Փակել
Կայացավ Ալ. Սպենդիարյանի անվան երաժշտական մասնագիտական դպրոցի 95-ամյակին նվիրված հանդիսավոր համերգը
«Արամ Խաչատրյան» համերգասրահում կայացել է Ալ. Սպենդիարյանի անվան երաժշտական մասնագիտական դպրոցի հիմնադրման 95-ամյակին նվիրված հանդիսավոր համերգը:
Երեկոյի ընթացքում ելույթ են ունեցել դպրոցի սաներն ու տարբեր տարիների շրջանավարտները, դպրոցում գործող համույթներն ու նվագախմբերը:
Ալ. Սպենդիարյանի անվան երաժշտական մասնագիտական դպրոցը մեր երկրի առաջատար երաժշտական կրթօջախներից է, որտեղ սովորում է շուրջ 1000 աշակերտ: Դպրոցում գործում է կամերային, փողային նվագախումբ, ազգային նվագախմբեր, ջութակահարների և քանոնահարների համույթներ, բազմաթիվ երգչախմբեր:
Դպրոցը մշտապես բարձր հորիզոնականներ է զբաղեցնում Երևանի քաղաքապետարանի երաժշտական և արվեստի դպրոցների ամենամյա մրցույթ-փառատոնում, հանդես է գալիս կրթական, մշակութային, դաստիարակչական բազմաթիվ ինքնատիպ նախաձեռնություններով:
Լուսանկարներ
