Փակել
«Խոսող խաղալիք»՝ ջերմ ու բարի քաղաքում
Մանկական ամենամեծ միջոցառումը «Խոսող խաղալիք» խորագրով էր։ Երևանի մանկական զբոսայգի էին եկել հազարավոր երեխաներ։ Այս տարի մանկական ծրագրում տիկնիկային ներկայացումներ էին՝ Երևանի տարբեր տիկնիկային թատրոնների ու ստուդիաների մասնակցությամբ։ Երեխաներին զվարճացնելու էին եկել ծաղրածուներ, մուլտֆիլների ու հեքիաթների կերպարներ։ Ջրաներկով ու գիպսե արձանիկներով առատ տաղավարներ էլ կային՝ կերպարվեստի սիրահար փոքրիկների համար։
Երևանի քաղաքապետի նախաձեռնությամբ ու Երևանի վարչական շրջանների հոգածությամբ՝ մանկական միջոցառմանը մասնակցել են նաև Երևանի փոքրիկ հյուրերը՝ մարզերից և ԼՂՀ-ից հյուրընկալված հարյուրավոր երեխաներ։
Երևանի քաղաքապետարանի տեղեկատվության
և հասարակայնության հետ կապերի վարչություն
Լուսանկարներ
