«Էրեբունի-Երևան 2799» միջոցառումների ծրագրով այս տարի առաջին անգամ կազմակերպվել է «Խելացի Երևան» նորարարական ցուցահանդես, որի շրջանակում Երևանի ու ՀՀ տարբեր մարզերի տաղանդավոր մի շարք երեխաներ հնարավորություն են ստացել ներկայացնելու իրենց մտահղացումները:

Քաղաքապետ Տարոն Մարգարյանը ներկա է գտնվել «Էրեբունի-Երևան 2799» ծրագրի շրջանակում հոկտեմբերի 14-17-ը առաջին անգամ Երևանում անցկացվող «Բացահայտիր Հայաստանը երկնքից» խորագրով օդագնացության միջազգային փառատոնի միասնական թռիչքի մեկնարկի հանդիսավոր արարողությանը: 

«Էրեբունի-Երևան 2799» տոնական միջոցառումների շրջանակում աշխույժ հարթակի էր վերածվել Էրեբունի վարչական շրջանի Էրեբունի փողոցը: Տեղադրված շուրջ 100 տաղավարներում հայկական ու ավանդական ցուցահանդես-վաճառք էր:

Մայրաքաղաքի 28 բեմերում վաղ առավոտից մեկնարկած տոնական միջոցառումները համախմբել էին տարբեր տարիքի ու նախասիրությունների հազարավոր մարդկանց: Տոնական օրը համաքաղաքացիների հետ անցկացնելու և նրանց անձամբ շնորհավորելու նպատակով քաղաքապետ Տարոն Մարգարյանը Երևան այցելած պաշտոնական պատվիրակությունների ներկայացուցիչների հետ միասին շրջել է մայրաքաղաքում: 

Երևանի ծննդյան 2799-րդ տարեդարձի առթիվ մայրաքաղաքի բնակիչներին և հյուրերին մատուցվել է հերթական երաժշտական անակնկալը:  «Լսիր Երևանը» բաղադրիչի ներքո անցկացվող միջոցառումների շրջանակում փողային նվագախմբերի կատարմամբ Երևանի փողոցներում հնչել են սիրելի մեղեդիներ: 

Երևանի ծննդյան 2799-րդ տարեդարձի միջոցառումների շրջանակում Կոմիտասի անվան պետական կոնսերվատորիայի հարակից պուրակում կազմակերպվել է արդեն ավանդական դարձած ուսանողական բեմահարթակը: Այստեղ մայրաքաղաքի տարբեր բուհերի ուսանողներ ներկայացել են երևանյան սիրված երգերի կատարումներով:

Սիրո քաղաք Երևանն իր ծննդյան օրն արևային տրամադրություն էր սփռել մայրաքաղաքում: Տոնական տենդով էր վարակված նաև Հյուսիսային պողոտան: «Էրեբունի-Երևան 2799» միջոցառումների շարքում պողոտայի միանգամից մի քանի հատվածներում օրվա ընթացում կազմակերպվել են հետաքրքիր միջոցառումներ: 

«Էրեբունի-Երևան 2799» տոնական միջոցառումների շրջանակում այս տարի ևս մեծ ուշադրություն է հատկացվել երեխաներին: Մանկական հարթակները ողջ օրվա ընթացքում կգործեն Մանկական զբոսայգում, ինչպես նաև Խաչքարերի պուրակում:

«Էրեբունի-Երևան 2799» տոնական միջոցառումների շրջանակում ժամը 13.00-ից Ազատության հրապարակը զբաղեցրել էին մայրաքաղաքի մարզաշխարհի ներկայացուցիչները, որոնց թվում` նաև աշխարհի և Եվրոպայի չեմպիոններ ու մրցանակակիրներ: 30 ամենատարբեր մարզաձևերի շուրջ 3000 մարզիկներ ցուցադրական ելույթներով իրենց հմտություններն են ներկայացրել հրապարակում ներկա երևանցիներին և մայրաքաղաքի հյուրերին: 

Մայրաքաղաքի ծննդյան օրը Երևանի քաղաքապետարանի հարակից հրապարակն ամբողջությամբ փոքրիկ երևանցիների տնօրինմանն էր հանձնված: «Երևան՝ սիրո քաղաք» խորագրով տոնական կավճանկարչությունը հրաշալի հնարավորություն էր շուրջ 3000 երեխաների համար նաև նկարներով արտահայտելու իրենց սերը՝ հանդեպ սիրելի քաղաքի:

Երևանի հիմնադրման 2799-ամյակին նվիրված տոնական միջոցառումների շարքում ուրույն ձևաչափով և տրամադրությամբ առանձնացել է նաև Կիրովի անվան մանկական զբոսայգում կազմակերպված տոնական ծրագիրը: Հատուկ փոքրիկ երևանցիների համար նախատեսված հարթակում իրար են հաջորդել տիկնիկային ներկայացումները, հետաքրքիր հնարքներով 

Երևանի հիմնադրման 2799-րդ տարեդարձի առթիվ կազմակերպված միջոցառումներին մասնակցելու նպատակով մայրաքաղաքում գտնվող մի շարք քաղաքների պատվիրակությունների անդամները քաղաքապետի առաջին տեղակալ Կամո Արեյանի,