Ավան վարչական շրջանի շատ բակերում տարիներ շարունակ ավտոտնակներ, ինքնաշեն կառույցներ ու զավթած տարածքներ են եղել։   
Ընթացիկ տարում շուրջ 14 000 քառակուսի մետր  մակերեսով բակային տարածքներ ազատվել են ապօրինի շինություններից։ 
2024 թվականին վարչական շրջանում բարեկարգվել և վերակառուցվել է 10  բակ:  
Հիմա արդեն ավանցիների համար  ստեղծվել են հանգստի գոտիներ, ճեմուղիներ, կառուցվել են ֆուտբոլի դաշտեր, ավելացել են խաղասարքեր՝ բնակիչների  առօրյան առավել հետաքրքիր դարձնելով:
Տեղադրվել է 223 նստարան, 7 զրուցատաղավար, 90 աղբաման, կառուցվել է 5 ֆուտբոլի դաշտ: