և էնդոսկոպիական հետազոտությունները:  
Բժշկական կենտրոնում բուժում են ստանում ծանր համակցված վնասվածքներով, գանգուղեղային վնասվածքներով, ուռուցքներով, արյունազեղումներով և այլ արատներով երեխաներ: 
 «Սուրբ Աստվածամայր» բժշկական կենտրոնը իտաուսումնական հենք է ԵՊԲՀ և ԱԱԻ-ի մի շարք ամբիոնների համար՝ նյարդավիրաբուժություն, մանկական ստոմատոլոգիա և օրթոդոնտիա, ընդհանուր մանկաբուժություն, ռադիոլոգիա, պլաստիկ վերակառուցողական և միկրովիրաբուժական:     
Բժշկական կենտրոնի ենթակայությամբ գործում է նաև առողջության կենտրոն՝ սպասարկելով 48 հազար բնակչություն: 

Տնօրեն` Հովհաննես Զոհրաբյան   
Հասցե՝ ք.Երևան Արտաշիսյան 46/1  
Էլ. հասցե՝ mc@astvatsamayr.am
Հեռախոս՝  010461841: