Փակել
Երեխաների և սոցիալական պաշտպանության վարչության 2024 թվականի հունվար-սեպտեմբեր ամիսների գործունեությունը
Սոցիալական պաշտպանության ոլորտ
Վարչության կողմից 2024 թվականի հունվար-սեպտեմբեր ամիսների ընթացքում իրականացվել են 2024 թվականի Երևան համայնքի բյուջեով նախատեսված մի շարք ծրագրեր, կազմակերպվել միջոցառումներ, համագործակցություններ միջազգային և տեղական հասարակական կազմակերպությունների հետ։
1. Երևան քաղաքում երեխաների և սոցիալական պաշտպանության համակարգի արդյունավետ կառավարման և շարունակական զարգացման նպատակով՝ վարչական շրջանների համապատասխան բաժինների մասնագետների համար նախատեսվում է կազմակերպել մշակված մոդուլին համապատասխան շարունակական վերապատրաստման դասընթացներ՝ նեղ մասնագիտական կարողությունների և հմտությունների զարգացման նպատակով: Ծրագիրն իրականացվում է միջազգային կազմակերպության հետ:
2. Տարբեր սոցիալական խմբերի համար Երևան համայնքում որակյալ սոցիալական ծառայությունների կազմակերպման նպատակով՝
• Հաշմանդամություն ունեցող անձանց համար նախատեսված ծրագրերով սոցիալական տաքսի ծառայության կազմակերպման նպատակով կազմվել է տեխնիկական բնութագիր և ներկայացվել է գնման հայտ: Ծրագրի ձեռքբերման ընթացակարգը հայտարարվել է չկայացած՝ համաձայն «Գնումների մասին» ՀՀ օրենքի 37-րդ հոդվածի 1-ին մասի 3-րդ կետի /ոչ մի հայտ չի ներկայացվել։
• Տարեցների համար նախատեսված սոցիալական աջակցության ծառայությունների շրջանակում (համայնքահեն սոցիալ-հոգեբանական ծառայությունների կազմակերպում, օրինակ՝ ցերեկային կենտրոններ, տնային խնամքի կազմակերպում): Ծրագիրը մեկնարկել է ս.թ. սեպտեմբերի 16-ից և ավարտը նախատեսվում է նոյեմբերին: Ծրագրի ընթացքում շուրջ 1000 տարեցներ հնարավորություն ունեն 50 շրջագայությունների ընթացքում այցելել Հայաստանի տեսարժան վայրեր:
• Պատերազմից տուժած ընտանիքներին ուղղված ծրագրի շրջանակներում կենցաղային և բնակարանային պայմանների բարելավման և հարմարեցման նպատակով իրականացվել է կարիքների գնահատում, ընտրվել են ծրագրի շահառուները: Ծրագիրը նախատեսվում է իրականացնել «Զինվորի տուն» բարեգործական հասարակական կազմակերպության հետ համագործակցությամբ՝ հաշվի առնելով վերջինիս կողմից ներկայացված դիմումը և նախկինում ունեցած արդյունավետ համագործակցությունը:
• Հոգեբանական/ հոգեկան առողջության խնդիրներ ունեցող անձանց ուղղված ծրագրի շրջանակներում հոգեբանական և հոգեբուժական ծառայությունների մատուցման կազմակերպման նպատակով իրականացվել են նախապատրաստական աշխատանքներ՝ սահմանվել են շահառուների ընտրության չափորոշիչներ, կազմվել է՝ տեխնիկական բնութագիր: 2 անգամ ներկայացվել է գնման գործընթացի: Գնման ընթացակարգը հայտարարվել է չկայացած «Գնումների մասին» ՀՀ օրենքի 37-րդ հոդվածի 1-ին մասի 1-ին կետով /հայտերից ոչ մեկը չի համապատասխանում հրավերի պայմաններին/:
3. Սոցիալական աջակցության կարիք ունեցող ընտանիքներին կայուն եկամուտ ապահովելու նպատակով զբաղվածության ծրագրերով վերոնշյալ ընտանիքներին տարբեր մասնագիտությունների ձեռքբերման և համապատասխան աշխատանքային գործիքների տրամադրման նպատակով: Կազմվել է տեխնիկական բնութագիր և ներկայացվել գնման հայտ: Գնման գործընթացը կայացել է, ծրագրի մեկնարկը նախատեսվում է հաջորդ եռամսյակում:
4. Հասարակական կազմակերպությունների հետ համագործակցությամբ Երևան համայնքի հետ համատեղ իրականացվել են սոցիալական ծրագրեր՝ ուղղված սոցիալական աջակցության կարիք ունեցող տարբեր խոցելի խմբերին.
• «Փրկություն» հաշմանդամ երեխաների և երիտասարդների կենտրոն բարեգործական ՀԿ-ին 26.02.2024թ. Փ-1, 18.03.2024թ. Փ-2, 05.04.2024թ Փ-3, 20.05.2024թ Փ-4, 07.06.2024թ. Փ-5, 11.07.2024թ. Փ-6, 09.09.2024թ. Փ-7 նվիրատվության պայմանագրերով տրամադրվել է աջակցություն՝ կոմունալ ծառայությունների փոխհատուցման նպատակով /գազ, ջուր և կապի ծառայություններ/:
• «Հանս Քրիստիան Կոֆոեդ» Բարեգործական հիմնադրամ ՀՄԴ-ին /անօթևանների կացարան/ 26.02.2024թ. Կ-1, 01.04.2024թ. Կ-2, 05.04.2024 Կ-3, 07.05.2024թ. Կ-4, 23.05.2024թ Կ-5, 28.06.2024թ. Կ-6, 29.07.2024թ, Կ-7 նվիրատվության պայմանագրերով տրամադրվել է աջակցություն՝ կոմունալ ծառայությունների փոխհատուցման նպատակով:
• «Հայաստանի խուլերի միավորում» ՀԿ-ին 06.03.2024թ. ՀԽՄ-1, 17.06.2024թ. ՀԽՄ-2 նվիրատվության պայմանագրով տրամադրվել է աջակցություն՝ Հայաստանի ամբողջ տարածքում, լսողության խնդիրներ ունեցող անձանց ժեստերի լեզվի թարգմանության հեռավար ծառայություն մատուցելու նպատակով:
• «ՍՈՐՍ» հաշմանդամություն ունեցող երեխաների և նրանց ընտանիքների հիմնադրամ ՀՄԴ-ին 14.05.2024թ Ս-1 նվիրատվության պայմանագրով տրամադրվել է աջակցություն՝ Երևան համայնքում հաշմանդամություն ունեցող երեխաների սոցիալական ծառայությունների տրամադրման նպատակով:
• «Քայլ առաջ» սոցիալական ՀԿ-ին 10.06.2024թ. Ք-1 նվիրատվության պայմանագրով տրամադրվել է աջակցություն՝ Երևան համայնքում հաշմանդամություն ունեցող երեխաներին, դեռահասներին և նրանց ընտանիքի անդամներին սոցիալ-առողջապահական ծառայությունների մատուցման համար:
• Երևան համայնքում ճգնաժամային խնամատարության ներդրման պիլոտային ծրագրի շրջանակներում համապատասխան բնակարանի վերանորոգման ծախսերի համաֆինանսավորման նպատակով աջակցություն է տրամադրվել «ՍՕՍ-Մանկական Գյուղեր» ՀԲՀ-ին:
5. Երևան համայնքում համայնքային սոցիալական ծառայություններ ներդնելու նպատակով ՅՈՒՆԻՍԵՖ-ի աջակցությամբ այս պահին փորձագետների խմբի կողմից կատարվում են համապատասխան աշխատանքներ:
6. Երևանի սոցիալական աջակցության վերաբերյալ կամավոր խնդիրների լուծմանը միտված ծրագրերի իրականացման շրջանակներում 24.06.2020թ. 253-Ն Երևանի քաղաքապետին կից հասարակական կարգով գործող սոցիալական աջակցության տրամադրման խորհրդի կազմավորման և գործունեության կարգն ու լիազորությունները սահմանելու մասին որոշման մեջ կատարվել են փոփոխություններ 26.12.2023թ. 38-Ն որոշմամբ՝ ավելացվել է հանձնաժողովի անդամների թիվը՝ սահմանելով 17: 13.03.2024թ. 950-Ա որոշմամբ հաստատվել է Երևանի քաղաքապետին կից հասարակական կարգով գործող սոցիալական աջակցության տրամադրման խորհրդի անհատական կազմը: Խորհրդի նիստը կայացել է 10.04.2024թ-ին և նիստի ընթացքում հաստատվել և ֆինանսավորվել են 12 դեպքեր՝ 3 ուսման վարձի փոխհատուցում, 9 դրամական աջակցություն, որից 7-ը բնակվարձի փոխհատուցում: Իրականացվել են նախապատրաստական աշխատանքներ/դեպքերի ուսումնասիրություն, անհատական ծրագրերի և փաստաթղթային փաթեթների ուսումնասիրություն և քննարկում/՝ ս.թ հոկտեմբեր ամսին Խորհրդի նիստ հրավիրելու նպատակով: Իրականացված աշխատանքների արդյունքում վարչության կողմից նիստի քննարկմանն է նախապատրաստվել դեպքեր՝ ուսման վարձի փոխհատուցում, դրամական աջակցություն՝ բնակվարձի, տանիքի վերանորոգման համար:
Սոցիալական պաշտպանության ոլորտում իրականացվել են նաև այլ աշխատանքներ, ըստ որի՝
• Սոցիալական պաշտպանության ոլորտում համագործակցություն է իրականացվել ՀՀ աշխատանքի և սոցիալական հարցերի, ՀՀ տարածքային կառավարման և ենթակառուցվածքների, Արդարադատության, Ներքին գործերի նախարարությունների, վարչական շրջանների ղեկավարների աշխատակազմերի, միասնական սոցիալական ծառայության տարածքային կենտրոնների, ինչպես նաև ոլորտում ակտիվ գործունեություն ծավալող միջազգային, հասարակական և այլ կազմակերպությունների հետ:
• Արցախում 2023թ-ի սեպտեմբերի 25-ին տեղի ունեցած պայթյունի հետևանքով մահացած անձանց հարազատներին ֆինանսական աջակցություն տրամադրելու նպատակով վարչության կողմից իրականացվել է փաստաթղթերի հավաքագրման, ամփոփման գործընթացը և տվյալները փոխանցվել «Երևան» հիմնադրամին: Ծրագրի մեկնարկից սկսած 98 մահացած անձանց հարազատներին տրամադրվել է ֆինանսական աջակցություն, դիմումների ընդունման գործընթացը շարունակվում է:
• Երևան համայնքում սոցիալական աջակցության կարիք ունեցող ընտանիքներին վարչական շրջանների միջոցով տրամադրվել է 9677 ընտանիք /41527 անձի աջակցություն /բնաիրային փաթեթ, գույք, տեխնիկա, անկողնային պարագաներ և այլն/:
• 2023թ-ից իրականացվել են աշխատանքներ և ձեռք է բերվել ամանորյա տոներին նվիրված Սպենդիարյանի անվան ազգային ակադեմիական օպերայի և բալետի թատրոնի «Մուկ օպերա», «Մարդուկ Ջարդուկ» միջոցառումների 2140 տոմս՝ տարբեր խոցելի խմբերին տրամադրելու նպատակով:
• Կանանց տոներին նվիրված միջոցառումներին մասնակցելու նպատակով տարբեր խոցելի խմբերին բաշխվել է 5000 տոմս, որոնք վարչությանն է տրամադրել աշխատակազմի մշակույթի և տուրիզմի վարչությունը:
• 2023թ-ից իրականացվել են աշխատանքներ Չինաստանի դեսպանատան կողմից ստացված աջակցության միջոցով Արցախից տեղահանված ընտանիքների երեխաներին 340 ձմեռային բաճկոն տրամադրելու նպատակով:
• Հ.Ք.Վ.Օ.Ս.Ե բարեգործական կազմակերպության հետ համագործակցության շնորհիվ ձեռք է բերվել 1300 անկողնային պարագաների փաթեթ՝ Արցախից բռնի տեղահանված ընտանիքներին բաշխելու նպատակով:
• ԱՄՆ միջազգային զարգացման գործակալության ֆինանսավորմամբ, «Դեմոքրասի Ինթերնեյշնլ» կազմակերպության կողմից իրականացվող «Աղետների արագ արձագանքում» ծրագրով ձեռք են բերվել ապրանքներ /սպիտակեղեն 2040 հատ, արդուկ 680 հատ, թեյնիկ 680 հատ, կաթսա 680 հատ/: Վարչության հետ համագործակցությամբ նշված ապրանքները տրամադրվել են վարչական շրջանների միջոցով, որոնք բաշխվել են Արցախից տեղահանված միայնակ մայրերին, ինչպես նաև ծայրահեղ ծանր պայմաններում գտնվող ընտանիքներին:
• Վարչության կողմից ձեռք է բերվել «Գայանե» բալետի 1070 տոմսեր: Նշված տոմսերը բաշխվել են պատերազմից տուժած ընտանիքներ /օրինակ՝ զոհված, վիրավորում ստացած, անհետ կորած, հաշմանդամություն ձեռքբերած զինծառայողների ընտանիքներ և այլն/
• Բաժնի կողմից իրականացվել են այցեր վարչական շրջանների ղեկավարների աշխատակազմերի երեխաների և սոցիալական պաշտպանության բաժիններ՝ բարդ դեպքերի, իրականացվող աշխատանքների, ծրագրերի վերահսկողության, սուպերվիզիայի իրականացման նպատակով: Իրականացվել է մեթոդական համակարգում:
• Բաժնի կողմից իրականացվել են վերահսկողական այցեր ՀԿ-ներ, որոնց վարչության կողմից տրամադրվել են դրամական աջակցություններ՝ խոցելի խմբերին ծառայություններ մատուցելու նպատակով:
• Զբաղվածության ծրագրերով վարչության կողմից կազմակերպվել են քննարկումներ, հանդիպումներ, տնայցեր և վերահսկողություն:
• Կազմակերպվել են շահառուների ընդունելություններ՝ իրականացվել կարիքների գնահատում, տրվել համապատասխան խորհրդատվություններ և հանձնարարականներ՝ վարչական շրջանների ղեկավարների աշխատակազմերի համապատասխան բաժիններին:
• Երեխաների և սոցիալական պաշտպանության վարչության աշխատակիցները նշված եռամսյակում մասնակցել են տարբեր քննարկումների, հանդիպումների և դասընթացների:
• Չինաստանի Ժողովրդական Հանրապետությունում վարչության աշխատակիցները մասնակցել են ՇՀԿ երկրների համար աղքատության կրճատման վերաբերյալ դասընթացին:
• Վարչության աշխատակիցները սեպտեմբերի 13-14-ը մասնակցել են «Արդյունավետ գենդերային մեխանիզմը որպես գենդերային հավասարության հիմնաքար» արտագնա քննարկմանը և «Կանայք քաղաքականության հանրային կառավարման և քաղաքացիական հասարակության մեջ թեմայի շրջանակներում սեռահավասարության բառացանկի» վերաբերյալ քննարկմանը:
• Կայացել է հաշմանդամություն ունեցող անձանց խնդիրներով զբաղվող Երևանի քաղաքային հանձնաժողովի նիստը, որի ժամանակ Երևանի քաղաքապետ Տիգրան Ավինյանի կողմից քաղաքապետարանի ստորաբաժանումներին տրվել է հանձնարարականներ, որոնց վերաբերյալ տեղեկատվությունը հավաքվել է վարչության կողմից՝ հետագա աշխատանքների կազմակերպման նպատակով:
• ՄԱԿ-ի մանկական հիմնադրամի (ՅՈՒՆԻՍԵՖ) հետ համագործակցությամբ կազմակերպվել է արտագնա աշխատանքային քննարկում՝ արտակարգ իրավիճակներում աշխատանքների կազմակերպման և խնդիրների վերհանում իրականացնելու նպատակով:
• Կայացել է հաշմանդամություն ունեցող անձանց հարցերով զբաղվող Երևանի քաղաքային հանձնաժողովի նիստը, որի ժամանակ քաղաքապետ Տիգրան Ավինյանի կողմից քաղաքապետարանի ստորաբաժանումներին տրվել է հանձնարարականներ, որոնց վերաբերյալ տեղեկատվությունը հավաքվել է վարչության կողմից՝ հետագա աշխատանքների կազմակերպման նպատակով:
• Իրականացվել են Երևանի քաղաքապետարանում գենդերային հանձնաժողով ստեղծելու աշխատանքներ:
• Իրականացվել են աշխատանքներ Երևանի քաղաքապետին կից հասարակական կարգով գործող սոցիալական աջակցության տրամադրման խորհրդի անհատական կազմի անդամներ հավաքագրելու նպատակով:
• Իրականացվել են աշխատանքներ Երևանի քաղաքապետին կից հասարակական կարգով գործող սոցիալական պաշտպանության խորհրդի անհատական կազմը հաստատելու նպատակով:
Երեխաների պաշտպանության ոլորտում գործունեության նկարագրություն
Կյանքի դժվարին իրավիճակում հայտնված /ԿԴԻՀ/ երեխաների իրավունքների և շահերի պաշտպանության նպատակով երեխաների պաշտպանության բաժինն ապահովել է գործող օրենսդրությամբ իրեն վերապահված լիազորությունների իրականացումը: Վարչական շրջանների խնամակալության և հոգաբարձության հանձնաժողովների հետ քննարկվել են բացահայտված ԿԴԻՀ երեխաների դեպքերը, իրականացվել է ուղղորդում համապատասխան պետական և հասարակական կառույցներ՝ անհրաժեշտ ծառայություններ ստանալու նպատակով:
1. Հանրակրթական դպրոցներում երեխաների իրավունքների վերաբերյալ իրազեկվածության բարձրացման նպատակով՝ իրականացվել են նախապատրաստական աշխատանքներ, կազմվել է տեխնիկական բնութագիր: Ծրագիրը նախատեսվում է իրականացնել 4-րդ եռամսյակում:
2. Մշակութային և կրթական միջոցառումներ կյանքի դժվարին իրավիճակում հայտնված երեխաների համար
• «Ընտանիքի միջազգային օրվան» նվիրված միջոցառման համար կայացել է գնման գործընթաց նվերների ձեռքբերման համար: 4-րդ եռամսյակում նախատեսվում է խնամատար ընտանիքների երեխաների այցելության կազմակերպում Երևան քաղաքի պատմության թանգարան և նվերների տրամադրում:
• Կյանքի դժվարին իրավիճակում հայտնված երեխաների համար մշակութային վայրեր այցելություն կազմակերպելու նպատակով իրականացվել են նախապատրաստական աշխատանքներ, կազմվել է տեխնիկական բնութագիր: Այցելությունը նախատեսվում է իրականացնել 4-րդ եռամսյակում:
• Ամանորին նվիրված մշակութային և կրթական միջոցառումներին երեխաների մասնակցությունն ապահովելու նպատակով նախատեսվում է ձեռք բերել ամանորյա միջոցառման տոմսեր: Գնման գործընթացի համար կազմվել է տեխնիկական բնութագիր: Ծրագիրը նախատեսվում է իրականացնել 4-րդ եռամսյակում:
3. Վարչական շրջաններում երեխային լսելու սենյակների ստեղծման համար կազմվել է տեխնիկական բնութագիր և ներկայացվել գնման հայտ:
Երևան համայնքի երեխայի պաշտպանության համակարգի մասնագետների, այդ թվում՝ խնամակալության և հոգաբարձության հանձնաժողովների անդամների մասնագիտական գիտելիքներն ու հմտությունները զարգացնելու, փոխգործակցության ապահովմանը, համատեղ գործառույթների իրականացմանը նպաստելու, ինչպես նաև ոլորտային օրենսդրության իմացությունը բարձրացնելու նպատակով՝ նախատեսվում է իրականացնել վերապատրաստում «ՍՕՍ-մանկական գյուղեր» հայկական բարեգործական հիմնադրամի հետ՝ 4-րդ եռամսյակում:
«ՍՕՍ-մանկական գյուղեր» հայկական բարեգործական հիմնադրամի հետ համագործակցությամբ աշխատանքներ են տարվում «Երևան համայնքում ճգնաժամային խնամատարության ներդրման» փորձնական ծրագիր իրագործելու համար:
Խնամատարության ընթացակարգով սահմանված ճգնաժամային և արձակուրդային խնամատար ինստիտուտի միջոցով հնարավորություն է տրվում արագ արձագանքման մեխանիզմ կիրառել հաստատություն երեխայի մուտքը կանխարգելելու նպատակով, իսկ մասնագիտացված խնամատարությունը հնարավորություն է տալիս կազմակերպել հատուկ կարիքներ ունեցող երեխաների խնամքը ընտանեկան միջավայրում: Սակայն, հաշվի առնելով, որ արձակուրդային և ճգնաժամային խնամատար ընտանիքներ Երևանում դեռևս չեն հաշվառվել, քիչ է մասնագիտացված խնամատար ընտանիքների թիվը՝ նախատեսվում է հանրության լայն շրջանակներում իրականացնել խնամատարության գործընթացի, մասնավորապես վերոնշյալ տեսակների վերաբերյալ իրազեկում՝ համապատասխան ընտանիքներ ներգրավելու նպատակով։ Իրազեկման մեթոդաբանության մշակման և կազմակերպման համար ներկայումս բանակցություններ են ընթանում «ՍՕՍ-մանկական գյուղեր» հայկական բարեգործական հիմնադրամի հետ:
Երեխաների պաշտպանության ոլորտում համագործակցություն է իրականացվել ՀՀ աշխատանքի և սոցիալական հարցերի, արդարադատության, կրթության, գիտության, մշակույթի և սպորտի նախարարությունների, ՀՀ գլխավոր դատախազության, ՀՀ ոստիկանության անչափահասների գործերով բաժինների, վարչական շրջանների ղեկավարների աշխատակազմերի, միասնական սոցիալական ծառայության տարածքային կենտրոնների, մանկատների, երեխաների խնամքի և աջակցության կենտրոնների, ինչպես նաև ոլորտում ակտիվ գործունեություն ծավալող կազմակերպությունների հետ («ՍՕՍ-մանկական գյուղեր», «Առաքելություն Հայաստան» և այլն):
Հիմք ընդունելով ՀՀ կառավարության 22.06.2006թ. N 962-Ն որոշմամբ հաստատված կարգը՝ վարչական շրջանների կողմից ներկայացված տեղեկատվության համաձայն հաշվառվել է առանց ծնողական խնամքի մնացած 50 երեխա, առանց ծնողական խնամքի մնացած երեխաների թվին պատկանող 20 անձ:
Հիմք ընդունելով ՀՀ կառավարության 25.09.2015թ. N 1112-Ն որոշմամբ հաստատված կարգը /հավելված 1/՝ 30 երեխայի տրվել է երեխաների խնամքի հաստատությունում տեղավորվելու մասին եզրակացություն, 1 երեխայի՝ երեխաների խնամքի հաստատությունից կենսաբանական ընտանիք վերադարձի մասին:
Հիմք ընդունելով ՀՀ կառավարության 18.03.2010թ. N 269-Ն որոշմամբ հաստատված կարգը /հավելված 1/՝ քաղաքացիների կողմից ներկայացված փաստաթղթերը և կենսապայմանների ուսումնասիրության ակտերը, ինչպես նաև միասնական սոցիալական ծառայության տարածքային կենտրոնների կողմից ներկայացված եզրակացությունները՝ տրվել է երեխա որդեգրելու հնարավորության մասին 20 դրական եզրակացություն, հաշվառման է վերցվել երեխա որդեգրել ցանկացող 25 անձ: Նշված կարգի համաձայն կազմվել և ՀՀ աշխատանքի և սոցիալական հարցերի նախարարություն է ուղարկվել 26 հարցում՝ երեխային տեսակցելու և որդեգրման հնարավորությունը պարզելու համար, տրվել է որպես որդեգրել ցանկացող հաշվառված անձի և որդեգրման ենթակա երեխայի անձնական շփումների փաստի վերաբերյալ 4 եզրակացություն, հաշվառվել է որդեգրման ենթակա 18 երեխա:
Հիմք ընդունելով ՀՀ կառավարության 03.10.2019թ. N 1371-Ն և 13.06.2019թ. N 751-Ն որոշումները՝ 6 քաղաքացի հաշվառվել է որպես խնամատար ծնող դառնալ ցանկացող անձ: Որպես խնամատար ծնող դառնալ ցանկացող հաշվառված անձանց դիմումների հիման վրա, ինչպես նաև հիմք ընդունելով Երևանի քաղաքապետի 25.09.2019թ. N 891-Ա կարգադրությունը՝ իրականացվել է խնամատար անձանց և խնամատարության ենթակա երեխաների տվյալների 13 համադրում: Որպես խնամատար ծնող դառնալ ցանկացող անձանց և խնամատարության ենթակա երեխաների տվյալների համադրման շնորհիվ կազմակերպված հանդիպումներին մասնակցելու նպատակով իրականացվել են այցելություններ մանկատներ, խնամքի կենտրոններ: Կնքվել է խնամատարության 4 պայմանագիր, որից 1-ը՝ մինչև 18 տարեկան երեխաների, իսկ 3-ը՝ 18-23 տարեկան անձանց մասնագիտացված խնամատարության:
Հիմք ընդունելով ՀՀ ընտանեկան օրենսգրքի 128.1 և 139.1 հոդվածը, ինչպես նաև ՀՀ կառավարության 13.06.2019թ. N 751-Ն որոշումը՝ իրականացվել է խնամատար ընտանիքում խնամվող երեխայի՝ հոգեզավակի կյանքի, առողջության, դաստիարակության և կենսապայմանների նկատմամբ 25 վերահսկողություն, ինչպես նաև որդեգրողի ընտանիքում որդեգրված երեխայի խնամքի նկատմամբ 20 վերահսկողություն:
Կյանքի դժվարին իրավիճակում հայտնված երեխաների տվյալները մուտքագրվել են «Մանուկ» տեղեկատվական համակարգում, ըստ անհրաժեշտության կատարվել են համապատասխան փոփոխություններ:
Հիմք ընդունելով ՀՀ աշխատանքի և սոցիալական հարցերի նախարարության կողմից տրամադրված 2024 թվականի ՀՀ պետական բյուջեից դրամաշնորհի մրցույթի արդյունքում հաղթող ճանաչված և ՀՀ աշխատանքի և սոցիալական հարցերի նախարարության հետ պայմանագրեր կնքած՝ «Երեխաների խնամքի ցերեկային ծառայություններ» ծրագրի շրջանակներում պատվիրակված ծառայություններ իրականացնող հասարակական կազմակերպությունների /«Առաքելություն Հայաստան» ԲՀԿ-ի և «ՍՕՍ- մանկական գյուղեր» հայկական բարեգործական հիմնադրամ/ ցանկը՝ երեխաների պաշտպանության գործընթացում իրականացվել են համապատասխան ուղղորդումներ:
Կյանքի դժվարին իրավիճակում հայտնված երեխաների իրավունքների և շահերի պաշտպանության նպատակով բաժինն ապահովել է գործող օրենսդրությամբ իրեն վերապահված լիազորությունների իրականացումը: Վարչական շրջանների խնամակալության և հոգաբարձության հանձնաժողովների հետ քննարկվել են բացահայտված ԿԴԻՀ երեխաների դեպքերը և իրականացվել է ուղղորդում համապատասխան պետական և հասարակական կառույցներ՝ անհրաժեշտ ծառայություններ ստանալու նպատակով: Բաժնի աշխատակիցները մասնակցել են վարչական շրջանների խնամակալության և հոգաբարձության հանձնաժողովների այն նիստերին, որտեղ քննարկվել են երեխայի հետ կապված հատուկ դեպքեր: Պարբերաբար տրամադրվել են մասնագիտական խորհրդատվություն և մեթոդական աջակցություն խնամակալության և հոգաբարձության հանձնաժողովներին և վարչական շրջանների երեխաների և սոցիալական պաշտպանության բաժնի աշխատակիցներին:
Բաժնի կողմից հունիսի 1-ին՝ Երեխաների պաշտպանության միջազգային օրը, Երևանի քաղաքապետարանի աշխատակազմի երեխաների և սոցիալական պաշտպանության վարչության կողմից երեխաների մասնակցությամբ՝ Երևանի քաղաքապետարանի ավագանու նիստերի դահլիճում իրականացվել է «Երևանի քաղաքապետարանը՝ երեխաների համար» խորագրով միջոցառում: Միջոցառման ձևաչափը՝ Երևան քաղաքի ավագանու նիստ, որն անց է կացվել Երևանի քաղաքապետի առաջին տեղակալի կողմից, իսկ ավագանու փոխարեն հանդես են եկել 64 աշակերտներ:
ՄԱԿ-ի կայուն զարգացման նպատակների ազգայնացման գործընթացի ապահովման նպատակով իրականացվող ծրագրի շրջանակներում 1-17 տարեկան երեխաների նկատմամբ ծնողների, խնամատարների, օրինական ներկայացուցիչների կողմից ֆիզիկական պատժի և/կամ հոգեբանական ագրեսիայի վերաբերյալ վարչական շրջաններից հավաքագրված տեղեկատվությունը ամենամսյա կտրվածքով ներկայացվել է ՀՀ աշխատանքի և սոցիալական հարցերի նախարարություն:
Պարտադիր կրթությունից դուրս մնացած երեխաների վերաբերյալ ստացված տեղեկատվությունը փոխանցվել է համապատասխան վարչական շրջան՝ ՀՀ կառավարության 11.02.2021թ. N 154-Ն որոշմամբ սահմանված կարգով խնամակալության և հոգաբարձության մարմնի գործառույթների շրջանակներում համապատասխան աշխատանքներ կատարելու նպատակով:
Հիմք ընդունելով ՀՀ վարչապետի 17.04.2024թ. հ.364-Ա որոշումը, համաձայն որի ընթացիկ տարում ևս կազմակերպվել է առանձնացված թիրախային խմբերի 7-13 տարեկան երեխաների ամառային հանգիստը մանկական առողջարարական ճամբարներում՝ Երևանի քաղաքապետարանի աշխատակազմի երեխաների և սոցիալական պաշտպանության վարչությունը, որպես հանձնարարականի համակատարող, 2024թ. նախաձեռնել է ճամբարներ այցելության, երեխաների իրավունքների և շահերի պաշտպանության համատեքստում ուսումնասիրության իրականացման գործընթաց, որում ընդգրկված են եղել նաև համապատասխան վարչական շրջանների ներկայացուցիչներ: Ուսումնասիրության արդյունքներն ամբողջացվել են ներկայացվել են ՀՀ տարածքային կառավարման և ենթակառուցվածքների նախարարություն:
Երեխաների պաշտպանության վերաբերյալ տարբեր խնդիրներով Երևանի քաղաքապետարան դիմած քաղաքացիներին տրամադրվել է խորհրդատվություն: Բաժինը մասնակցել է երեխաների պաշտպանության ոլորտին առնչվող հանդիպումներին, քննարկումներին, խորհրդատվություններին: Ոլորտային օրենսդրական նախագծերն ուսումնասիրվել են բաժնի կողմից և ներկայացվել են համապատասխան առաջարկներ: