Երևանի թենիսի և բադմինթոնի համալիր մարզաձևերի մանկապատանեկան մարզադպրոցը հիմնանորոգված ու հարմարավետ պայմաններով իր դռները բացեց շուրջ 150 սաների առջև: Համայնքային կառույցը վերանորոգվել ու կահավորվել է միջազգային չափորոշիչներին համապատասխան: 
1975թ. հիմնադրված մարզօջախը տասնամյակներ շարունակ անմխիթար վիճակում էր: Այստեղ գործում են թենիսի, սեղանի թենիսի, վոլեյբոլի, հանդբոլի ու մինի ֆուտբոլի խմբեր: 
Կյանքի կոչված նախագիծն իրագործելուց հետո մարզադպրոցն արդեն  հնարավորություն ունի ընդունելու 600-800 երեխայի: 
Մարզումներն, ի դեպ, անվճար են: