Հիմնանորոգվում և արդիականացվում է  «Երևան» բժշկագիտական կենտրոնը: 
2024 թվականի ընթացքում «Երևան» բժշկագիտական կենտրոնում ներդվել են մի շարք նոր ծառայություններ, այդ թվում՝ ինտերվենցիոն սրտաբանության ծառայությունը, ինտենսիվ թերապիայի բաժանմունքը, ուրոլոգիական, վերականգնողական ծառայությունները: 
Բաժանմունքները վերազինվել են. ընդհանուր առմամբ  2024 թվականին կազմակերպությունը ձեռք է բերել 453 301 403 դրամի   սարքավորումներ, համակարգչային տեխնիկա և գույք, որից 300.000.000 դրամը տրամադրել է համայնքը: 
Կենտրոնում շարունակվում է լայնածավալ շինարարությունը: 2024թ. ընթացքում բարեկարգվել են աչքի կլինիկայի մասնաշենքերը, 5-րդ մասնաշենքի տանիքը, վիրահատարանը, ինտերվենցիոն սրտաբանության բաժանմունքը, հետվիրահատարանը, կլինիկական էլեկտրաֆիզիոլոգիայի ծառայության, ուրոլոգիական ծառայության բաժինները: Ընդհանուր առմամբ շինարարական նյութածախսը կազմել է 29․875.000  դրամ:
Քայլ առ քայլ արվում է ամեն ինչ, որ կենտրոնը  լիարժեք ու որակյալ ծառայություններ մատուցի թե՛  երևանցիներին և թե՛ մարզերի բնակիչներին: