Երևանի Դավթաշենի 1-ին և 2-րդ թաղամասերի միջև գտնվող կենտրոնական այգին ավարտական տեսքի է բերվում: 
Փոխարինվել է ամբողջ այգու ոռոգման ցանցը, հողատարածքը հարթեցվել է և ծածկվել սևահողի շերտով, կառուցվել է նոր պոմպակայան՝ շատրվաններն սպասարկելու համար: Արդիականացվել է նաև լուսավորության ցանցը:
Բացի այդ, տեղադրվել են բազալտե նոր  եզրաքարեր և սալիկներ, 77  աղբաման, 11 ձևավոր և 115 սովորական նստարան, 7 խաղասարք և 7 մարզասարք: