ՀՀ ժողովրդական արտիստ, կոմպոզիտոր Տիգրան Մանսուրյանը Երևանի քաղաքապետարանի նախաձեռնությամբ և հատուկ պատվերով հեղինակել է մանկապատանեկան խմբերգային ստեղծագործություն, որը կրում է «Խաղիկներ» խորագիրը: Այն բաղկացած է ժողովրդական աղոթքներից և միջնադարյան հայրեններից: 
Մաեստրոյի «Ժողովրդական» այս ստեղծագործությունն առաջին անգամ կհնչի Երևանի քաղաքապետարանի երաժշտական և արվեստի դպրոցների 16-րդ մրցույթ-փառատոնի եզրափակիչ համերգի ընթացքում, որը տեղի կունենա հունիսի 4-ին՝  «Արամ Խաչատրյան» համերգասրահում: