Գրքի երևանյան միջազգային յոթերորդ փառատոնը տեղի կունենա սեպտեմբերի 6-8-ը Հայաստանի ազգային պատկերասրահում (Հանրապետության հրապարակ), գրքի տոնավաճառը (20-40% պարտադիր զեղչ)՝ Հայաստանի ազգային պատկերասրահի և Հայաստանի պատմության թանգարանի կամարաշարում:

Ծրագրում նախատեսված են երեսուներկու միջոցառումներ, որոնց թվում՝  սպասված գրքերի շնորհանդեսներ, հանդիպումներ հայ և արտասահմանյան գրողների հետ (Լատվիա, Իսպանիա, Իտալիա, Վրաստան, Սլովենիա, Ռուսաստան), գրական «ստենդափ», «բաթլ», թատերական և երաժշտական ներկայացումներ, պոեզիայի ընթերցումներ, «փիչինգ» և այլն։ 

Փառատոնի փակման արարողության ժամանակ (սեպտեմբերի 8, 19:00) տեղի կունենա մրցանակաբաշխություն, և հայտնի կդառնան գրական մրցույթի հաղթողները «Պոեզիա», «Արձակ», «Դրամատուրգիա» և «Մանկապատանեկան գրականություն» անվանակարգերում։ 

Փառատոնն իրականացնում են Եղիշե Չարենցի անվան գրականության և արվեստի թանգարանը և «Գրքի փառատոն կրթամշակութային» հասարակական կազմակերպությունը Ստեղծագործ Եվրոպայի «Վերսոպոլիս» նախագծի աջակցությամբ:

Փառատոնը նախաձեռնողը ՀՀ կրթության, գիտության, մշակույթի և սպորտի նախարարությունն է։

Գլխավոր հովանավորը Երևանի քաղաքապետարանն է:

Մուտքն ազատ է (12:00-21:00): 

ԾՐԱԳԻՐ