Փակել
Երևանը համալրվել է փողոցների մաքրման 12 նոր բազմաֆունկցիոնալ մեքենայով
Երևանի քաղաքապետարանի ենթակայությամբ գործող «Երևանի աղբահանություն և սանիտարական մաքրում» համայնքային կառույցը համալրվել է 12 նոր՝ «Կերխեր» (Kärcher) բազմաֆունկցիոնալ մաքրող տեխնիկական միջոցներով, որոնք նախատեսված են փողոցներն ու մայթերը մաքրելու և ձմեռային սպասարկման համար։
Այս մեքենաներն ապահովում են սանիտարական մաքրում, իսկ ձմռանը նաև ձյունը մաքրելու, աղով և ավազով մշակելու գործառույթներ։ Նոր տեխնիկան հնարավորություն կտա կազմակերպել ավելի արագ և որակյալ մաքրում՝ մեծացնելով աշխատանքների արդյունավետությունը։
Երևանի քաղաքապետ Տիգրան Ավինյանը ծանոթացել է դրանց հնարավորություններին և նշել, որ մայրաքաղաքի մաքրության որակը բարելավելը քաղաքապետարանի կարևոր առաջնահերթություններից է։ Նա նաև ընդգծել է, որ սանմաքրման հավաքակայանն առաջիկայում կրկին կհամալրվի:
Լուսանկարներ
