«Գրիգոր Նարեկացի» բժշկական կենտրոնը բազմաճյուղ բժշկական հաստատություն է՝ մատուցվող ծառայությունների մեծ շրջանակով:

Բժշկական կենտրոնը հագեցած է նորագույն բժշկական սարքավորումներով, նորոգված է ժամանակակից պահանջներին համապատասխան և համալրվում է բարձր որակավորման մասնագետներով, որոնք վերապատրաստվել են արտերկրի առաջատար բժշկական ուսումնական հաստատություններում։
«Գրիգոր Նարեկացի» բժշկական կենտրոնում իրականացվում է հիվանդանոցային, արտահիվանդանոցային (ամբուլատոր-համաբուժարանական) բժշկական օգնություն և սպասարկում, նորագույն բուժսարքավորումներով լաբորատոր-գործիքային հետազոտությունների մեծ ծավալ և ախտորոշում։
Բժշկական կենտրոնի հիմնական խնդիրը բնակչությանը բժշկական բարձրորակ օգնություն մատուցելն է՝ կիրառելով առողջապահական ոլորտի վերջին նվաճումները։ Այստեղ նպատակ է դրված բարձրացնելու նաև բուժաշխատողի հեղինակությունը հանրության շրջանում` մատուցելով բարձրակարգ բուժօգնություն։
Կենտրոնը Երևանի պետական բժշկական համալսարանի և մի շարք այլ բժշկական ուսումնական հաստատությունների ուսանողների ուսուցման կլինիկական հենքն է։

1. Արտահիվանդանոցային բուժօգնություն

Կենտրոնի ամբուլատոր-համաբուժարանական ծառայությունում բնակչությանը տրամադրվում է պետության կողմից երաշխավորված անվճար արտահիվանդանոցային բժշկական օգնություն և սպասարկում:
Համաբուժարանի (պոլիկլինիկայի) կառուցվածքում գործում են՝
• Կանանց խորհրդատվություն
• Մանկահասակների ամբուլատոր-համաբուժարանական ծառայություն
• Մեծահասակների ամբուլատոր-համաբուժարանական ծառայություն և նեղ մասնագիտական կաբինետներ։

Արտահիվանդանոցային օգնության շրջանակներում բնակչությանը տրամադվող անվճար բուժօգնությունն ընդգրկում է՝

1.1 Առողջության առաջնային պահպանման ծառայություններ
• Թերապևտիկ
• Մանկաբուժական
1.2 Նեղ մասնագիտական կաբինետներ
• Նյարդաբանական
• Վիրաբուժական
• Քիթ-կոկորդ-ականջաբանական
• Ներզատաբանական
• Գաստրոէնտերոլոգիական
• Վարակաբանական
• Ուռոլոգիական
• Սրտաբանական
• Թոքաբանական
• Մաշկավեներաբանական
• Ստոմատոլոգիական
• Ակնաբուժական
• Ուռուցքաբանական
• Ֆիզիոթերապիայի

2. Հիվանդանոցային բուժօգնություն

2.1 Մանկաբարձական բաժանմունք

Բաժանմունքը հագեցած է ժամանակակից բժշկական սարքավորումներով, իսկ մեկտեղանի և երկտեղանի հիվանդասենյակները համապատասխանում են ժամանակակից չափանիշներին: Պետական պատվերի շրջանակում ծննդաբերներին և ծննդկաններին տրամադրվում է բարձրակարգ ծննդօգնություն, ծննդաբերի ցանկությամբ կազմակերպվում է նաև ծննդաբերություն առանց ցավի:

Բաժանմունքի վարիչ՝ Գագիկ Գևորգյան
Հեռ.` (010) 45-81-15

2.1.1 Մանկաբարձական բաժանմունքի հղիների ախտաբանության ծառայություն

Կազմակերպվում է բնականոն ընթացող հղիություն ունեցող կանանց, ցածր, միջին և բարձր ռիսկի հղիների հիվանդությունների ախտորոշում և բուժում ժամանակակից չափորոշիչներին համապատասխան։

Ծառայության ղեկավար՝ Նելլի Յուզբաշյան
Հեռ.` (010) 45-06-60

2.2 Գինեկոլոգիական բաժանմունք

Գինեկոլոգիական բաժանմունքում իրականացվում է արգանդի ներովայնամիզային կամ հեշտոցային էքստիրպացիա, վերհեշտոցային ամպուտացիա, կոնսերվատիվ միոմեկտոմիա, արգանդի վենտրոֆիքսացիա, ծնվող միոմատոզ հանգույցի հեռացում, ձվարանի բշտի (կիստ) հեռացում, ադնեքսէկտոմիա, լաբորոսկոպիական վիրահատություն հավելումների վրա, հեշտոցի պատերի և շեքիպլաստիկա, արգանդի պարանոցի ամպուտացիա, վիրահատություն անմիզապահության ժամանակ, բարտոլինյանգեղձի կիստայի հեռացում, հեշտոցի փոքր վիրահատություններ /գարդներյան ծորանի բուշտ (կիստա) և այլն/, հեշտոցի պատերի պատռվածքներ /պոստկոիտալ, տրավմատիկ/, արգանդի պարանոցի կոնիզացիա, հղիության արհեստական ընդհատում, կոնսերվատիվ գինեկոլոգիա, արգանդի պարանոցի ԴԵԿ, ներարգանդային պարույրի տեղադրում։

Բաժանմունքի վարիչ՝ բ.գ.թ. Աշոտ Սարգսյան

Հեռ.` (010) 45-34-50

2.3 Մանկաբուժական բաժանմունք

Իրականացվում է սուր և քրոնիկական բրոնխաթոքային հիվանդությունների՝ լարինգոտրախեիտների, կրկնվող բրոնխիտների, թոքաբորբերի, բրոնխիալասթմանների բուժում։ Ցուցաբերվող բուժօգնությունը համալրվում է ժամանակակից լաբորատոր-ախտորոշիչ հետազոտություններով: Մասնագետների մեծ մասը վերապատրաստվել է արտերկրի առաջնակարգ կլինիկաներում։

Բաժանմունքի կլինիկական ղեկավար՝ ՀՀ առողջապահության նախարարության գլխավոր

մանկականան էսթեզիոլոգ-ռեանիմատոլոգ Հրանտ Կալանտերյան

Բաժանմունքի վարիչ, կլինիկական ղեկավար՝ Կոնստանտին Քրմոյան

Հեռ.` (010) 45-81-15

2.4 Նորածնային բաժանմունք

Բաժանմունքում իրականացվում է առողջ և ախտաբանությամբընթացող նորածինների հսկողություն՝ ժամանակակից չափորոշիչներին համապատասխան, ինտենսիվ թերապիա և վերակենդանացում։

Բաժանմունքի վարիչ՝ Կոնստանտին Քրմոյան
Հեռ.` (010) 45-81-15

2.5 Վիրաբուժության կենտրոն

Ընդհանուր, որովայնային և ռեկոնստրուկտիվ պլաստիկ վիրաբուժության կենտրոնը տարածաշրջանում բարդ և ռեկոնստրուկտիվ վիրահատությունների իրականացման առաջատարն է: Վիրահատությունները կատարվում են ինչպես բաց, այնպես էլ լապորասկոպիական եղանակներով: Կենտրոնում իրականացվում են վահանաձև գեղձի, կրծքագեղձի, կերակրափողի և ստոծանու, ստամոքսի և 12-մատնյա աղու, աղիների և որովայնի խոռոչի, լյարդի, լեղուղիների, ենթաստամոքսային գեղձի, ճողվածքների, փայծաղի և պրոկտոլոգիական վիրահատություններ:

Կենտրոնի ղեկավար՝ Մ. Հերացու անվան Երևանի պետական բժշկական ընդհանուր և

կրծքային վիրաբուժության ամբիոնի վարիչ` ՀՀԲԳԱ, ՀՀՎԳԱ և ՌՖԲՏԳ ակադեմիկոս,

բ.գ.դ., պրոֆեսոր Զ. Ա. Տեր-Ավետիքյան

2.6 Մեծահասակների և մանկական քիթ-կոկորդ-ականջաբանական և դիմածնոտային վիրաբուժության ծառայություն

Բաժանմունքում ախտորոշվում և բուժվում են ՔԿԱ և դիմածնոտային ախտաբանությամբ բազմաթիվ հիվանդներ՝ կիրառելով հիվանդությունների ախտորոշման մի շարք ժամանակակից մեթոդներ.
Որպես արդի բազմաճյուղ բուժկենտրոնի բաժանմունք՝ այստեղ շուրջօրյա իրականացավում է մեծահասակ և մանկահասակ բնակչության մասնագիտացված քիթ-կոկորդ-ականջաբանական և դիմածնոտային հիվանդությունների բուժում։ Քթի, կոկորդի, ականջի սուր և քրոնիկական թարախաբորբոքային հիվանդությունների, օտար մարմինների, վնասվածքների, արյունահոսությունների և այլ բնույթի ախտաբանական փոփոխությունների ժամանակ հիվանդների շրջանում իրականացվում են համապատասխան ախտորոշիչ-բուժական միջոցառումներ՝ օգտագործելով ժամանակակից նորագույն մեթոդներ։
Մասնագետների բարձր պրոֆեսիոնալիզմը, բժիշկների գործնական փորձը, բուժման և վիրաբուժական միջամտությունների ժամանակակից մեթոդները հնարավություն են տվել իրականացնելու քիթ-կոկորդ-ականջաբանական և դիմածնոտային հիվանդությունների ժամանակ բարդ ռեկոնստրուկտիվ պլաստիկ վիրահատություններ /բնածին և հետվնասվածքային ձևափոխություն, ուռուցքների ոսկրերի և փափուկ հյուսվածքների թերությունների ժամանակ/: Բաժանմունքի կարևոր ձեռքբերումներից է դեմքի բնածին արատների՝ շրթունքի և քիմքի բնածին ճեղքվածքների (նապաստակի շրթունք, գայլիերախ) վիրահատական բուժման դրական արդյունքները, երբ վերականգնվում է արատավոր օրգանի և՛ տեսքը, և՛ գործառույթը: Բաժանմունքը ուսումնական հենք է Երևանի պետական բժշկական համալսարանի համար:

Ծառայության ղեկավար՝ Մ. Հերացու անվան Երևանի պետական բժշկական համալսարանի

վիրաբուժական ստոմատոլոգիայի և դիմածնոտային վիրաբուժության ամբիոնի վարիչ, բ.գ.թ., դոցենտ Գագիկ Քոչարյան։

2.7 Վերակենդանացման և անեսթեզիոլոգիայի բաժանմունք

Գրիգոր Նարեկացի բժշկական կենտրոնի վերակենդանացման և անեսթեզիոլոգիայի բաժանմունքում վիրահատված բոլոր հիվանդները գտնվում են բուժանձնակազմի խիստ և հոգատար հսկողության ներքո: Անզգայացումն իրականացվում է ցավազրկման ժամանակակից մեթոդներով: Բաժանմունքում իրականացվում է նաև ծննդաբերություն առանց ցավի: Ինտենսիվ հսկողության սրահները կահավորված են վերակենդանացման ժամանակակից սարքավորումներով, հիվանդի հսկողության մոնիտորներով և այլ անհրաժեշտ բժշկական սարքավորումներով:

Բաժանմունքի վարիչ՝ ԵՊԲՀ անեսթեզիոլոգիայի և ռեանիմատոլոգիայի ամբիոնի ավագ գիտաշխատող Վիկտորյա Բաբայան

2.8 Լաբորատոր-գործիքային ծառայություն

«Գրիգոր Նարեկացի» բժշկական կենտրոնն իրականացնում է լաբորատոր-ախտորոշիչ և գործիքային հետազոտություններ՝ ժամանակակից անալիզատորներով և բժշկական գործիքներով. 2015 թվականին ձեռք են բերվել ժամանակակից սարքավորումներ, որոնք երաշխավորում են հետազոտությունների և, հետևաբար, հիվանդությունների ախտորոշման ճշգրտությունը։

Ծառայության ղեկավար՝ Հրանուշ Հարությունյան։

2.8.1 ԼԱԲՈՐԱՏՈՐ ՔՆՆՈՒԹՅՈՒՆՆԵՐ

• Ընդհանուր կլինիկական
• Կենսաքիմիական
• Իզոսեռոլոգիական
• Իմունաֆերմենտային


2.8.2 ԳՈՐԾԻՔԱՅԻՆ ՔՆՆՈՒԹՅՈՒՆՆԵՐ՝

• Որովայնի օրգանների ընդհանուր սոնոգրաֆիա
• Փոքր կոնքի սոնոգրաֆիա
• Որովայնի օրգանների և փոքր կոնքի օրգանների սոնոգրաֆիա
• Պտղի սեռի որոշում
• Կոլպոսկոպիա
• Դոպլերոգրաֆիա
• Պտղի սոնոգրաֆիա
• Վահանաձև գեղձի սոնոգրաֆիա
• Կրծքագեղձի սոնոգրաֆիա
• Պտղի դոպլեր հետազոտություն
• Անոթների դուպլեքս հետազոտություն
• Ներհեշտոցային սոնոգրաֆիա
• Պտղի 4D- հետազոտություն
• ԷՍԳ
• էխոկարդիոգրաֆիա
• Ռենտգեն հետազոտություններ
• Ֆիզիոթերապիա

Տնօրեն` բժշկական գիտությունների թեկնածու Լևոն Գրիգորյան
Հասցե` ք. Երևան, Նոր Արեշ 22-րդ փողոց 63/1
Էլեկտրոնային փոստ ` grigornarekatsi@mail.ru
Կայք` www.gnclinic.am
Հեռ.` (010) 45-81-96