Հայաստանի ամենահին երաժշտական դպրոցներից մեկն է Սայաթ-Նովայի անվան երաժշտական դպրոցը:

Բացվել է Վարդուհի Զաքարյանի նախաձեռնությամբ, 1934 թվականին` որպես երաժշտական ստուդիա: Հենց նա էլ դարձել է առաջին տնօրենը:

1940թ. ստուդիան վերակազմավորվեց յոթնամյա երաժշտական դպրոցի՝մոտ 200 աշակերտով:

1940թ. դպրոցն ստանում է հայ մեծանուն բանաստեղծ-երգահան Սայաթ-Նովայի անունը, իսկ տնօրեն է նշանակվում Ռաիսա Սարկիսովան:

Հետագա տարիներին ստեղծվում են լարային նվագախումբը, որը ղեկավարել է Ռ. Սարկիսովան (հետագայում՝ Յու. Դավթյանը, Գ. Հարությունյանը, Ա. Սողոմոնյանը, Ս. Չերնիշևը, Ս. Պետրոսյանը), փողային բաժինը, ստեղծագործական դասարանը( 1948թ.), որտեղ դասավանդել են կոմպոզիտորներ Է. Հովհաննիսյանը, Գ. Հովունցը, Ց. Բեքարյանը, Ա. Սաթյանը: 1970թ. ստեղծվում է ջութակահարների համույթը (ղեկավարել են Ռուբեն Պողոսյանը, ՀՀ ժող. արտիստ Գևորգ Աճեմյանը, ՀՀ վաստակավոր արտիստ Ռուբեն Ալթունյանը, Առաքել Պետրոսյանը, Տիգրան Պադարյանը) և երգչախմբերը (ղեկավարել են Էմմա Արզումանյանը, Հովհաննես Վերանյանը, Արթուր Վերանյանը, Ժիրայր Ալթունյանը, Գայանե Բաղդասարյանը, Իրինա Հովսեփյանը, Հերմինե Եղիազարյանը, Նաիրի Պարտագճյանը, Լունարա Համբարձումյանը, Մարիա Գալստյանը, Մանուել Օհանյանը):

1950թ. տնօրեն է նշանակվում Սաթենիկ Ասլամազյանը: 1959թ. դպրոցին հատկացվում է նոր, բարեկարգ շենք՝ մեծ և փոքր համերգասրահներով, 40 դասասենյակով: 1967 թվականից տնօրեն է նշանակվում Պետրոս Հայկազյանը:
Սայաթ-Նովայի անվան երաժշտական դպրոցը շուրջ 5000 շրջանավարտ է տվել, այդ թվում՝ ՀՀ վաստակավոր արտիստներ, միջազգային և անդրկովկասյան մրցույթների դափնեկիրներ՝ Սվետլանա Նավասարդյան, Բարսեղ Թումանյան, Հասմիկ Պապյան, Տիգրան Հեքեքյան, Սերգեյ Բաբայան, Կարինե Օհանյան, Սուսաննա Մարտիրոսյան, Էմին Արիստակեսյան, Գագիկ Հովունց, Ռուբեն Մաթևոսյան, Ռաիսա Մկրտչյան, Էդուարդ Թոփչյան և այլք.

2003 թ.-ից դպրոցի տնօրենն է Տիգրան Հեքեքյանը:

2005թ. նրա նախաձեռնությամբ ստեղծվում է փողային գործիքների նվագախումբը, իսկ 2007-ին՝ ազգային նվագարանների համույթը: Դպրոցում գործում են դաշնամուրային, լարային, ժողովրդական, փողային և հարվածային գործիքների բաժինները, սիմֆոնիկ նվագախումբը, ջութակահարների համույթը, ցածր, միջին և բարձր դասարանցիների երգչախմբերը, հարվածային գործիքների և ազգային նվագարանների համույթները, փողային գործիքների նվագախումբը: Դպրոցում սովորում է մոտ 500 աշակերտ:

Գործում են դաշնամուրային, լարային, ժողովրդական, փողային և հարվածային գործիքների բաժինները, սիմֆոնիկ նվագախումբը, ջութակահարների համույթը, ցածր, միջին և բարձր դասարանցիների երգչախմբերը, հարվածային գործիքների, ազգային նվագարանների համույթները, փողային գործիքների նվագախումբը:

Տնօրեն՝ Տիգրան Հեքեքյան 

Հասցե՝ Մաշտոց 46ա,

Հեռ.՝ +374 10 561 400

Կայք ՝ www.sayatnova.am

Էլ.հասցե՝ sayatnovams@gmail.com

1973 թ. Հ. Պարոնյանի անվան թ. 59 միջնակարգ դպրոցի 2-րդ. մասնաշենքի նկուղային հարկում հիմնադրվեց թիվ 16 երաժշտական դպրոցը` հիմնադիր տնօրեն Ռոբերտ Ենգիբարովի ջանքերով:

Մինչ 1990-ականների սկիզբը դպրոցը սերտ կապեր էր հաստատել Յալթայի, Թբիլիսիի, Ռիգայի, Մոսկվայի երաժշտական դպրոցների հետ: Սաները մասնակցում էին այդ քաղաքներում կազմակերպվող փառատոներին: Դպրոցը սերտ կապերի մեջ էր նաև հայ երգահանների հետ: 1988թ. կրթօջախին շնորհվում է հայ մեծ երգահան Սարգիս Բարխուդարյանի անունը: Հանրապետությունում բարդ իրավիճակի հետևանքով դպրոցը նույնպես հայտնվեց վատ պայմաններում, սակայն աստիճանաբար հաղթահարվեցին այդ դժվարությունները:

2001թ. կրթօջախը ստացավ արվեստի դպրոցի կարգավիճակ. ունի 260 աշակերտ, 32 փորձառու մանկավարժ, որոնցից շատերը հիմնադրման օրվանից իրենց ուժն ու կարողությունն են դրել դպրոցի կայացման և շենացման գործում: 40-ից ավելի տարիների ընդացքում դպրոցը տվել է բազմաթիվ շրջանավարտներ, որոնցից շատերը գործունեյությունը ծավալել են արտերկրում :

Դպրոցն ապրում է բովանդակալից կյանքով. կազմակերպվում են բազմաթիվ միջոցառումներ, հանդիպումներ, համերգներ: Աշակերտները մասնակցում են Հայաստանում և արտերկրում կազմակերպվող փառատոներին: Կերպարվեստի բաժինը վերջին տարիներին մասնակցել է Սանկտ-Պետերբուրգում, Մոսկվայում, Բելառուսում կազմակերպված միջազգային փառատոներին և արժանացել են հատուկ մրցանակների: Դպրոցի պարարվեստի և երգչախմբի սաների մասնակցությամբ բեմադրել են մի շարք օպերաներ և մյուզիքլներ. Մ. Մազմանյանի «Ճուտիկը» , Ա.Մանուկյանի «Չարի վերջը» օպերաները, Ռիբնիկովի «Բուրատինո», «Երաժշտության մուսան» ,Բոգոսլովսկու «Կատվի տունը», «Կարմիր գլխարկը», «Ճպուռն ու մրջյունը» մյուզիքլները՝ պարուսույց Ս.Աղլամազյանի, խմբավար Ա.Գրիգորյանի, երաժշտությունը գործիքավորող Գ. Սարգսյանի ղեկավարությամբ:

Թատերական բաժինը ներկայացրել է մի շարք բեմադրություններ և մասնակցել է տարբեր մրցույթների: Բեմադրվել է Հ. Թումանյանի հեքիաթներից, Հ.Պարոնյանի ստեղծագործություններից և այլ պիեսներ՝ Մարիամ Ահարոնյանի գլխավորությամբ:Այս բոլոր ներկայացումները և մյուզիքլները ներկայացվել են «Նռան հատիկ» մանկապատանեկան 9,10,11,12-րդ փառատոներին:

2009-2013թ. դպրոցում գործում էր ջազային տրիոն, որը հաջող ելույթներով հանդես է եկել տարբեր բեմահարթակներում:

Կազմակերպությունում գործում են դաշնամուրային, լարային,փողային, հարվածային ժող. նվագարանների, վոկալ և վոկալ-էստրադային, նկարչության, թատերական պարարվեսի, գեղագիտական բաժիններ, դասական համույթ, դհոլահարների համույթ, ժող. նվագարանների համույթ:

Դաշնամուրային բաժնի դասատուները՝ Ագդուրյան Սուսաննան, Սարգսյան Գայանեն, աշխուժորեն մասնակցում են փառատոներին, տարբեր միջոցառումների, ծավալուն ստեղծագործական աշխատանքների:
Պարարվեստի բաժնի դասատու Սամվել Աղլամազյանը բեմադրում է մյուզիքլներ, կատարում է օպերատորական աշխատանք:
Թատերական բաժնի դասատու Մարիամ Ահարոնյանը թատերական մի շարք բեմադրությունների ռեժիսորն ու բեմադրիչն է:
Փաղային բաժնի դասատու Աշոտ Մինասյանը (դասախոս) գործունեություն է ծավալում նաև ժող. նվագարանների դասավանդման գործում:

Դպրոցի շրջանավարտ Արսեն Սողոմոնյանը երգում է Մոսկվայի օպերային թատրոնում
Աննա Դավթյանը դասավանդում է Փարիզի կոնսերվատորիայում
Ռուզաննա Ասատրյանը՝ Նյու- Յորքի կոնսերվատորիայում :

Տնօրեն՝ Աստղիկ Ադամյան
Հասցե՝ Վարշավյան 46/ա
Հեռ.՝ +(374 10) 206 640

Դպրոցը հիմնադրվել է 1958թ.` Ամալիա Ազնաուրովա-Հունանյանի և Թորոս Լավչյանի նախաձեռնությամբ:

Հիմնադիր-տնօրեն Թ. Լավչյանի շուրջ համախմբված էր մասնագետների մի ողջ համաստեղություն. Հակոբ Սանդալջյան, Հակոբ Հակոբյան, Արքուհի Հարությունյան, Լևոն Աբրահամյան, Էմին Արիստակեսյան, Հրանտ Գևորգյան, Վիլեն Չարչօղլյան, Վիլլի Սարգսյան, Ջուլիետա Աղաբեկովա, Ջիվան Միքայելյան, Ինգա Մելիք-Մինասովա, Լիլյա Պետրոսյան և այլոք:

Դպրոցն ուներ աշակերտական փողային նվագախումբ /ղեկ. Ֆելիքս Մովսիսյան /, երգչախումբ /ղեկ. Նորա Գրիգորյան/, լարային քառյակ: Իր ինքնատիպությամբ առանձնանում էր ուսուցիչներից կազմված կամերային նվագախումբը, որը բնույթով եզակի էր: Նրա կազմում ընդգրկված էին այնպիսի անվանի երաժիշտ-կատարողներ, որպիսիք են Վիլեն Չարչօղլյանը / նվագախմբի կոնցերտմայստեր /, Լադո Սեյրանյանը, Լիպարիտ Թերզյանը, Էդուարդ Բեյլերյանը, Մկրտիչ Աֆրիկյանը, Արմեն Սիրունյանը, Գուրգեն Մարկոսյանը, Ֆրիդ Սարգսյանը, Պավել Բժիկյանը, Լևոն Գալստյանը, Հրաչյա Հակոբյանը, Քնարիկ Երեմյանը, Կատրին Պապիկյանը և ուրիշներ: Նրանք էլ հետագայում կազմեցին Զարե Սահակյանցի հիմնադրած կամերային նվագախմբի կորիզը:

1981թ. դպրոցի տնօրեն նշանակվեց անվանի թավջութակահար Հերոնտի Թալալյանի սան Հենզել Հարությունյանը: Վերջինիս տնօրինության օրոք ևս դրսևորվեց կատարողական վարպետության աճ: 1991թ-ից մինչ 2012թ. կրթօջախը ղեկավարեց Ռոլաննա Օրբելյանը, ում պաշտոնավարության սկիզբը համընկավ հանրապետության համար նոր` անկախության, ժողովրդավարացման, տեսակետների և մոտեցումների ազատության ժամանակաշրջանին: Ռ. Օրբելյանը մի շարք նորամուծություններ արեց. սկսեցին գործել դեկորատիվ կիրառական արվեստի, նկարչության, ակադեմիական երգեցողության դասարանները, մտցվեց առանց տարիքային սահմանափակման ընդունելության սկզբունքը:

2012թ. ցայսօր դպրոցի ղեկավարումը հանձնված է Նորա Սարգսյանին, ով, լինելով դպրոցի սան, իսկ այնուհետև նույն դպրոցում իր երկարամյա մանկավարժական և կառավարչ ուղին անցած մարդ, քաջատեղյակ է դպրոցի ավանդույթներին, ստեղծագործական ներուժին և շարունակում է նախորդների գործը՝ քայլելով ժամանակին համընթաց: Ներկայումս կրթօջախում կողք- կողքի աշխատում են թե' դպրոցի վետերաններ, թե' նախկին շրջանավարտներ, թե ԵՊԿ դասախոսներ, և թե խոստումնալից երիտասարդ մանկավարժներ: Եվ այդ միասնական աշխատանքի առհավատչյան դպրոցում ուսումնառություն անցած բազմաթիվ սաների հաջողությունն ու ճանաճումն է ՀՀ-ում և նրա սահմաններից դուրս:

Դպրոցի անձնակազմը ներառում է վարչատնտեսական աշխատակիցներ և դասավանդողներ հետևյալ բաժիններում.

• Դաշնամուրային
• Լարային
• Փողային,հարվածային
• Ազգային և ժող. նվագարաններ
• Երգեցուղություն
• Գեղագիտական զարգացման
ա/ նկարչություն
բ/ պարարվեստ
գ/ շախմատ
դ/ նախադպրոցական

Դպրոցը ձեռք է բերել պատկերիչ (проектор), որի մեծ կիրառությունն իրականացվում է, մասնավորապես, «Մշակույթի պատմություն» առարկան ուսուցանելիս, ինչպես նաև տարբեր միջոցառումների ժամանակ:

Տարբեր տարիներին դպրոցում դասավանդած նշանավոր մանկավարժներ.

Արքուհի Հարությունյան (դաշն.), Լևոն Աբրահամյան (դաշն., ԱՄՆ), Էմին Արիստակեսյան (կոմպոզիտոր, ԵՊԿ պրոֆ. ), Հրանտ Գևորգյան (տեսական առարկաներ, Ֆրանսիա), Վիլեն Չարչօղլյան (ջութակ, ՀՀ վաստակավոր արտիստ), Վիլլի Սարգսյան (դաշն., ԵՊԿ պրոֆ.), Ջուլիետա Աղաբեկովա (դաշն.), Ջիվան Միքայելյան (քանոն), Ինգա Մելիք-Մինասովա (դաշմ.), Լիլյա Պետրոսյան (տեսական առարկաներ), Անահիտ Բոգդանյան (դաշն., ԵՊԿ պրոֆ.), Լադո Սեյրանյանը (ջութ., ԱՄՆ), Լիպարիտ Թերզյանը (թավջութ.), Էդուարդ Բեյլերյանը (ջութ.), Մկրտիչ Աֆրիկյանը (թավջ.), Արմեն Սիրունյանը (ջութ.), Գուրգեն Մարկոսյանը (կոնտրաբաս), Ֆրիդ Սարգսյանը (թավջ., ԵՊԿ պրոֆ.), Պավել Բժիկյանը (թավջ.), Լևոն Գալստյանը (ալտ), Հրաչյա Հակոբյանը (ջութ.), Տիգրան Գևորգյան (ֆլեյտահար, ՀՀ վաստակավոր արտիստ), Արմինե Վարդանյան (դաշնակահար, ԱՄՆ, Նյու Յորքի կոնսերվատորիայի դասատու, PhD), Ֆելիքա Մովսիսյան (շեփորահար,ԵՊԿ ՀՀ մշակույթի նախարարության ոսկե մեդալակիր), Հասմիկ Էլոյան (ԵՊԿ դոցենտ), Գայանե Հարությունյան (ԵՊԿ պրոֆեսոր) և այլոք:

Դպրոցի նշանավոր սաներ. Աշոտ Անդրիկյան (երգեհոնահար, Կիևի կոնսերվատորիայի պրոֆեսոր), Արմեն Մեսրոպյան (թավջութակահար, ԵՊԿ պրոֆեսոր), Ջեննի Ասատրյան (կոմպոզիտոր, ԵՊԿ դոցենտ), Արսեն Անդրիկյան (կոմպոզիտոր), Արամ Հովհաննիսյան (կոմպոզիտոր, Շվեյցարիա), Մարիամ և Դավիթ Արղամանյաններ (ֆլեյտահարներ, Ավստրիա), Աշոտ Գալստյան (հոբոյահար, ՀՀ վաստակավոր արտիստ), Նիկոլայ Մարտիրոսյան (շեփորահար, ԵՊԿ դոցենտ), Վարդուհի Երիցյան (դաշնակահար, Ֆրամսիա), Հրաչյա Մելիքյան (կոմպոզիտոր, ) և այլոք:

Տնօրեն՝ Հրաչ Բադալյան

Հասցե՝ Սարկավագի 48

Հեռ.՝ +(374 10) 285 745

Էլ. հասցե՝ ater_gevondyan@yahoo.com

Նուբարաշենի երաժշտական դպրոցը 29.11.2016թ. Երևան քաղաքի ավագանու N 625-Ա որոշմամբ վերանվանվել է "Վիլլի Մոկացյանի անվան երաժշտական դպրոց":

Դպրոցի շենքը կառուցվել է 1935 թվականին՝ ճարտարապետ Ալեքսանդր Թամանյանի նախագծով:

Մինչև 1942 թ. շենքը պատկանել է Երևանի Ղևոնդ Ալիշանի անվան թիվ 95 միջնակարգ դպրոցին, իսկ 1972 թվականի սեպտեմբերից առ այսօր շենքի մի հատվածը հատկացված է երաժշտական դպրոցին:

1972-1997թթ. դպրոցի տնօրենն է եղել կլարնետահար Հերբերտ Թումանյանը:

1997-2004թթ դպրոցի տնօրենն է եղել նույն դպրոցի շրջանավարտ կլարնետահար Մանուկ Գրուզյանը:

Դպրոցում գործում են հետևյալ բաժինները.

• Դաշնամուրային
• Լարային /ջութակ/
• Փողային /կլարնետ, շեփոր, գալարափող, տրոմբոն /
• Վոկալ /դասական և ժողովրդական /
• Ժող. գործիքներ /քանոն, շվի, դուդուկ, դհոլ/:
• Բացի այդ, դպրոցում գործում է երգչախումբ:

Տնօրեն՝ Ելենա Թաթմանյան 
Հասցե՝ Նուբարաշեն 13 փողոց, 1/2
Հեռ.՝ +(374 10) 475 382
Էլ. փոստ՝ etatmanyan@mail.ru

«Մալաթիա» արվեստի դպրոցը» 13 փետրվարի 2018թ. Երևան քաղաքի ավագանուն N 105-Ա որոշմամբ անվանափոխվել է ԽՍՀՄ և ՀՀ ժողովրդական արտիստ Կոնստանտին Օրբելյանի անվամբ՝ «Կոնստանտին Օրբելյանի անվան արվեստի դպրոց»:

Երքաղսովետի թիվ 15 երաժշտական դպրոցը հիմնադրվել է 1972 թվականի սեպտեմբերի 1-ին և գործել է թիվ 116 հանրակրթական դպրոցի մասնաշենքում:
Դպրոցում բացվել են դաշնամուրի, ջութակի, թավջութակի, ֆլեյտայի, դուդուկի բաժիններ:

1999թ. դեկտեմբերի 12-ին դպրոցը վերանվանվել է «Երևանի Մալաթիա-Սեբաստիա համայնքի արվեստի դպրոց» և տեղափոխվել Շահումյան 1-ին փող, 8/3 հասցե՝ մսուր/մանկապարտեզի մասնաշենք:
2011թ. դպրոցը վերանվանվել է « Երևանի «ՄԱԼԱԹԻԱ» արվեստի դպրոց» ՀՈԱԿ :

Աշակերտների թիվը՝ 300, անձնակազմը բաղկացած է 49 աշխատողից:

1972-2015թթ. դպրոցը տվել է 977 շրջանավարտ, որից 62 -ը ուսումը շարունակել է բարձրագույն ուսումնական հաստատություններում:
Այս տարիների ընթացքում դպրոցը մշտապես մասնակցել է հանրապետական և միջազգային մրցույթների և փառատոների:

Դպրոցը շարունակում է կրթամշակութային գործունեությունը մատաղ սերնդի բազմակողմանի զարգացման և դաստիարակման գործում: Գործում են դաշնամուրային, լարային, փողային, ժողովրդական գործիքների, վոկալ, կերպարվեստի, պարի, թատերական և գեղարվեստական ձևավորման բաժիններ:

Դպրոցի սաները բազմիցս մասնակցել են միջազգային և հանրապետական մրցույթների, փառատոների և արժանացել դիպլոմների:

Տնօրեն՝ Տաթևիկ Համբարձումյան 

Հասցե՝ Շահումյան 1-ին փողոց, 8/3

Հեռ.՝ +(374 10)772 481
էլ. հասցե՝ k.orbelyan.arvestidproc@mail.ru

Կրթօջախն սկսել է գործունեությունը 1970թ. որպես թիվ 10 երաժշտական դպրոց: Գործել է Երևանի հնագույն թաղամասերից մեկի`Կոնդի սրտում` Մշակույթի տան տարածքի մի քանի սենյակներում:
Սկզբնական շրջանում դպրոցի տնօրեն Ջեմմա Սարգսյանը, կոմպոզիտոր Էդվարդ Միրզոյանի աջակցությամբ, կարողացել է տեղափոխել մշակույթի այդ օջախը քաղաքի կենտրոն: Այդ ժամանակ ուսուցիչների մեծ մասն աշակերտների հետ պարապում էին իրենց բնակարաններում, իսկ Կոնդի մշակույթի տանը գլխավորապես անց էին կացվում տեսական առարկաների դասերը:

Դպրոցը կրում է հայ անվանի երաժշտագետ Քրիստափոր Քուշնարյանի անունը. անվանակոչությանը հրավիրված էին կոմպոզիտորներ Էդվարդ Միրզոյանը, Գայանե Չեբոտարյանը, ով եղել է Քուշնարյանի ասպիրանտը: Դպրոցի տնօրենի պաշտոնը ստանձնել են նաև Կամո Հովհաննիսյանը, Ռոման Ծատուրյանը, Քնարա Սարկիսովան, Էդուարդ Եսայանցը:

Այժմ դպրոցի ղեկավարն է ՀՀ մշակույթի վաստակավոր գործիչ, ՀՀ կոմպոզիտորների միության անդամ, կոմպոզիտոր Էդգար Գյանջումյանը:

Էդգար Գյանջումյանի պաշտոնավարման ընթացքում, սկսած 2011թ. մարտի 4-ից մինչ օրս, դպրոցում բացվել են կերպարվեստի, պարարվեստի, թատերական, վոկալ, հարվածային գործիքների, կոմպոզիցիայի բաժիններ: Փողային բաժնում բացվել են ֆլեյտայի, հոբոյի, շեփորի, գալարափողի դասարաններ, լարային բաժնում՝ տավիղի դասարան, ընդլայնվել են ջութակի և թավջութակի դասարանները: Ազգային նվագարանների բաժնում բացվել էն քանոնի, դուդուկի, թառի դասարաններ: Ստեղծվել են դասական և ազգային նվագարանների համույթներ, կազմավորվել է երգչախումբ: Ավելացել է նաև աշակերտների թիվը. նախկին 84-ի փոխարեն այժմ սովորում է 301 աշակերտ:

Դպրոցում գործում են հետևյալ բաժինները.

• Դաշնամուրային
• Լարային
• Փողային
• Ազգային նվագարանների
• Հարվածային գործիքների
• Վոկալ
• Կոմպոզիցիա
• Պարարվեստ
• Կերպարվեստ
• Թատերական արվեստ

«Երաժշտական ամառ» ծրագրով 2014թ. դպրոցը համագործակցել է Հայաստանի կոմպոզիտորների միության հետ:
Տեսական առարկաների դասավանդման ժամանակ դպրոցն օգտագործում է ՏՏ-ներ և նախատեսում է հետագայում զինվել նորագույն տեխնոլոգիաներով, որոնք կխթանեն ուսուցողական գործունեությունը:

Ք. Քուշնարյանի անվան արվեստի դպրոցում դասավանդում են ՀՀ ժողովրդական արտիստ, ՀՀ մշակույթի վաստակավոր գործիչ Սուրեն Գյանջումյանը, ՀՀ վաստակավոր արտիստ, պրոֆեսոր Արամ Թալալյանը, ՀՀ վաստակավոր նկարչուհի Աննա Հարությունյանը, պրոֆեսոր, դոցենտ Գայանե Հարությունյանը, պրոֆեսոր, դոցենտ Կարինե Առաքելյանը, դոցենտ Գեորգի Սարաջյանը:

Ակնհայտ են նաև սաների հաջողությունները:
2012-2013թթ. դպրոցը մասնակցել է «Վերածնունդ» միջազգային մրցույթ-փառատոնին՝ հետևյալ արդյունքով.
Արա Ավետիսյան (թավջութակ)՝ II տեղ
Մհեր Փոթոյան (քամանչա)՝ II տեղ
Մարինա Ալավերդյան (կոմպոզիցիա)՝ III տեղ
Հեյա Գալստյան (ֆլեյտա)՝ III տեղ
Վարդան Խաչատրյան (վոկալ)՝ Հանդիսատեսի համակրանք
Անահիտ Աստեյան (քանոն)՝ Բեմական հմայք
Գոռ Ասլանյան (շվի)՝ Հայ կոմպոզիտորի լավագույն կատարող
Ռուբինա Խաչատրյան (թավջութակ)՝ Խրախուսական դիպլոմ
Աստղիկ Առաքելյան (վոկալ)՝ Խրախուսական մրցանակ
Աննա Էլիզբարյան (վոկալ)՝ Խրախուսական մրցանակ
Ռաֆայել Գարդիշյան (դաշնամուր)՝ Հայկական ստեղծագործությունների լավագույն կատարող
Լիա Բախշյան (դաշնամուր)՝ Հանդիսատեսի համակրանք
Ազգային նվագարանների նվագախումբ՝ Հանդիսատեսի համակրանք:

«Հազարան բլբուլ» մանկապատանեկան երաժշտական բեմադրութունների մրցույթ-փառատոնում դպրոցի երգչախումբը ներկայացրել է «Երաժշտության ձայները» մյուզիքլից հատված և արժանացել է 3-րդ կարգի մրցանակի:
Ա. Բաբաջանյանի անվան մրցույթին մասնակցել է դաշնամուրային բաժնի աշակերտուհի Գրետա Ավագյանը՝ արժանանալով շնորհակալագրի:
2013-2014թթ դպրոցը մասնակցել է «Ֆրանսիան` արվեստների կենտրոն» ֆրանկոֆոնիայի օրերի շրջանակներում կազմակերպված ցուցահանդես-մրցույթին՝ հետևյալ արդյունքով.
Էլեն Ավետիսյան (կերպարվեստ)՝ 3-րդ կարգի մրցանակ:

«Վերածնունդ» միջազգային մրցույթ-փառատոնին` հետևյալ արդյունքով.
Դավիթ Կիրակոսյան (դաշնամուր)՝ III կարգի դափնեկիր
Գրետա Ավագյան (դաշնամուր)՝ III կարգի դափնեկիր
Ռիթա Գույումճյան (դաշնամուր)՝ դիպլոմ
Էլիզաբեթ Մինասյան (դաշնամուր)՝ դիպլոմ
Մարինե Ալավերդյան (կոմպոզիցիա)՝ դիպլոմ
Աննա Էլիզբարյան (վոկալ)՝ դիպլոմ (հայ կոմպոզիտորի ստեղծագործության լավագույն կատարող)
Ազգային նվագարանների նվագախումբ՝ դիպլոմ (մասնագիտական հանձնաժողովի խրախուսական)
Վահագն Մկրտչյան (վոկալ)՝ շնորհակալագիր
Րաֆֆի Սմբատյան (վոկալ)՝ շնորհակալագիր
Մանկավարժներ` Ստելլա Մխիթարյան և Ռիմա Կարապետյան՝ շնորհակալագիր (դափնեկրի ղեկավարին), Նինել Ղազանչյան՝ շնորհակալագիր:

2014-2015թթ դպրոցը մասնակցել է «Վերածնունդ» միջազգային մրցույթ-փառատոնին՝ հետևյալ արդյունքով.

Հակոբ Խաչիկյան՝ (վոկալ) - III կարգի դափնեկիր, իսկ «Արտ-Մյուզիք» VI մրցույթ-փառատոնում Վահագն Մկրտչյանը (վոկալ) դարձել է III կարգի դափնեկիր

Տնօրեն՝ Էդգար Գյանջումյան

Հասցե՝ Թումանյան 35ա
Հեռ.՝ +(374 10)532 192
Կայք՝ www.artschool.am

Երևանի Միքայել Մալունցյանի անվան արվեստի դպրոցը հիմնադրվել է 1982թ.՝ որպես թիվ 2 արվեստի դպրոց Երևանում՝ Օրջոնիկիձե թաղամասում, ներկայիս Էրեբունի զանգվածում՝ Ավանեսովի 10 հասցեում:

1993թ. անվանակոչվել է ՀՀ ժողովրդական արտիստ, Կոմիտասի անվան պետական կոնսերվատորիայի պրոֆեսոր, դիրիժոր, թավջութակահար Միքայել Մալունցյանի անունով՝ դառնալով Երևանի Մ. Մալունցյանի անվան թիվ 2 արվեստի դպրոց:
2003թ. ՀՀ կառավարության որոշմամբ վերակազմավորվել է՝ դառնալով «Երևանի Մ. Մալունցյանի անվան արվեստի դպրոց» ՊՈԱԿ:

2009թ. Երևանի ավագանու որոշմամբ վերակազմավորվել է որպես «Երևանի Մ. Մալունցյանի անվան արվեստի դպրոց» ՀՈԱԿ:

Դպրոցում գործում է չորս բաժին՝ երժշտական, պարարվեստի, գեղարվեստի և թատերական: Բոլոր բաժիններն էլ բավականին աշխույժ գործունեություն են ծավալում, պարբերաբար հասնում շատ հաջողությունների. մասնակցում են ցուցահանդեսների, մրցույթների, փառատոների և արժանանում բարձր մրցանակների:

Երաժշտական բաժինը տարբեր դասարաններով պարբերաբար մասնակցում է քաղաքային, հանրապետական և միջազգային մրցույթների, արժանանում դափնեկրի կոչումների, դիպլոմների, պատվոգրերի և մրցանակների: Երաժշտական բաժնի մի շարք աշակերտներ ընդգրկված են Հայաստանի «Նոր անուններ» ծրագրում, որի շրջանակներում պարբերաբար ելույթներ են ունենում ինչպես Հայաստանի Հանրապետության տարածքում, այնպես էլ Ֆրանսիայում, Իսպանիայում, ԱՄՆ-ում, Անգլիայում, Բուլղարիայում և այլ երկրներում:

Գեղարվեստի բաժնի աշակերտների աշխատանքները տարբեր տարիների մասնակցել են տարբեր ցուցահանդեսների Հայաստանում, Բելառուսում, Իրանում, Եգիպտոսում, Ուկրաինայում, Լեհաստանում՝ արժանանալով տարբեր մրցանակների, գրավելով առաջնակարգ տեղեր տարբեր տարիքային խմբերում:

Պարարվեստի բաժինը գործում է դպրոցի հիմնադրման օրվանից: Պարարվեստի բաժինը միշտ աչքի է ընկել կատարողական բարձր մակարդակով և գեղեցիկ բեմադրություններով: 2010թ. Երևանի երաժշտական և արվեստի դպրոցների ստուգատես-փառատոնին ճանաչվել է որպես լավագույն պարարվեստի բաժին և պարգևատրվել Երևանի քաղաքապետի պատվոգրով: Բաժնի նվաճումներից են ամեն տարի բեմադրվող պարային ներկայացումները:

Թատերական բաժինը գործում է 2008 թվականից: 2009-2013թթ. մասնակցել է «Նռան հատիկ» հանրապետական մանկապատանեկան թատերական փառատոնին, արժանացել պատվոգրի՝ լավագույն ելույթի համար: Թատերական բաժնի աշակերտները, ստանալով բեմական խոսքի հմտություններ, որպես հաղորդավարներ հանդես են գալիս տարբեր համերգներում:

Դպրոցում դասավանդողների թվում են՝ Կոմիտասի անվան կոնսերվատորիայի պրոֆեսոր, Նկարիչների միության անդամ, ՅՈւՆԵՍԿՕ-ի անդամ, Երևանի Ալ. Սպենդիարյանի անվան օպերայի և բալետի ազգային թատրոնի մենակատարներ, վաստակաշատ մանկավարժներ:

Դպրոցը հիմնադրման օրվանից տվել է շուրջ 1 000 շրջանավարտ: Տարբեր տարիների շատ շրջանավարտներ շարունակել են գործունեությունը արվեստի տարբեր ոլորտներում, դարձել են արհեստավարժ երաժիշտներ, նկարիչներ, պարողներ:

Տնօրեն՝ Անահիտ Մելքոնյան

Հասցե՝ Ավանեսովի 10
Հեռ.՝  +(374 98) 459 591
Էլ. հասցե՝ maluncyan@mail.ru

Հիմնադրվելէ 1958թ.օգոստոսի 1-ին՝  դաշնամուրային, լարային, փողային և ժողովրդական գործիքների բաժիններով: Առաջին տնօրենը մինչև 1969թ. Ջեմմա Սարգսյանն էր:

1970թ. դպրոցում կանգնեցվեց Տ. Չուխաջյանի մարմարե հուշարձանը, որի հեղինակն է  ՀԽՍՀ վաստակավոր նկարիչ Արշամ Շահինյանը:

Դպրոցը էական ներդրում ունի Հայաստանի երաժշտական արվեստի զարգացման, հանրության հոգևոր դաստիարակության գործում:

2001թ.բացվեց վոկալ բաժին, մանկավարժների ուժերով ստեղծվեց «Հույս» կամերային նվագախումբը:

Դպրոցում գործում են հետևյալ բաժինները՝ դաշնամուրային, լարային (ջութակ, ալտ, թավջութակ), ժողգործիքների (շվի, դուդուկ, ուդ, քամանչա, սանթուր, քանոն), հարվածային գործիքների (քսիլոֆոն, դհոլ, մեծ և փոքր թմբուկ), փողային գործիքների (շեփոր, տրոմբոն, տուբա, կլարնետ, սաքսոֆոն,  ֆլեյտա), մեներգեցողության (դասական, ժողովրդական, էստրադային), պարի (դասական, ժողովրդական, մարզական), նկարչության (քանդակ, գծանկարչություն, գեղանկարչություն):

Շնորհալի սաների ուժերով ստեղծված են նվագախմբեր, երգչախմբեր: Դպրոցն ունի փոքրերի լարային քառյակ, փոքրերի երգչախումբ, ժողովրդական գործիքների նվագախումբ և փողային նվագախումբ:

Դպրոցում կան մեծ և փոքր դահլիճներ, ակադեմիական լսումների և վարպետության դասերի համար նախատեսված հատուկ լսարան: 

Տ. Չուխաջյանի անվան երաժշտական դպրոցում մանկավարժական գործունեություն են ծավալել Ռուբեն Ղազարյանը, Ստեփան  Նաղդյանը, Սուրեն Զաքարյանը, Վահրամ Բաբայանը, Արաքսի Սարյանը, արվեստի գործիչներ Էդուարդ Դայանը, Աելիտա Բզնունին, Կամո Թագվորյանը և այլք: Այստեղ են սովորել  հայտնի երաժիշտներ Արմեն Արաբյանը (ջութակ), Աշոտ և Արմեն Ճենտերեճյանները (ջութակ), Աշոտ Երիցյանը (ջութակ), Տիրուհի Սարգսյանը (թավջութակ), Նշան Չալիկյանը (ջութակ) և այլք:

Տնօրեն՝  Նաիրա Վահանյան 

Հասցե՝ Ռոստովյան 23

Հեռ.՝ +(37410) 450 880

Էլ. հասցե՝ tigran.chukhajyan@mail.ru

Երևանի Կ. Սարաջյանի անվան երաժշտական դպրոցը Հայաստանի լավագույն կրթօջախներից է:

Դպրոցը բացվել է 1952թ. հոկտեմբերի 8-ին՝ ՀԽՍՀ կառավարությանն առընթեր արվեստի գործերի վարչության հրամանով: Առաջին տարիներին դպրոցը տեղակայվել է Ա. Միկոյանի անվան վարչական շրջանում, մեկհարկանի հին շենքում՝ ունենալով ընդամենը 6 դասասենյակ և 35 աշակերտ: Դպրոցը հիմնադրվել է անվանի երաժիշտ Ջիվան Տեր-Թադևոսյանի և նրա շուրջը համախմբված նվիրյալ մանկավարժների ջանքերով: Սկզբում դպրոցում գործում էր ընդամենը 3 բաժին՝ դաշնամուրի, լարային և տեսական առարկաների: Հիմնադրման հաջորդ տարում դեռևս երիտասարդ կոմպոզիտոր Գեղունի Չթչյանի նախաձեռնությամբ սկսում է գործել և մինչև օրս էլ գործում է դպրոցի ստեղծագործական բաժինը:

1954թ.-ից դպրոցն անվանակոչվեց ականավոր դիրիժոր ու երաժշտահասարակական գործիչ Կոնստանին Սարաջյանի անվամբ:

60-ական թթ. արդեն նոր շենքի պայմանները նպաստեցին դպրոցի գործունեության ծավալմանը՝ համալրելով աշակերտների, նոր բաժինների և մանկավարժների կազմը: Ավելի քան 60 տարվա ընթացքում հմուտ ղեկավարների շնորհիվ դպրոցը հանրապետությունում պահպանել է իր ճանաչումն ու վարկանիշը: Սարաջյանի անվան երաժշտական դպրոցում առաջինը հանրապետությունում Սիգիզմունդ Ներսիսյանի նախաձեռնությամբ բացվեց հարվածային գործիքների դասարանը: 1956թ. Քանաքեռում ստեղծվեց Սարաջյանի անվան երաժշտական դպրոցի մասնաճյուղ, որի հիման վրա 1957թ. բացվեց նոր երաժշտական դպրոց (այժմ՝ Ա. Տեր-Ղևոնդյանի անվան երաժշտական դպրոց): Սարաջյանի անվան երաժշտական դպրոցը մեծապես նպաստել է նաև թիվ 13, այժմ Ղ. Սարյանի անվան արվեստի դպրոցի կազմավորմանն ու կայազմանը, որը մինչև սեփական շենք ունենալը շուրջ 3 տարի հանգրվանեց այս դպրոցում: Դպրոցի առաջընթացին մեծապես նպաստել են ճանաչված և նշանավոր երաժիշտները՝ Գեղունի Չթչյանը, Սերգեյ Քեչեկը, Դավիթ Զալյանը, Արա Բոգդանյանը, Սիգիզմունդ Ներսիսյանը, Գևորգ Աճեմյանը, Ռոբերտ Պետրոսյանը, Գևորգ Մուրադյանը:

Սարաջյանի անվան երաժշտական դպրոցի շրջանավարտներ են այսօրվա ճանաչված երաժիշտներ՝ Զավեն Վարդանյանը, Սիմոն Տերյանը, Արաքս Դավթյանը, Ռուսլան Գալստյանը… Հետագա տարիներին բացվեցին նորանոր բաժիններ՝ տավիղի, լարային համույթի՝ ժող. գործիքների, կիթառի, վոկալի, փողային գործիքների…

90-ականների անցումային տարիներին դպրոցը շարունակեց և մինչ օրս էլ շարունակում է պատվով կատարել իր առաքելությունը: 1993թ. ստեղծված երաժիշտ-մանկավարժների կամերային նվագախումբը (ղեկ.՝ Հ. Հակոբյան) հաջողությամբ համերգներ էր կազմակերպում հանրապետության քաղաքներում և շրջաններում: Դպրոցը պատմության ընթացքում և մինչև օրս էլ ակտիվորեն մասնակցում է հանրապետական և միջազգային տարբեր մրցույթների, փառատոների՝ ստանալով բարձր մրցանակներ: Նրա լավագույն սաները «Նոր անուններ» բարեգործական ծրագրի անդամներ են:

Հիմա էլ դպրոցն ապրում է բեղուն, ստեղծագործական կյանքով, տարեցտարի բացվում են նորանոր բաժիններ: Տեղի են ունենում տարբեր միջոցառումներ՝ համերգներ, մեթոդական զեկուցումներ, համերգ-զրույցներ:
Դպրոցում գործում են հետևյալ բաժինները՝ դաշնամուրային, լարային գործիքներ (ջութակ, թավջութակ), վոկալ, կիթառ, ազգային գործիքներ (քանոն, դհոլ, դուդուկ, շվի, թառ, ուդ, սանթուր, ակորդեոն), փողային գործիքներ (ֆլեյտա, կլարնետ, սաքսոֆոն, շեփոր, գալարափող), հարվածային գործիքներ: Դպրոցում գործում է նաև 3 երգչախումբ, պարի, նկարչության խմբակներ, թատրոնի և ռեժիսուրայի բաժին:

Նշանավոր մանկավարժներ.
Գեղունի Չթչյան՝ կոմպոզիտոր, ՀՀ ժող. արտիստ, պրոֆեսոր
Արմեն Հարությունյան՝ ջութակահար, Երևանի Կոմիտասի անվան պետական կոնսերվատորիայի պրոֆեսոր
Վաղարշակ Հարությունյան՝ դաշնակահար, Երևանի Կոմիտասի անվան պետական կոնսերվատորիայի պրոֆեսոր

Սաներ

Համբարձումյան Ալլա՝ դաշնամուր 5-րդ դասարան
«Արտ Մյուզիք» արվեստի մրցույթ-փառատոն՝ 2012թ., 2013թ., 2014թ., 2015թ.՝ 1-ին մրցանակ

Երաժիշտ-կատարողների «Վերածնունդ» միջազգային մրցույթ-փառատոն՝ 2013թ., դիպլոմ՝ հայ կոմպոզիտորի ստեղծագործության լավագույն կատարող, որպես դաշնակահար և 2-րդ կարգի դափնեկիր, որպես կոմպոզիտոր

Ա. Բաբաջանյանի անվան պատանի և երիտասարդ դաշնակահարների միջազգային մրցույթ-փառատոն, 2013թ.՝ 4-րդ մրցանակ, 2015թ. 4-րդ մրցանակ և հատուկ մրցանակ
«Playing for Change» «Երաժշտություն հանուն փոփոխությունների» դասական երաժշտության մրցույթ-փառատոն՝ 2014թ.
Է. Միրզոյանի անվ. պատանի կոմպոզիտորների հանրապետական մրցույթ, 2014թ., 2015թ.՝ 2-րդ մրցանակ

Իոանիսյան Արտյոմ՝ թավջութակ 5-րդ դասարան
Երաժիշտ-կատարողների «Վերածնունդ» միջազգային մրցույթ-փառատոն՝ 2013թ. 1-ին մրցանակ, ոսկե մեդալ, 2015թ.՝ 1-ին մրցանակ
Ա. Գաբրիելյանի և Ս. Ասլամազյանի անվան պատանի ջութակահարների և թավջութակահարների հանրապետական մրցույթ՝ 2013թ.՝ 1-ին մրցանակ և հայ կոմպոզիտորի ստեղծագործության լավագույն կատարման համար՝ հատուկ մրցանակ
«Արտ Մյուզիք» արվեստի մրցույթ-փառատոն, 2014թ.՝ Գրան պրի
«Playing for Change» «Երաժշտություն հանուն փոփոխությունների» դասական երաժշտության մրցույթ-փառատոն՝ 2014թ.՝ 1-ին մրցանակ և հատուկ մրցանակ
«Նոր անուններ» ծրագրի անդամ

Առուստամյան Լիլյա թավջութակ 5-րդ դասարան
Երաժիշտ-կատարողների «Վերածնունդ» միջազգային մրցույթ-փառատոն, 2013թ.՝ 1-ին մրցանակ, ոսկե մեդալ, 2014թ.՝ 3-րդ մրցանակ
Ա. Գաբրիելյանի և Ս. Ասլամազյանի անվան պատանի ջութակահարների և թավջութակահարների հանրապետական մրցույթ, 2013թ.՝ 3-րդ մրցանակ
«Արտ Մյուզիք» արվեստի մրցույթ-փառատոն, 2010թ.՝ 1-ին մրցանակ, 2013թ.՝ 1-ին մրցանակ, 2015թ.՝ 2-րդ մրցանակ, Գրան պրի
«Հարմոնիա» միջազգային փառատոն, 2013թ.՝ Լավագույն մրցանակ արտիստիկ կատարման համար
«Նոր անուններ» ծրագրի անդամ

Պետրոսյան Ինեսսա ջութակ 4-րդ դասարան
Երաժիշտ-կատարողների «Վերածնունդ» միջազգային մրցույթ-փառատոն, 2014թ.՝ պատվավոր դիպլոմակիր և 2015թ.՝ 2-րդ մրցանակ
«Արտ Մյուզիք» արվեստի մրցույթ-փառատոն, 2013թ.՝ 3-րդ մրցանակ, 2014թ. և 2015թ.՝ 1-ին մրցանակ

Հրմուշյան Էդուարդ կիթառ 4-րդ դասարան
Երաժիշտ-կատարողների «Վերածնունդ» միջազգային մրցույթ-փառատոն, 2015թ.՝ 1-ին մրցանակ
«Արտ Մյուզիք» արվեստի մրցույթ-փառատոն, 2013թ.՝ 3-րդ մրցանակ, 2015թ.՝ 1-ին մրցանակ

Տնօրեն՝ Արմինե Պողոսյան

Հասցե՝ Մամիկոնյանց 34բ  

Հեռ.՝ +(374 10) 231 620

Էլ. հասցե՝ sarajyanschool@mail.ru

Երևանի Ղազարոս Սարյանի անվան արվեստի դպրոցը հիմնադրվել է 1971թ. որպես թիվ 13 երաժշտական դպրոց, 1981թ. վերանվանվել է Երևանի h. 1 մանկական արվեստի դպրոց, իսկ 2000թ.-ից անվանակոչվել կոմպոզիտոր, Երևանի Կոմիտասի անվան կոնսերվատորիայի երկարամյա ռեկտոր Ղազարոս Սարյանի անունով:

Հիմնադրման օրվանից մինչ 2006թ. կրթօջախը ղեկավարել է ԵՊԿ-ի պրոֆեսոր Սիգիզմունդ Ներսիսյանը, ում ղեկավարությամբ մանկավարժների աշխատանքային նվիրումի, մեծ ջանքերի արգասիքն են այն ձեռքբերումները, որոնց դպրոցը հասել է հանրապետական և միջազգային հեղինակավոր տարբեր մրցույթներում: Դպրոցի աշակերտներից շատերն են դարձել դափնեկիրներ, պարգևատրվել պատվոգրերով: Բազմաթիվ շրջանավարտներ շարունակել են ուսումը Երևանի Կոմիտասի անվան պետական կոնսերվատորիայում, Չայկովսկու անվան երաժշտական դպրոցում, երաժշտական ուսումնարաններում, «Գեղեցիկ արվեստի» համալսարանում, Թերլեմեզյանի անվան ուսումնարանում, պարարվեստի քոլեջում և այլն…

2006թ.-ից դպրոցի մշակութային կյանքը նոր թափ ստացավ տնօրեն Սուսաննա Սուքիասյանի ջանքերով, ով մինչ օրս տնօրինում է այս կրթօջախը: Նրա տնօրինության հենց առաջին տարում մեծ շուքով նշվեց դպրոցի հիմնադրման 35-ամյակը, իսկ այժմ նախապատրաստվում ենք 2016թ ավելի մեծ շուքով նշելու դպրոցի 45-ամյակը: Ս. Սուքիասյանի ղեկավարության 10 տարիների ընթացքում աշակերտության թիվը 200-ից հասել է 950-ի:

Մշակութային և նախնական մասնագիտական կրթություն.

Երաժշտական բաժին՝ դաշնամուր, ջութակ, ալտ, թավջութակ, կիթառ, ֆլեյտա, կլարնետ, սաքսոֆոն, շեփոր, գալարափող, տրոմբոն, դուդուկ, շվի, դհոլ, ակորդեոն, քանոն, քամանչա, ուդ, թառ, հարվածային գործիքներ:
Երգչախմբային բաժին՝ երգչախումբ և դաշնամուր
Վոկալ բաժին՝ դասական, էստրադային և ժողովրդական երգ
Պարարվեստի բաժին՝ դասական, հայկական, ժամանակակից և լատինաամերիկյան պարեր
Կերպարվեստի բաժին՝ գունանկար, գծանկար, գեղանկար, գրաֆիկա, հագուստի մոդելավորում, քանդակ, գոբելեն
Թատերական բաժին՝ ասմունք և բեմարվեստ

Նախակրթարան՝ ասմունք/հայերեն, ռուսերեն, անգլերեն/, պար-ռիթմիկա, երգ-ռիթմիկա, նկարչություն

Դպրոցը համագործակցում է մանկատների, ծերանոցների, հանրակրթական, արվեստի և երաժշտական դպրոցների, մանկապարտեզների, գրադարանների, հասարակական կազմակերպությունների և միջազգային հասարական կազմակեպությունների հետ:

Սկսած 1971թ դպրոցում դասավանդել են պրոֆեսորներ, դոցենտներ,արվեստագիտության և մանկավարժության թեկնածուներ
Սիգիզմունդ Ներսիսյան՝ ԵՊԿ պրոֆեսոր, 1971-2006թ դպրոցի տնօրեն և հարվածային գործիքների դասատու
Հովհաննես Դելալյան՝ կոմպոզիտոր, աշխատել է դպրոցում որպես տեսական բաժնի դասատու
Աբգար Մուրադյան՝ ԵՊԿ պրոֆեսոր, աշխատել է դպրոցում որպես փողային և ժողգործիքների բաժինների վարիչ և դասատու
Վոլոդյա Մարգարյան/Վալմար/՝ նկարիչ, աշխատել է դպրոցում որպես կերպարվեստի բաժնի դասատու
Ջեննի Ասատրյան՝ Երաժշտագետ,ԵՊԿ-ի դասախոս, աշխատել է դպրոցում որպես տեսական առարկաների դասատու
Լարիսա Ասրիևա՝ ԵՊԿ պրոֆեսոր, աշխատել է դպրոցում որպես դաշնամուրի դասատու
Ալբինա Քերոբյան՝ Երևանի թատրոնի և կինոյի պետական ինստիտուտի դասախոս, դասավանդել է նաև դպրոցի թատերական բաժնում
Օմար Պապիկյան՝ ԵՊԿ պրոֆեսոր,աշխատել է դպրոցում որպես փողային բաժնի դասատու

Այժմ դպրոցում դասավանդում են`
ԵՊԿ պրոֆեսոր, դաշնամուրային ամբիոնի վարիչ Սուրեն Զաքարյան՝ երաժշտական բաժնի մեթոդիստ,դաշնամուրի դասատու
ԵՊԿ պրոֆեսոր, ՀՀ վաստակավոր գործիչ Իվան Վարդանյան՝ մեծերի երգչախմբի խմբավար
ԵՊԿ դոցենտ, կոմպոզիտոր Արմինե Կարապետյան՝ կոմպոզիցիայի և ֆլեյտայի դասատու
ԵՊԿ պրոֆեսոր, փողային ամբիոնի վարիչ Նորի Գալստյան՝ փողային բաժնի ղեկավար, գալարափողի դասատու
ՀՀ վաստակավոր արտիստ, ԵՊԿ պրոֆեսոր քանոնահարուհի Անժելա Աթաբեկյան՝ դպրոցի ազգային նվագարանների բաժնի ղեկավար, քանոնի դասատու և այլն:

Նշանավոր սաներ
Ռուզաննա Մանթաշյան՝ ավարտել է դպրոցի վոկալ բաժինը, այժմ՝ Բաստիլի օպերային երգչուհի է
Գուրգեն Բավեյան՝ ավարտել է վոկալ բաժինը, այժմ՝ Երևանի Սպենդիարյանի անվան օպերայի և բալետի ազգային ակադեմիական թատրոնի մեներգիչ է
Տաթևիկ Աղամիրյան՝ ավարտել է վոկալ բաժինը, այժմ՝ հեղինակ-կատարող
Արտաշես Սինանյան՝ ավարտել է դպրոցի հարվածային գործիքների դասարանը, այժմ՝ հարվածային գործիքների երաժիշտ, գործիքավորող
Սուրեն Շախիջանյան՝ ավարտել է վոկալ բաժինը,այժմ ապրում և ստեղծագործական գործունեություն է ծավալում Փարիզում
Արսեն Զորայան՝ ավարտել է ջութակի բաժինը, այժմ ապրում և ստեղծագործում է ծավալում Գերմանիայում
Անի Սարգսյան՝ ավարտել է վոկալ և դաշնամուրային բաժինները, այժմ ապրում և ստեղծագործական գործունեություն է ծավալում Գերմանիայում
Տաթևիկ Բաղդասարյան՝ ավարտել է ֆլեյտայի դասարանը, Հայաստանի ֆիլհարմոնիկ նվագախմբի ֆլեյտահար է
Անի Երանյան՝ ավարտել է վոկալ և թատերական բաժինները, այժմ կինոյի դերասանուհի է
Միքայել Աթասունց՝ ավարտել է վոկալ և թատերական բաժինները, այժմ՝ դրամատիկական թատրոնի ռեժիսոր

Տնօրեն`Սուսաննա Սուքիասյան

Հասցե` Զեյթուն, Դրոյի 4ա /Դավիթ Անհաղթի անվ. պուրակի հարևանությամբ/

Հեռ.՝ +(374 10)248 291 

Կայք՝ www.saryanartschool.am

Էլ.հասցե՝ artschool09@mail.ru

Դպրոցը հիմնադրվել է 01.10.1982թ.-ին:

Սկզբում գործել է որպես թիվ.13 երաժշտական դպրոց: 1986թ.-ին անվանակոչվել է երգահան, ԽՍՀՄ ներքին ծառայության գեներալ-մայոր Ալեքսեյ Հեքիմյանի անունով:

1986թ.-ին դպրոցում հիմնադրվել է «Արաբկիր» փողային նվագախումբը, որը ժամանակի լավագույն մանկապատանեկան փողային նվագախմբերից էր Հայաստանում /ղեկավարներ՝ Հայկ Հովակիմյան, Պետրոս Ժամկոչյան, Յուրա Կիրակոսյան, Էդուարդ Դիլանյան/:
Դպրոցն ունեցել է նաև ջութակահարների համույթ, որը ղեկավարել է Գևորգ Աճեմյանը:

Կրթօջախը տվել է բազում շնորհալի շրջանավարտներ, ովքեր աշխատում են լավագույն արհեստավարժ նվագախմբերում, բացի այդ, աչքի է ընկել դաշնամուրային բաժին դիմողների բարձր ցուցանիշներով և այժմ էլ պահպանում է այդ ավանդույթը:

Դպրոցն ունեցել է և ունի լավագույն փողային բաժինը՝ հագեցած անհրաժեշտ գործիքներով. մեր օրերում էլ բաժնի սաները /սաքսոֆոնի դասարան /դաս.՝ Իրինա Գասպարյան/, շեփորի դասարան /դասատու՝ ՀՀ վաստակավոր արտիստ Հայկ Հովակիմյան//, կլարնետի դասարան /դաս.՝ դոցենտ Հրազդան Սարգսյան/ մասնակցում են տարբեր մրցույթների, փառատոների, ստուգատեսների՝ արժանանալով մեծ պարգևների, պատվավոր մրցանակների՝ շարունակելով բարի ավանդույթները:

Աշակերտներն ստանում են երաժշտական և երաժշտագեղագիտական առկա ուսուցում:

Դպրոցում գործում են դաշնամուրային, լարային, փողային, կիթառի, հարվածային գործիքների, դասական վոկալի, էստրադային վոկալի, ազգային նվագարանների, կոմպոզիցիայի և պարարվեստի բաժինները, որոնց ծրագրում ընդգրկված է նաև երաժշտագեղագիտական ուսուցումը:

Դպրոցը համագործակցում է Հայասատանի «Նոր անուններ» միջտարածաշրջանային բարեգործական կազմակերպության հետ:

Մեր նշանավոր մանկավարժներն են՝ Հայկ Արամայիսի Հովակիմյան՝ շեփորի դասատու, «Երևան» փողային նվագախմբի դիրիժոր, ՀՀ վաստակավոր արտիստ
Իրինա Գասպարյան՝ սաքսոֆոնի դասատու, Սարգսյան Հրազդան՝ կլառնետի դասատու,Երևանի պետական կոնսերվատորիայի դոցենտ:
Շնորհալի սաներն են՝ դաշնակահարներ Լևոն Կարապետյան, Արմինե Ազարյան, Ծովինար Սուֆլյան, Աննա Ասմարյան, Սուսաննա Ղազարյան, Հայկ Մելիքյան,
ջութակահար Անի Բատիկյան, քսիլոֆոնահար Ալբերտ Հովհաննիսյան, շեփորահարներ Խաչիկ Սուջյան, Վահան Համբարձումյան:

Տնօրեն՝ Մոնիկա Պետրոսյան

Հասցե՝ Վ. Վաղարշյան 24/17

Հեռ.՝ +(374 10) 270 518

Էլ. հասցե՝ mshakuyt2013@mail.ru

Դպրոցը գործում է 1974 թ-ից:

Քաղաքապետարանը 1997թ. տրամադրեց է հ. 4 մշակույթի տան շենքը՝ անհատույց օգտագործման: Դպրոցը գտնվում է Նորք-Մարաշ վարչական շրջանում:

Ռ.Անդրեասյանի անվան երաժշտական դպրոցը կրում է հայ տաղանդավոր երաժիշտ, դաշնակահար Ռոբերտ Անդրեասյանի անունը, ով մեծ ներդրում է ունեցել հայ դաշնամուրային կատարողական արվեստի զարգացման և կայացման գործում: Նրան աշակերտել են բազմաթիվ տաղանդավոր երաժիշտ-դասնակահարներ, ովքեր մինչ օրս էլ զարմացնում են իրենց արվեստով և շարունակում իրենց ուսուցչի հիմնած ուղղությունը դաշնամուրային կատարողական արվեստի մեջ: Նրանցից շատերն ստեղծագործում են Հայաստանում, Երևանի երաժշտական օջախներում, Երևանի պետական կոնսերվատորայում, ինչպես նաև արտերկրում:

Դպրոցում գործում է դաշնամուրային, լարային,փողային և ազգային նվագարանների բաժիններ, վոկալ բաժին, գործում է նաև գեղագիտական բաժին՝ պարի և կերպարվեստի խմբերով:

Մկրտչյան Կարինե՝ վոկալի դասատու, դոցենտ-պրոֆեսոր
Մնացականյան Զարուհի՝ խմբավար է դպրոցի բացման օրից /41 տարի/
Մարկոսյան Գոհար՝ սոլֆեջիոյի և երաժշտական գրականության դասատու է դպրոցի բացման օրից /41 տարի/

Տնօրեն՝ Հակոբյան Անահիտ

Հասցե՝ Նորք-Մարաշ 5 փ. 29

Հեռ.՝ +(374 10) 650 950

Էլ. հասցե՝ muz-andreasyan@mail.ru

Երևանի Բարսեղ Կանաչյանի անվան արվեստի դպրոցը (նախկինում` Երևանի թիվ 17 երաժշտական դպրոց) հիմնադրվել է 1986թ. (տնօրեն՝ Էմմա Հարությունյան):

Նախապես լինելով երաժշտական դպրոց՝ ունեցել է դաշնամուրային, լարային, փողային, հարվածային գործիքների բաժիններ (մոտ 30 դասատու):

1991-2001թթ. դպրոցը ղեկավարել է Աշոտ Երիցյանը:

Դպրոցն ունեցել է 60-ից ավելի դասատուներ, այդ թվում՝ Երևանի Կոմիտասի անվան պետական կոնսերվատորիայից հրավիրված Էդուարդ Դայանը՝ ջութակ, Ստեփան Շաքարյանը՝ կոմպոզիցիա, Կոնստանտին Մելիքյանը՝ դաշնամուր, և այլն: 1991թ. դասատուների մասնակցությամբ կազմավորվեց կամերային նվագախումբ (ղեկավար՝ Մերուժան Սիմոնյան, I ջութակ՝ Աշոտ Երիցյան): Նվագախումբը համերգներով հադես է եկել բազմաթիվ համերգասրահներում, ինչպես դպրոցի սաների, այնպես էլ անվանի երաժիշտների հետ (Սվետլանա Նավասարդյան, Յուրի Հայրապետյան, Մեդեա Աբրահամյան և այլն): 1992թ. դպրոցը համերգներով հանդես է եկել Ֆրանսիայում, Լեհաստանում, Գերմանիայում:

Աշակերտները մասնակցել են հանրապետական և քաղաքային մրցույթներին:

2000թ. դպրոցն անվանակոչվել է հայ անվանի երաժիշտ, երգահան, մանկավարժ և խմբավար Բարսեղ Կանաչյանի անունով:

2001-2002թթ. դպրոցը ղեկավարել է Արմինե Բադեյանը:

2003թ-ից դպրոցի տնօրենն է Արմինե Մուրադյանը: 2004թ. դպրոցը վերակազմավորվել և դարձել է արվեստի դպրոց:

Շարունակելով նախկին ավանդույթները` դպրոցում դասական և ժողովրդական գործիքների հետ համատեղ ստեղծվեցին նոր բաժիններ` պարարվեստի, թատերական, նկարչական, վոկալ-էստրադային, բացվեցին ժողնվագարանների նոր դասարաններ (թառ, ուդ, քամանչա, սազ, սանթուր, դհոլ, դափ, ակկորդեոն) և կազմավորվեց ժողնվագարանների համույթ, որի ղեկավարությունն ստանձնեց խմբավար և դասատու Հովիկ Սահակյանը: Համույթն արժանացավ «Արաբկիր 2007» հանրապետական մրցույթի ոսկե մեդալի և 2010թ. ապրիլին դրա սաները հաջողությամբ ելույթ ունեցան Ֆրանսիայի և Շվեցարիայի հանդիսատեսի առջև: 2012թ. Գյումրիի «Վերածնունդ» միջազգային մրցույթ-փառատոնում համույթն արժանացավ ոսկե մեդալի:

Վերջին 10-ը տարվա ընթացքում դպրոցն ապրել է մեծ վերելք. (աշակերտների թիվը 98-ից հասել է 420-ի) մասնակցել է բազմաթիվ հանրապետական և միջազգային մրցույթների: Դպրոցի շնորհալիները բարեգործական համերգներով ելույթ են ունեցել ՀՀ մարզերում, ԼՂՀ Բերձոր, Ստեփանակերտ, Շուշի քաղաքներում և տարբեր բեմահարթակներում: Դպրոցի սաները հաջողությամբ մասնակցել են հանրապետական և միջազգային բազմաթիվ փառատոների և մրցույթների՝ արժանանալով բարձրագույն մրցանակների և դիպլոմների:
Արվեստի դպրոց /ՀՈԱԿ/

Դպրոցում ներկայումս գործում են հետևյալ բաժինները` դաշնամուրային , լարային (ջութակ, թավջութակ, կիթառ),ժող.փող.նվագարանների բաժին (թառ, քամանչա, ուդ, սազ, դափ, սանթուր, քանոն, շվի, կլարնետ, դուդուկ, սրինգ, ֆլեյտա,շեփոր, գալարափող,սաքսաֆոն), հարվածային բաժին (դհոլ, քսելոֆոն, drum set), վոկալ, վոկալ-էստրադային, նկարչություն, պարարվեստ (ժողովրդական, ազգային, լատինո-ամերիկյան, դասական), թատերական և տեսական բաժիններ:

Դպրոցն ունի ժող. նվագախումբ, կամերային նվագախումբ և երգչախումբ :
Կրթօջախը տարիների ընթացքում ձեռք է բերել սաներին անհրաժեշտ երաժշտական գործիքներ և դպրոցին անհրաժեշտ տեխնիկա:

Տնօրեն՝ Արմինե Մուրադյան
Հասցե՝ Տիգրան Մեծ 34

Հեռ.՝ (+37410) 562 100

Կայք՝ www.kanachyan17.am

էլ. հասցե՝ kanachyan17@mail.ru

Հիմնադրվել է 1979թ.:

1991թ. դպրոցը անվանակոչվել է կոմպոզիտոր Ալ. Աճեմյանի անունով:

Այստեղ սովորում է 540 աշակերտ, վարպետության դասեր են անցկացնում Երևանի պետական կոնսերվատորիայից հրավիրված լավագույն մասնագետները:

Դպրոցի աշակերտներն ամեն տարի մասնակցում են միջազգային և հանրապետական մրցույթ-փառատոնների և արժանանում մրցանակների:

Դպրոցում գործում են հետևյալ բաժինները`

1 դաշնամուրի
2. լարային նվագարանների /ջութակ, թավջութակ, կիթառ/
3. փողային նվագարանների /կլարնետ, սաքսոֆոն, շեփոր, ֆլեյտա/
4. ժողովրդական նվագարանների /դուդուկ,շվի,քանոն, ուդ, թառ,սազ, քամանչա, դհոլ /
5. վոկալի /դասական,ժողովրդական,էստրադային/
6. հարվածային գործիքների
7. սինթեզատորի, ակորդեոնի

Դպրոցը ունի լարային և ազգային նվագարանների համույթներ, նաև մեծերի և փոքրերի երգչախումբ:

Դպրոցում բացվել է «Ընդհանուր զարգացման» բաժին, որտեղ ընդգրկված են ազգագրական երգի-պարի, ժամանակակից պարերի և նկարչական դասարանները:

Տնօրեն`Անուշ Խաչատրյան

Հասցե՝ Սվաճյան 42

Հեռ.՝ +(374 10) 733 408

Էլ. փոստ՝ al.achemyan@yandex.ru

1949թ. Երևանում բացվեց Սայաթ-Նովայի անվան երաժշտական դպրոցի մասնաճյուղը:

1950թ. այն վերափոխվեց ինքնուրույն երաժշտական դպրոցի և կոչվեց կոմպոզիտոր Արմեն Տիգրանյան անունով: Գործունեությունը դպրոցը սկսեց 56 աշակերտով և 5 ուսուցչով:
1971թ. դպրոցի տնօրեն է նշանակվում Ռոստրոպովիչի սան, շնորհալի թավջութակահար`Ֆելիքս Հակոբյանը: Նրա օրոք սկսվեց դպրոցի նոր շենքի շինարարությունը, իսկ 1975թ. հանձնվեց շահագործման, ինչը նպաստեց նոր բաժինների բացմանը և աշակերտների ու ուսուցիչներին թվի ավելացմանը, համապատասխանաբար, 800 և 165: Դպրոցն արձանագրեց բազմաթիվ հաջողություններ:

1997-2001թթ. դպրոցը գլխավորեց ժողովրդական և գուսանական երգերի անզուգական կատարող Ֆլորա Մարտիրոսյանը: Ժամանակը շատ կարճ էր, բայցև՝ բեղմնավոր:
Դպրոցը տվել է բազմաթիվ շրջանավարտներ, ովքեր նվիրել են իրենց երաժշտական ասպարեզին. Լևոն Խոջա-Էյնաթյան /հարվածային գործիքներ/, բնակվում է Վաշինգտոնում, ղեկավարում է «Նարեկ» զանգակների համույթը, Նազարեթ Քյուրքչյան /կոնտրաբաս/` համարվում է աշխարհի 10 լավագույն կոնտրաբասիստներից մեկը, Արամ Առաքելյան /դաշնամուր/` ուսումը շարունակել է ԱՄՆ-ի երաժշտական համալսարանում, բազմաթիվ մրցույթների դափնեկիր է, հանդես է գալիս մենահամերգներով:
 

2011թվականից մինչ օրս դպրոցի տնօրենն է Անահիտ Գևորգյանը: Ընդունելով դպրոցը 400 աշակերտով, բացելով նոր բաժիններ՝ նա կարողացել է աշակերտների թիվը հասցնել 880-ի:

Դպրոցում գործում են հետևյալ բաժինները`

• Դաշնամուր
• Լարային բաժին /ջութակ, թավջութակ, տավիղ/
• Փողային բաժին /սաքսոֆոն, շեփոր, կլարնետ, ֆլեյտա, տրոմբոն/
• Ազգային նվագարանների բաժին /քանոն, դուդուկ, շվի, սանթուր, ուդ, դհոլ/
• Կիթառի բաժին
• Հարվածային/քսիլոֆոն, թմբուկներ/
• Վոկալ բաժին
• Ջազ-վոկալ բաժին
• Ակորդեոն
• Սինթեզատոր
• Լատինաամերիկյան պարի խմբակ /OSCAR/
• Ժողովրդական և տարբեր ազգերի պարի խմբակ /REAL DANCE/
• Դասական պարի /բալետ/ խմբակ /ՍԻՆԹԵԶ-ԴԱՆՍ/
• Նկարչական խմբակ
• Թատերական խմբակ / ԱՐՏԻՍՏ/

Դպրոցում ուսուցանում են նշանավոր մանկավարժներ.

Պրոֆեսոր Սվետլանա Դադյան /դաշնամուրի դասատու/
Հայկ Հովակիմյան /շեփորի դասատու/ - ՀՀ վաստակավոր արտիստ
Իրինա Գասպարյան /սաքսոֆոնի դասատու/ - մշակույթի վաստակավոր գործիչ
Նորայր Ժամհարյան /դուդուկի դասատու/
Մելանյա Մկրտչյան / ջութակի դասատու/
Ռաֆայելյան Գայանե /թավջութակի դասատու/
Գարեգինյան Սամվել / ֆլելտայի դասատու/

Նրանց սաները մասնակցել են հանրապետական և միջազգային բազմաթիվ մրցույթների` արժանանալով տարբեր մրցանակների:

Արման Մուրադյան՝ սովորում է սաքսոֆոնի 4-րդ դասարանում, դասատու Իրինա Գասպարյանի դասարանում: Մասնակցել է հանրապետական և միջազգային բազմաթիվ մրցույթների.

• «Վերածնունդ» միջազգային 5-րդ մրցույթ փառատոն, 2013թ.՝ 1-ին մրցանակ /ոսկե մեդալ/
• «Հարմոնիա» միջազգային մրցույթ` 1-ին մրցանակ, վիրտուոզ կատարում, 2014թ.
• «Նավասարդյան խաղեր» համահայկական մրցույթ` 1-ին մրցանակ /ոսկե մեդալ/, 2014թ.
• 2014 թվականից Հայաստանի «Նոր անուններ» կազմակերպության անդամ է:
• 2015թ. ապրիլի 27-ից մայիսի 10-ը, անցնելով ՀՀ մշակույթի նախարարության նախընտրական փուլը, մասնակցել է Մալթայում կայացած սաքսոֆոնահարների մրցույթին` արժանանալով դիպլոմի: Վարպետության դասեր է անցել համաշխարհային ճանաչում ունեցող սաքսոֆոնահար

Սերգեյ Կոլեսովի, Հայրապետ Առաքելյանի և Լարկ Մլեկուշի մոտ:

• Որպես 2014թ. «Երաժշտությունը՝ հանուն խաղաղության» միջազգային նախագծի հաղթող, 2015թ. մայիսի 12-22-ը ելույթ է ունեցել Սանկտ Պետերբուրգում և Մոսկվայում սիմֆոնիկ նվագախմբերի հետ: Մոսկվայում վարպետության դասեր է վերցրել Լիոնի կոնսերվատորիայի պրոֆեսոր, հայտնի սաքսոֆոնահար Ժան Դենի Միշայից և ստացել հավաստագիր նախագծի հեղինակ Վիտալի Վատուշայից

Սուրեն Սուքիասյան ՝ սովորում է շեփորի 5-րդ դասարանում, դասատու Հայկ Հովակիմյանի դասարանում:
Մասնակցել է հանրապետական և միջազգային բազմաթիվ մրցույթների.
• «Վերածնունդ» միջազգային 5-րդ մրցույթ փառատոն՝ 1-ին մրցանակ /ոսկե մեդալ/
• «Հարմոնիա» միջազգային մրցույթ-փառատոն՝ դիպլոմ` լավագույն արտիստիկ կատարման համար

Վահե Կյուրեղյան՝ սովորում է սաքսոֆոնի 3-րդ դասարանում, դասատու Իրինա Գասպարյանի դասարանում:
Մասնակցել է հանրապետական և միջազգային մրցույթների.
• «Վերածնունդ» միջազգային 7-րդ մրցույթ փառատոն, 2015թ. - 1-ին մրցանակ /ոսկե մեդալ/

Սուսաննա Էլոյան՝ սովորում է դաշնամուրի 5-րդ դասարանում, դասատու պրոֆեսոր Սվետլանա Դադյանի դասարանում: Մասնակցել է հանրապետական և միջազգային բազմաթիվ մրցույթների.
• «Վերածնունդ» միջազգային 5-րդ մրցույթ փառատոն` Ալ. Հարությունյանի անվան դիպլոմ
• «Հարմոնիա» միջազգային մրցույթ-փառատոն` հանդիսատեսի համակրանք
• 2014 թվականից Հայաստանի «Նոր անուններ» կազմակերպության անդամ է
• Թբիլիսիում կայացած միջազգային մրցույթ-փառատոնի դիպլոմակիր /2014թ../
• «ԱՐՏ ՄՅՈՒԶԻՔ» մրցույթ-փառատոնի դափնեկիր, 1-ին մրցանակ /Երևան 2014թ./
Հայաստանի «Նոր անուններ» ծրագրով ելույթ է ունեցել ԱՄՆ-ում:

Վարդիթեր Սահակյան՝ սովորում է դաշնամուրային բաժնի 7-րդ դասարանում, դասատու պրոֆեսոր Սվետլանա Դադյանի դասարանում:
Մասնակցել է հանրապետական և միջազգային բազմաթիվ մրցույթների
• «Վերածնունդ» միջազգային մրցույթ փառատոն, 2010թ.՝ դիպլոմ և հատուկ մրցանակ
• Գ. Սարաջյանի անվան հանրապետական մրցույթ-փառատոն, 2011թ.՝ դիպլոմ և հատուկ մրցանակ
• «Վերածնունդ» միջազգային մրցույթ փառատոն, 2012թ.՝ 1-ին մրցանակ /ոսկե մեդալ/
• Առնո Բաբաջանյանի անվան միջազգային մրցույթ-փառատոն, 2012թ.՝ դիպլոմ և հատուկ մրցանակ՝ «Հայ կոմպոզիտորի լավագույն կատարում» անվանակարգում
• «Հարմոնիա» միջազգային մրցույթ, 2013թ.՝ դիպլոմ «Հանդիսատեսի համակրանք»
• 2014 թվականից Հայաստանի «Նոր անուններ» կազմակերպության անդամ է:
• Թբիլիսիում կայացած միջազգային մրցույթ-փառատոնի դիպլոմակիր /2014թ./

Սերինե Մուրադյան՝ սովորում է ջութակի 2-րդ դասարանում, դասատու Մելանյա Մկրտչյանի դասարանում.
«Վերածնունդ» միջազգային 7-րդ մրցույթ փառատոն, 2015թ.՝ 1-ին մրցանակ /ոսկե մեդալ/

Տնօրեն` Անահիտ Գևորգյան

Հասցե`Բագրատունյաց 8ա

Հեռ.`+(+374 10)420 030

Էլ. հասցե` a-tigranyan3@mail.ru

1965թ. հիմնադրվեց թիվ 8 երաժշտական դպրոցը` 7 մանկավարժով և 60 աշակերտով`դաշնամուրի, ջութակի և թավջութակի դասարաններում: Մանկավարժների թվում էին հիմնադիր տնօրեն Վլադիմիր Կուրղինյանը /ջութակահար/, արվեստի վաստակավոր գործիչ, կոմպոզիտոր` Ստեփան Ջրբաշյանը և այլոք, ովքեր ջանք ու եռանդ չխնայեցին մատաղ սերնդի երաժշտական դաստիարակության գործում:
Տարիների ընթացքում մանկավարժների և աշակերտների թիվն ավելանում էր:
Դպրոցն ամեն տարի, բացի հաշվետուներից, կազմակերպում էր համերգներ հանրակրթական դպրոցներում և մանկապարտեզներում, որպեսզի երեխաները ծանոթանան երաժշտական գործիքներին և դպրոցը համալրվի նոր սաներով:

1977թ. մայիսի 5-ին թիվ 8 երաժշտական դպրոցը վերանվանվել է Ստեփան Խաչատուրի Ջրբաշյանի անունով:

Դպրոցն ուներ մեծ երգչախումբ, որը ղեկավարում էր Սերգեյ Պողոսովը, նաև երկար տարիներ գործում էր ջութակահարների համույթը /ղեկավար՝ Վ. Գ. Կուրղինյան, հետագայում՝ Ռուբիկ Մելիքյան/, թավջութակահարների համույթը /ղեկավար` Ռուբիկ Մելիքյան/:

1987թ. տնօրեն նշանակվեց բազմամյա մանկավարժական և մեթոդական փորձ ունեցող Նելլի Գուրգենի Մարտիրոսյանը: Դպրոցը համալրվեց նոր մանկավարժներով, սաներով, եղան նաև նոր ձեռքբերումներ: Այդ տարիներին դպրոցը ուներ դաշնամուրային, լարային, ժողգործիքների, փողային գործիքների, կիթառի, հարվածային գործիքների և վոկալ բաժիններ, ինչպես նաև բացվեցին պարի և նկարչության խմբակներ:

2013թ.-ից դպրոցի տնօրենն է Նաիրա Գուրգենի Ներսիսյանը:
Դպրոցում բացվեցին երաժշտական գործիքների նոր դասարաններ` լարային բաժին /կոնտրաբաս/, փողային բաժին /հոբոյ, տրոմբոն/, ազգային նվագարանների բաժին /սազ, բամբիռ, սանթուր, բլուլ/, ակկորդեոն և վոկալ /էստրադային վոկալ/: Ստեղծվեցին նոր համույթներ` լարային և փողային, ինչպես նաև ջազային նվագախումբ և երաժշտական բեմադրությունների /մյուզիքլ/ խմբակ:

Երաժշտական գործիքներ

1. Ազգային նվագարաններ /քանոն,թառ,քամանչա, դուդուկ,շվի,դհոլ, սանթուր,ուդ, սազ,բամբիռ,բլուլ/
2. Դաշնամուրային
3. Լարային /ջութակ,թավջութակ,կոնտրաբաս/
4. Փողային /կլարնետ,ֆլեյտա,շեփոր,հոբոյ,տրոմբոն,սաքսոֆոն/
5. Վոկալի /դասական,ժողովրդական,էստրադային/
6. Կիթառի
7. Ջազ-էստրադային
8. Հարվածային գործիքների
9. Ակկորդեոնի

Խմբակներ

1. Պարարվեստի /դասական, ժողովրդական բնորոշ պարեր,լատինո,սպորտային/
2. Կերպարվեստի /նկարչություն,դեկորատիվ կիրառական արվեստ-դիզայն/
3. Երաժշտական բեմադրություններ /մյուզիքլ/

Դպրոցը համագործակցել է Հայաստանի տարբեր մարզերի երաժշտական դպրոցների հետ:

Բազմիցս մասնակցել է համատեղ համերգների «Գեղարվեստական կրթության միջազգային շաբաթ» ծրագրով՝ Արարատի մարզի Մասիս քաղաքի Առնո Բաբաջանյանի անվան երաժշտական տասնամյակի դպրոցում:

2015թ. մայիսի 20-31-ը «Գեղարվեստական կրթության միջազգային շաբաթ» ծրագրում Ստեփան Ջրբաշյանի անվան երաժշտական դպրոցը ներկայացել է Հայոց մեծ եղեռնի 100-ամյակին նվիրված «Ղողանջներ» երաժշտական - գրական կոմպոզիցիայի բեմականացմամբ` ըստ Պարույր Սևակի «Անլռելի զանգակատուն» պոեմի:

Դպրոցի շատ աշակերտներ մասնակցում էին ոչ միայն քաղաքային, հանրապետական, այլև հարավկովկասյան մրցույթներին: 1981թ. Վ. Կուրղինյանի սան Հրաչյա Գեղամի Հարությունյանը հարավկասյան 4-րդ մրցույթում արժանացավ դափնեկրի կոչման /1-ին մրցանակ/: Թավջութակահարներ Պետրոս Սարգսյանը /դաս. Սերգեյ Թեմուրյանց/ նույն մրցույթում` դիպլոմանտի կոչման, Սամվել Բարսեղյանը /դաս. Ռուբիկ Մելիքյան/ կամերային համույթների մրցույթում` դափնեկրի կոչման /1-ին մրցանակ/:
Թավջութակի դասատու և դպրոցի փոխտնօրեն` Վալերի Միքայելի Անտոնյանը, ով ՍՍՀՄ վաստակավոր գործիչ Գերոնտի Թալալյանի /թավջութակ/ սանն էր, ավանդաբար շարունակեց իր ուսուցչի դպրոցը: Նա իր աշխատանքային գործունեության տարիների ընթացքում տվել է հանրապետական և միջազգային մրցույթների մեծ թվով դափնեկիրներ, որոնցից են հանրաճանաչ թավջութակահարներ Ռուբեն Մելիքյանը և Միքայել Նավասարդյանը:

Աշակերտներից շատերը շարունակում են ուսումը արտերկրում: Քույր և եղբայր Մանե և Նարեկ Հարությունյանները, Գուրգեն Կակոյանը սովորում են Գերմանիայում և Շվեյցարիայում: Իսկ դպրոցի շրջանավարտներից Հրաչյա Հարությունյանը, Պետրոս Սարգսյանը, Անդրանիկ Արաբյանը, Սոնա և Ստեփան Հովսեփյանները, Տիգրան Դանիելյանը, Արտյոմ Մանուկյանը արդեն երկար տարիներ դասավանդում են և ելույթ են ունենում աշխարհի մի շարք երկրներում:

Տաղանդաշատ և հեռանկարային երաժիշտ դաշնամուրային բաժնի 1-ին դասարանի աշակերտ, պրոֆեսոր Վաղարշակ Հարությունյանի սան Հարություն Մելիքյանը 2014թ. դարձել է «Վերածնունդ» միջազգային մրցույթ-փառատոնի ոսկե մեդալակիր:
2015թ.-ին հերթական անգամ Գյումրու «Վերածնունդ» միջազգային մրցույթ-փառատոնից ոսկե մեդալներ բերեցին դպրոցի սաները տարբեր անվանակարգերում` դաշնակահար Վահագն Ավետիսյանը /դասատու` Սյուզի Առաքելյան/, լարային քառյակը` /ղեկավար` Արման Գրիգորյան/, «Ղողանջներ» երաժշտաթատերական կոմպոզիցիայի բեմականացում ըստ Պարույր Սևակի «Անլռելի զանգակատուն» պոեմի /հեղինակ`Արմեն Վաղարշակյան, սցենարիստ` Նաիրա Մուղդուսյան/, «Ջազ բենդ» համույթը /ղեկավար` Արթուր Գյուրջինյան/:

Տնօրեն` Նաիրա Ներսիսյան
Հասցե՝ Գ.Նժդեհի պող. 12 
Հեռ.՝ +(374 10) 440 777, 440 779
էլ. հասցե`stepan.jrbashyan@mail.ru

Հիմնադրվել է 1970թ. հունվարին: 1979թ. այն անվանակոչվել է հայտնի թավջութակահար, Կոմիտասի անվան քառյակի անդամ Սարգիս Ասլամազյանի անունով:

Ստեղծման օրվանից սկսած` երկար տարիներ դպրոցը ղեկավարել է հայտնի թավջութակահար, մանկավարժ Մ. Աֆրիկյանը: Առաջին իսկ տարիներից դպրոցում խորհրդատու են աշխատել Վիլի Մոկացյանը, Գարի Այվազյանը, Հեղինե Քացախյանը:

Գործում են դաշնամուրային, լարային, վոկալ, կիթառի, ժողովրդական, փողային և հարվածային գործիքների բաժիններ, նկարչական և պարի խմբակներ:

Դպրոցն ունի ջութակահարների, ժողգործիքների, փողային և դասական գործիքների համույթներ, ինչպես նաև՝ երգչախումբ:

Նշանավոր մանկավարժներից աշխատել է կոմպոզիտոր Ստեփան Բաբաթորոսյանը և այլք: Նշանավոր սաներից են՝ Հայկական ջազի առաջատարներից դաշնակահար Վահագն Հայրապետյանը, Իսպանիայի թագավորական սիմֆոնիկ նվագախմբի կոնցերտմայստեր, երաժշտական ստուդիայի նախագահ, ջութակահար Ներսես Ավակիմյանը, երգչուհիներ Անուշ և Ինգա Արշակյանները, հաղորդավարուհի, դերասանուհի Նազենի Հովհաննիսյանը և ուրիշներ:

Տնօրեն՝ Լիլիթ Ուլիխանյան 
Հասցե՝ Նոր Նորքի IV զանգված, Գյուլիքեխվյան 6
Հեռ.՝ + (374 10) 646 500
Կայք՝ www.aslamazyanmusikschool.info.am

էլ. հասցե՝ aslamazyanmusikschool@info.am

Հ. Դանիելյանի անվան արվեստի դպրոցը հիմնադրվել է 1968 թ-ին, որպես «Հ. Դանիելյանի անվան հ.9 երաժշտական դպրոց», 1992 թ. հոկտեմբերին վերանվանվել է «Հ. Դանիելյանի անվան հ.3 արվեստի դպրոց»:

2003թ. փետրվարին դպրոցը կրկին վերանվանվել է «Երևանի քաղաքապետարանի Հ. Դանիելյանի անվան արվեստի դպրոց ՊՈԱԿ”, իսկ 2009 թ. սեպտեմբերին ՝ դարձել է «Նոր Նորք վարչական շրջանի Հ. Դանիելյանի անվան արվեստի դպրոց ՀՈԱԿ»:

Հ. Դանիելյանի անվ արվեստի դպրոցն իրականացնում է մշակութային և նախնական մասնագիտական կրթություն: Կազմակերպությունն ուսումնական հաստատության տիպի արվեստի դպրոց է, որի գործունեության հիմնական նպատակներն են`

- երաժշտական մասնագիտական կրթություն,
- գեղագիտական դաստիարակություն,
- մշակութային կրթության և գեղագիտական դաստիարակության տարբեր ձևերի վճարովի ուսուցում,
- տարիքային տարբեր խմբերի համար արվեստի զանազան ճյուղերի, մշակույթի և արհեստների ուսուցողական ծրագրերի իրականացում

Դպրոցն ունի հետևյալ բաժինները.

• դաշնամուրային
• լարային
• ազգային
• փողային նվագարանների,
• վոկալի (դասական, ժողովրդական , էստրադային)
• կիթառի (դասական,ակուստիկ, բաս) բաժիններ,
• հարվածային գործիքների դասարան,
• գեղարվեստի (կերպարվեստ, դիզայն, խեցեգործություն, քանդակագործություն), պարարվեստի (լատինաամերիկյան, ժողովրդական, ազգերի, ժամանակակից) բաժիններ, ստեղծագործական դասարան:

Մանկավարժներ`

Վիլլի Վայներ`ջութակահար, կոմպոզիտոր

Աթանես Առաքելյան` պրոֆեսոր, Ալ. Սպենդիարյանի անվան օպերա և բալետի պետական ակադեմիական թատրոնի դիրիժոր

Ինեսսա Հախնազարյան` դպրոցի հիմնադիր, վաստակաշատ մանկավարժ, դաշնամուրային ձեռնարկների հեղինակ, մշակույթի աջակցության Հիմնադրամի գեղարվեստական խորհրդի անդամ

Գագիկ Մխիթարյան` «Վանուշ Խանամիրյանի անվ. Պարարվեստի գործիչների Միության» նախագահ, ՀՀ և Վրաստանի պարարվեստի վաստակավոր գործիչ

Կարո Յայլայան` պրոֆեսոր, վաստակաշատ ուդահար, մասնագիտական ժողովածուների և փոխադրումների հեղինակ

Սոֆի Միքայելյան` «Կադանս» համույթի դաշնակահար

Ջուլիետտա Վարդանյան` «Արս Լունգա» դուետի դաշնակահար, «Նարեկացի» շքանշանակակիր, ՌԴ կոմպոզիտորների միության շքանշանակակիր

Արիկ Գրիգորյան` «Բամբիռ» ռոք խմբի ֆլեյտահար

Գայանե Ռաֆայելյան` վաստակաշատ մանկավարժ

Նաիրա Դիվանյան` ՀՀ կոմպոզիտորների միության անդամ

Նանա Արազյան` դաշնակահար, գործիքավորող

Գյուլնարա Ստեփանյան` օպերային երգչուհի, միջազգային մրցույթների դափնեկիր

Մադաթ Ավանեսով` դաշնակահար, կոմպոզիտոր

Սաներ՝

Էդմոն Մակարյան` ՀՀ կոմպոզիտորների միության անդամ

Միքայել Հախնազարյան` թավջութակահար (Գերմանիա)

Արաքս Մուխսի-Հովեյան` դաշնակահար (Գերմանիա)

Արաքս Սարգսյան` դաշնակահար (Շվեցարիա)

Լիկա Հախնազարյան` դաշնակահար (Շվեցարիա)

Գևորգ Ղարաբեկյան` ջութակահար (Գերմանիա)

Վահե Հայրապետյան` կոմպոզիտոր, ռադիոհաղորդավար

Տնօրեն` Նաիրա Դիվանյան 

Հասցե՝ 0062, Գայի պող. 17

Հեռ. + (374 10) 632 830, 641 142

Էլ.փոստ` dan.art.school@mail.ru

Ավանի երաժշտական դպրոցը հիմնադրվել է 1982 թ.:

1993-ին դպրոցին շնորհվել է Գևորգ Բուդաղյանի անունը:

Հիմնադման օրվանից մինչև 2011 թվ. դպրոցի տնօրենն է եղել գալարափողահար Լևոն Քիմակցյանը:

Մինչև օրս դպրոցը տվել է ավելի քան 1500 շրջանավարտ:

2000թ. վերածվել է արվեստի դպրոցի: 2011 թվականից կրթօջախը ղեկավարում է կոմպոզիտոր-մանկավարժ Սուսաննա Բարսեղյանը:

Դպրոցն ունի մասնագիտական ուսուցման հետևյալ բաժինները`

• դաշնամուրային, լարային(ջութակ, թավջութակ, կիթառ), փողային(շեփոր, ֆլեյտա,
• կլարնետ, սաքսոֆոն), ժողնվագարանների (քանոն, շվի, դուդուկ, դհոլ), հարվածային
• գործիքների, դասական, էստրադային, ժողովրդական երգեցողության, նկարչական, ժողովրդական և ժամանակակից պարերի բաժիններ:

33 տարվա ընթացքում դպրոցում դասավանդել են այնպիսի անվանի ու սիրված մանկավարժներ, ինչպիսիք են Ս. Շաքարյանը, Հայկ Հովակիմյանը, Ֆելիքս Միրզոյանը, Ա. Վարդանյանը, Անտոնինա Ֆեդոտովան, Նադեժդա Սաֆարյանը, Անուշ Վարդանյանը, Օլգա Խոյեցյանը, Պետրոս Քեշիշյանը, Վալերի Կոտելևսկին, Արմինե Գրիգորյանը,Կարինե Հարությունյանը, Աշոտ Մինասյանը:

Դպրոցի շրջանավարտներից մասնագետ-երաժշտի ուղի ընտրեցին և իրենց լավագույնս դրսևորեցին.

Ավանեսով Արթուր՝ ներկայումս Երևանի կոնսերվատորիայի դասախոս, արվեստագիտության թեկնածու,
Պողոսյան Մուշեղ՝ շեփոր, ՀՊՖՆ-ի մենակատար,
Հակոբյան Աննա՝ ջութակ, հեռուստառադիոյի էստրադային սիմֆոնիկ նվագախմբի արտիստ,
Բալասանյան Լիլիթ՝ ֆլեյտա, Հայաստանի ջազային նվագախմբի արտիստ,
Հարությունյան Իզաբելլա՝ դաշնամուր, Մոսկվայի կոնսերվատորիայի կոնցերտմայստեր, Մոսկվայի երաժշտական ուսումնարանի դասատու:

Ա. Գաբրիելյանի և Ս. Ասլամազյանի անվան ջութակի և թավջութակի հանրապետական մրցույթ`Աննա Հարությունյան՝ 3-րդ մրցանակ

Միլենա Մարդանյան՝ դիպլոմ Ժող. և փող. գործիքների հանրապետական մրցույթ`
Արամայիս Նիկողոսյան /ուդ/՝ 1-ի մրցանակ
Արա Հարությունյան՝ շվի/՝ 3-րդ մրցանակ

Էմիլ խաչատրյանի անվ. հանրապետական 2րդ մրցույթ –փառատոն՝
Գոհար Պապոյան /ջութակ/՝ 3-րդ մրցանակ

Պատանիների նկարչական մրցույթ «Նարեկացի» կենտրոնում`
Լիլիթ Ավետիսյան՝ 2-րդ մրցանակ

Ա. Բաբաջանյանի անվ. պատանի դաշնակահարների 7-րդ հանրապետական մրցույթ`
Հայկ Խաչատրյան՝ դիպլոմ
Մխիթար Ղազարյան՝ դիպլոմ

Գյումրու «Վերածնունդ» միջազգային մրցույթ-փառատոն`

Ռաֆայել Հովհաննիսյան /թավջութակ/՝ դափնեկիր, 2-րդ մրցանակ
Աննա Պետրոսյան /ջութակ/՝ դափնեկիր, 4-րդ մրցանակ
Սոնա Ղազարյան /դաս. վոկալ/՝ դափնեկիր 4-րդ մրցանակ
Շուշանիկ Գործունյան /ֆլեյտա/՝ դափնեկիր, 2-րդ մրցանակ
Սոնա Հովհաննիսյան /էստր.վոկալ/՝ 2-րդ մրցանակ
Լիլիան Շահբազյան/դաս.վոկալ/՝ դափնեկիր, 3-րդ մրցանակ
Արման Ղազարյան /շեփոր/՝ դափնեկիր, 2-րդ մրցանակ
Սաթենիկ Պետրոսյան /Ֆլեյտա/՝ դափնեկիր, 3-րդ մրցանակ
Սեպուհ Հովհաննիսյան /շվի/ դափնեկիր, 3-րդ մրցանակ

«Արտ-մյուզիք»-2015 մրցույթ-փառատոն՝
Մանուշակ Նաղդալյան /քանոն/՝ 3-րդ մրցանակ
Շուշանիկ Գործունյան /ֆլեյտա/՝ 3-րդ մրցանակ
Ֆլորա Մխիթարյան /էստ. երգեցողություն/՝ 3-րդ մրցանակ
Նարեկ Պողոսյան /էստ երգեցողություն/՝ 3 –րդ մրցանակ

Տնօրեն՝ Սուսաննա Բարսեղյան

Հասցե՝ Ավան, Թումանյան 3

Հեռ.՝ +(374 10) 610 900

Էլ. փոստ՝ budaxyandproc2011@yandex.ru

Հիմնադրվել է 1971թ.. սկզբնական շրջանում յոթ մանկավարժի վստահվեց քառասուն սանի դաստիարակություն ու կրթություն: Աշակերտների թվի ավելացմանը զուգահեռ՝ մեծացան նաև մանկավարժական կոլեկտիվը, դաշնամուրային, լարային, փողային գործիքների, տեսական բաժինները: Ուսուցիչների համատեղ ջանքերով ստեղծվեց կամերային նվագախումբ, որի ղեկավարն էր դիրիժոր Մերուժան Սիմոնյանը: Նվագախումբը համերգներով հանդես է եկել Լատվիայում, Գերմանիայում, Իսպանիայում, Արաբական Միացյալ Էմիրություններում:

1984թ. դպրոցը վերանվանվեց տաղանդավոր երաժիշտ, Կոմիտասի քառյակի առաջին ջութակահար Ավետ Գաբրիելյանի անունով:

2004թ. մինչ օրս դպրոցը ղեկավարում է Գ. Տոնոյանը: Նրա ղեկավարությամբ 2007թ.ն երաժշտական դպրոցը վերափոխվեց արվեստի դպրոցի. բացվեցին գեղարվեստի, պարարվեստի, թատերարվեստի բաժիններ:

Այժմ դպրոցում գործում են դաշնամուրային, լարային, վոկալի, տեսական առարկաների, փողային և ժողգործիքների բաժիններ: Բացվեցին թավջութակի, սրինգի, ուդի, գալարափողի, սինթեզատորի, ակորդեոնի դասարաններ:

Դպրոցում այժմ գործում են հետևյալ բաժինները
1. Դաշնամուրային
2. Լարային /ջութակ, թավջութակ, կիթառ/
3. Փող.գործիքներ /կլարնետ, շեփոր, գալարափող/
4. Ժող. գործիքներ /շվի, դուդուկ, սրինգ, քանոն, ուդ, դհոլ, ակորդեոն /
5. Վոկալ
6. Սինթեզատոր
7. Հարվածային գործիքներ /քսիլոֆոն, հարվ. կոմպլեկտ/
8. Գեղարվեստ /նկարչություն, խեցեգործություն, ծեփագործություն/
9. Պարարվեստ
10. Թատերարվեստ

Նախատեսվում է բացել ստեղծագործական դասարան, սաքսոֆոնի, տրոմբոնի դասարաններ, վոկալ- էստրադային բաժին:

Դպրոցը ամեն տարի համատեղ համերգներով հանդես է գալիս տարբեր քաղաքներում, ելույթներ է ունենում Երևանի մանկապարտեզներում, երաժշտական ու հանրակրթական դպրոցներում, համագործակցում է թանգարանների հետ:

Դպրոցում են աշխատել պրոֆեսոր, ջութակահար Հրաչյա Աբաջյանը, դաշնակահար պրոֆեսորներ Յակով Զարգարյանը, Սվետլանա Նավասարդյանը, քանոնահար Հասմիկ Լեյլոյանը, դոցենտ Սամվել Երկնափեշյանը

Դպրոցը տվել է հայտնի ջութակահար Նիկոլայ Մադոև, դաշնակահարներ Ռուբեն Պետրոսյան, Արեգ Սիմոնյան, ֆլեյտահար Անի Օնահյան

Տնօրեն` Գոհար Տոնոյան
Հասցե՝ Արզումանյան 8ա
Հեռ.՝ +(374 10) 395 032
Էլ. հասցե՝ a.gabrielyan.arv.dp@gmail.com

Հիմնադրվել է 1957թ., որպես հ. 5 երաժշտական դպրոց՝ ջութակահար Հենրիկ Հարությունյանի տնօրինությամբ, իսկ 1967թ. անվանակոչվեց Մ. Միրզոյանի անվամբ:

1973-1976թթ. դպրոցը ղեկավարել է դաշնակահար Դ. Առաքելյանը: 1977թ. տնօրեն է նշանակվել Ռ. Պապոյանը, ով 20 տարվա ընդացքում բարձրացրել է դպրոցի մասնագիտական մակարդակը:

1997-2019թթ. դպրոցը ղեկավարում էր դաշնակահար Լ.Սարգսյանը՝ պահպանելով լավագույն ավանդույթները, ամրապնդելով երաժշտական կրթության և դաստիարակության սկզբունքները:

Դպրոցի մանկավարժներից շատերը տարիներ շարունակ եղել են խորհրդատու Հայաստանի տարբեր երաժշտական դպրոցներում և մեթոդապես օգնել Գորիսի, Սիսիանի, Կապանի, Քաջարանի, Թալինի, Սպիտակի, Սևանի դպրոցների դասատուներին: Դպրոցը կապեր է ունեցել Թբիլիսիի, Ռիգայի երաժշտական դպրոցների հետ: Շփումներն առավել սերտ էին փոխադարձ համերգների շնորհիվ:

Բազմաթիվ էին համերգները զորամասերում, երկրի տարբեր քաղաքներում, մանկապարտեզներում, ծերանոցում: Մի շարք դասատուներ հանրապետության գիտագործնական կոնֆերանսների մասնակիցներ են:

Դպրոցը նպատակը սաների երաժշտական աշխարհը հարստացնելն է, դասական երաժշտության անսպառ հարստություններին առնչվելու հնարավորություն տալը, գեղեցիկի զգացումը ներարկելն է:
Գործում են դաշնամուրային, լարային, փողային, ժողգործիքային, վոկալ և տեսական բաժիններ: Գործում են նաև տարբեր համույթներ և երգչախումբ:
Նոր նախագծերով նախատեսվում է բարձրացնել աշակերտության կատարողական որակը և ընդլայնել փողային, ժող. գործիքային և հարվածային գործիքների բաժինները:

Դպրոցի նշանավոր սաները և մանկավարժները`

• Էլեն Կիրակոսյան՝ կոնսերվատորիայ կոնցերտմայստեր դասախոս, դասատու՝ Պ. Քեչյան
• Ժաննա Քոչարյան՝ Ռ.Մելիքյանի անվ. երաժշտ. քոլեջի դասախոս, դասատու Պ. Քեչյան
• Կարեն Հակոբյան՝ կոմպոզիտոր, «Նոր անուներ» մրցույթի անդամ, միջազգային մրցույթների դափնեկիր, դասատու՝ Է.Ավանեսովա
• Տիգրան Ասլանյան՝ դաշնակահար, Ա. Բաբաջանյանի անվ. երաժշտ. քոլեջի դաշնակահար և կոնցերտմայստեր, դասատու՝ Է. Ավանեսովա
• Տիգրան Համասյան՝ դաշնակահար, ջազմեն, ԱՄՆ նախագահ Ջ.Բուշի կողմից արժանացելի է մրցանակի, դասատու՝ Կ. Թովմասյան
• Մարիաննա Ջավախյան՝ Եվրատեսիլի երգի հեղինակ, «Երազանքների բարի փերի»,Դասատու՝ Կ. Թովմասյան
• Մարատ Հայրապետյան՝ երգիչ, կոմպոզիտոր և քաղաքական գործիչ, Դասատու՝ Ջ. Ներսիսյան
• Նաիրա Մովսիսյան՝ երգչուհի, դերասանուհի, դասատու՝ Լուսյա Մինասյան 
• Լաուրա Ոսկանյան՝ ջութակահար, «Լավանդա» տրիոյի մենակատար Դասատու՝ Լ.Խաչատրյան
• Հասմիկ Իսպիրյան՝ Երևանի Խ.Աբովյանի անվ. մանկավարժական համալսարանի դասախոս 
• Ռուբեն Ասատրյան՝ ֆիլհարմոնիկի նվագախմբի դիրիժոր, Դասատու՝ Յու. Ավետիսյան
• Դավիթ Մելքոնյան՝ Գերմանիայի Քյոլնիի կամերային նվագախմբի թավջութակահար, Դասատու՝ Պ.Քեչյան
• Աշխեն Աղասարյան՝ դասախոսում է Իսրայելում, դասատու՝ է. Ավանեսովա:

Տնօրեն՝ Իրինա Մկրտչյան

Հասցե՝ Նորաշեն 49

Հեռ.՝ +(374 10)351 575

էլ. հասցե`  mirzoyanianvan@mail.ru

Հ. 21 երաժշտական դպրոցը հիմնադրվել է 1987 թվականին, իսկ 2007-ին անվանակոչվել է հայտնի ջութակահարուհի, ՀՍՍՀ վաստակավոր արտիստուհի, պրոֆեսոր Անահիտ Ցիցիկյանի անունով:

Քսանհինգ տարվա ընթացքում այստեղ ուսանել է մանուկների մի քանի սերունդ, որոնք հաղորդակցվել են գեղեցիկի մոգական աշխարհին, ստացել գեղագիտական դաստիարակություն: 

Հմուտ մանկավարժների շնորհիվ դպրոցի սաները հաճախակի մասնակցել են համերգների, փառատոների, քաղաքային և հանրապետական մրցույթների, նվաճել բարձր մրցանակներ:

Այսպես, ջութակի բաժնի աշակերտուհի Նունե Անտաշյանը (դասատու՝ Փ. Երկանյան) Ս. Ասլամազյանի անվան պատանի ջութակահարների և թավջութակահարների մրցույթի դիպլոմակիր է:

Մարինա Բխեյանը (դասատու՝ Ա. Հարությունյան) «Նոր անուններ» հիմնադրամի «Ամադեուս» հանրապետական մրցույթում արժանացել է 1-ին մրցանակի և ոսկե մեդալի:

Յանա Ալեքսանյանը (դասատու՝ Զ. Մանջիկյան) հաղթող է ճանաչվել Բախի հոբելյանին նվիրված կոնցերտների մրցույթին:

Դպրոցի սաները մասնակցել են նաև ժող.-փողային և հարվածային գոծիքների III հանրապետական մրցույթին:

Քանոնահար Շուշանիկ Զազյանը (դասատու՝ Ս. Հարությունյան), արժանացել է 1-ին կարգի մրցանակի, ֆլեյտահար Հմայակ Մարգարյանը (դասատու՝ Ս. Մուկոյան) դարձել է մրցույթի դիպլոմակիր:

Քսանհինգ տարում դպրոցը գերազանցությամբ ավարտել է 100-ից ավելի շրջանավարտ: Նրանցից շատերը երաժշտական կրթությունը շարունակել են ուսումնական այլ հաստատություններում` Հայաստանում և արտերկրում:

Դպրոցում գործում են հետևայալ բաժինները`

• Դաշնամուրային
• Լարային /ջութակ, թավջութակ,ալտ/
• Վոկալ /դասական, էստրադային /
• Կիթառ
• Փողային գործիքներ
• Ժող. գործիքներ / քանոն , շվի , դհոլ , ուդ /
• Հարվածային գործիքներ

Սուրեն Շահսուվարյան /դաշնամուր/ `
Խաչատուր Աբովյանի անվան հայկական պետական մանկավարժական համալսարանի դոցենտ

Աննա Մարիա Մուպայետ /ջութակահարուհի/`
Վերածնունդ միջազգային մրցույթի կրկնակի II –րդ մրցանակ
Արթ-մյուզիք մրցույթ II - րդ մրցանակ
Իզաբել մրցույթ II -րդ մրցանակ

Մասնակցել է բազմաթիվ միջազգային և համահայկական ծրագրերի, փառատոների:

Տնօրեն՝ Դիանա Հովհաննիսյան 

Հասցե՝ Բաշինջաղյան 100

Հեռ.՝ +(374 10) 394 060

Կայք՝ www.anahitmusicschool.com

Էլ. փոստ՝ anahitmusicschool@gmail.com

Դպրոցը հիմնադրվել է 1973 թվականին:

Նպատակը ձայնային տվյալներ ունեցող երեխաների բազմակողմանի մասնագիտական երաժշտական կրթություն տալն է:

Առանձնահատուկ ուշադրության կենտրոնում են փոփոխման շրջանում (մուտացիա) գտնվող աշակերտները:

Շրջանավարտների մեծ մասը շարունակում է ուսումը երաժշտական միջնակարգ մասնագիտական և բարձրագույն ուսումնական հաստատություններում՝ երաժշտական ուսումնարաններում, կոնսերվատորիայում և մանկավարժական պետական համալսարանում:

Դպրոցի շրջանավարտները ներկայումս Ալ.Սպենդիարյանի անվան օպերայի և բալետի ազգային ակադեմիական թատրոնի առաջատար մեներգիչներ են՝ Առնոլդ Քորարյան, Արծվիկ Դեմուրչյան, Վարդուհի Խաչատրյան, Սյուզաննա Մելքոնյան, Սարգիս Աղամալյան, Լիլիթ Սողոմոնյան: Արվեստի գիտությունների դոկտոր Աննա Ասաատրյանը նույնպես դպրոցի շրջանավարտ է: Դպրոցը ունի համերգային ծավալուն ծրագրեր՝ ելույթներ Հայաստանի մի շարք կամերային և սիմֆոնիկ նվագախմբերի հետ ինչպես Երևանում, այնպես ել Հայաստանի մարզերում: Ելույթներ Մոսկվայում՝ Զառա Դելուխանյանի և Սանկտ-Պետերբուրգում Ելենա Օբրազցովայի հոբելյանական համերգներին:

2013թ. ՀՀ մշակույթի նախարարության մյուզիքլների «Հազարան բլբուլ» հանրապետական մրցույթ-փառատոնին դպրոցը արժանացել է «Գրան պրի» մրցանակի:

Դպրոցը համագործակցում է Ալ. Սպենդիաարյանի անվան օպերայի և բալետի ակադեմիւական թատրոնի հետ:

Նախատեսվում է դպրոցի սաների մասնակցությունը Մոցարտի «Կախարդական սրինգ» օպերայի համերգային բեմադրությանը և Բիզեի «Կարմեն» օպերայի ներկայացմանը:

Դպոցը ներկայումս գործուն մասնակցություն է ցուցաբերում Երևանի քաղաքապետարանի կազմակերպած բոլոր միջոցառումներին և համերգներին:

Դպրոցում գործում են՝ ակադեմիական մեներգեցողության, դաշնամուրային, տեսական առարկաների (սոլֆեջիո, երաժշտ. գրականություն, երաժշտ. տարրական տեսություն, հարմոնիա), երգչախմբային (երգչախումբ, խմբավարություն) բաժինները:

Դպրոցը համագործակցում է Երևանի երաժշտական և արվեստի բազմաթիվ կրթօջախների հետ:

Տնօրեն՝ Հասմիկ Սաֆրազբեկյան

Հասցե՝ Չայկովսկու 27
Հեռ.՝ +(374 10) 585 544, 526 315
Կայք՝ vocal.info.am
Էլ. փոստ` vocal@info.am

1929թ. սեպտեմբերին ՀԽՍՀ լուսժողկոմատի որոշմամբ կոնսերվատորիայից անջատվում է տարրական բաժինը՝ 60 աշակերտներով, և Երևանում հիմնադրվում է առաջին մանկական մասնագիտացված քառամյա երաժշտական դպրոցը, որը 1930թ. կատարում է առաջին ընդունելությունը: Շուտով սովորողների թիվը հասնում է 127-ի, դասավանդում էր 11 ուսուցիչ:

1930թ. դպրոցին շնորհվում է հայ մեծանուն կոմպոզիտոր Ալեքսանդր Սպենդիարյանի անունը:

1935թ.-ից դպրոցը դառնում է յոթնամյա, իսկ 1992թ.-ից՝ տասնամյա:
Ա. Սպենդիարյանի անվան երաժշտական մասնագիտական դպրոցն, իրավմամբ, համարվում է երաժշտական կրթության իսկական դարբնոց, որտեղ սկիզբ են առել ու կյանքի կոչվել այս բնագավառի հիմնարար ու արմատական բազում հարցադրումներ:

Դպրոցն սկզբնական երաժշտական կրթություն է տվել ավելի քան 10 000 երեխաների: Շրջանավարտներից շատերը հայ երաժշտարվեստի ականավոր գործիչներ են, նախկին ԽՍՀՄ և ՀՀ ժողովրդական ու վաստակավոր արտիստներ, միջազգային ու հանրապետական մրցույթների դափնեկիրներ, հայ կատարողական արվեստի անվանի գործիչներ, աշխարհահռչակ կոմպոզիտորներ:

Հնագույն երաժշտական դպրոցն արդեն 85 տարեկան է և շարունակում է երաժշտական կրթություն տալ հարյուրավոր մանուկների. այժմ կրթօջախում սովորում է 900 աշակերտ, որոնց դասավանդում է 111 դասատու:

Կազմակերպության գործառույթը մատաղ սերնդին երաժշտական կրթություն և գեղագիտական դաստիարակություն տալն է: Դպրոցում գործում են դաշնամուրային, լարային, փողային և ազգային նվագարանների բաժինները, վոկալ բաժինը (դասական, ժողովրդական և էստրադային երգեցողություն): Դպրոցն ունի լարային, փողային համույթներ, կամերային նվագախումբ, ժողովրդական գործիքների նվագախումբ, ջազային նվագախումբ: Գործում է նաև գեղագիտական բաժին՝ պարի և կերպարվեստի խմբերով:

Անցած տարիների ընթացքում դպրոցում աշխատել են բազմաթիվ որակյալ, իրենց գործի բանիմաց մասնագետներ, որոնք անմնացորդ նվիրումով են աշխատել և իրենց փորձն ու գիտելիքները փոխանցել սաներին. վաստակավոր ուսուցիչներ, տեսական առարկաների դասատու Հեղինե Քացախյան, ով երկար տարիներ եղել է նաև ուսմասվար, ջութակի դասատու Էդվարդ Մարգարյան, դաշնամուրի դասատուներ Սեդա Սիլախտարյան, Նինա Մնացականյան, Թամարա Մալայան և այլք: Երաժշտական կրթության ասպարեզում անգնահատելի դեր են ունեցել պրոֆեսորներ Սերգեյ Խաչատրյանը, Էլիոնորա Ոսկանյանը և այլք: Այսօր էլ դպրոցը համալրված է լավագույն մանկավարժներով, որոնց աշակերտներից շատ-շատերը պարբերաբար դառնում են միջազգային և հանրապետական մրցույթների դափնեկիրներ. դաշնամուրի դասատուներ Արքուհի Հարությունյան, Կարինե Հարությունյան, Հասմիկ Հակոբյան, Ելենա Սեդրակյան, Էլլա Մուրադյան, թավջութակի դաստու Տիրուհի Սարգսյան, ջութակի դասատու Նոռա Այվազյան: Դպրոցում աշխատում են պրոֆեսորներ դաշնակահարներ Սերգեյ Քեչեկը, Զեմֆիրա Բարսեղյանը, Վաղարշակ Հարությունյանը, սաքսոֆոնահար Ալեքսանդր Մանուկյանը, շեփորահար Գուրգեն Սարգսյանը:

Դպրոցի առաջին շրջանավարտներն էին հայ երաժշտարվեստի ականավոր գործիչներ, աշխարհահռչակ կոմպոզիտորներ, հայ ազգային երաժշտությունն աշխարհին ներկայացնող Առնո Բաբաջանյանը, Ալեքսանդր Հարությունյանը, Էդվարդ Միրզոյանը, Էդգար Հովհաննիսյանը, Ղազարոս Սարյանը, որոնք արժանացան ԽՍՀՄ ժողովրդական արտիստի կոչման: Դպրոցի շրջանավարտներից են ՀԽՍՀ ժողովրդական արտիստ Ռոբերտ Ամիրխանյանը և վաստակավոր արտիստուհի Զեմֆիրա Բարսեղյանը: Կրթօջախը տվել է 17 անվանի կոմպոզիտորներ, այդ թվում՝ Գագիկ Հովունցը, Ադամ Խուդոյանը, Ալեքսանդր Աճեմյանը, Ջիվան Տեր-Թադևոսյանը և այլք:

Տարեցտարի լավագույն երաժիշտների բանակը համալրվել է նոր անուններով`դաշնակահար, դիրիժոր և կոմպոզիտոր Վահան Մարտիրոսյան (ապրելով և ստեղծագործելով Ֆրանսիայում` նաև ղեկավարում է Կոմիտասի անվան կամերային նվագախումբը), դաշնակահարներ Վարդան Մամիկոնյանը, Լիլիթ Գրիգորյանը, սաքսոֆոնահար Առաքել Հայրապետյանը:

Շրջանավարտների նոր սերունդը շարունակում է զարգացնել հայկական երաժշտարվեստը՝ այն լավագույն դրսևորումներով ներկայացնելով աշխարհին՝ դաշնակահարներ Ժորա Սարգսյան, Սպարտակ Մարգարյան, Լևոն Ավագյան, Արմեն Մանասյան, Լևոն Կարապետյան, ջութակահարներ՝ Մերի Խոջոյան, Տաթևիկ Ֆրանգուլյան, սաքսոֆոնահար Էդուարդ Ներսիսյան: Կատարողական վարպետությամբ և վառ անհատականությամբ հետ չեն մնում դպրոցի նորօրյա շրջանավարտները և դեռևս դպրոցը չավարտած պատանի երաժիշտները. Լիլիթ Գրիգորյանը, Արմեն Մանասյանը, Լևոն Կարապետյանը, Ժորա Սարգսյանը և սաքսոֆոնահար Էդուարդ Ներսիսյանը արժանացել են Հայաստանի Հանրապետության նախագահի ամենամյա մրցանակին:
Դաշնակահարներ Ժորա Սարգսյանը և Լիլիթ Գրիգորյանը Արամ Խաչատրյանի անվան դաշնակահարների միջազգային մրցույթի 2-րդ կարգի դիպլոմակիրներ են:

Դպրոցի լավագույն սաներն ընգրկված են «Նոր անուններ» և «Կամերտոն» ծրագրերում:

Տնօրեն`Վարդանյան Մարինա

Հասցե՝ Չայկովսկի 27
Հեռ.՝ +(374 10) 583 938

Կայք՝ www.spendiaryan.am

Էլ. հասցե՝ alexandr.spendiaryan@gmail.com

05.08.2011 թվականից ՀՀ Երևան քաղաքի ավագանու 24.07.2011 թվականի N 246-Ա որոշմամբ «Ավետ Տերտերյանի անվան երաժշտական դպրոց» ՀՈԱԿ-ի և թիվ 2 մանկապատանեկան ստեղծագործական կենտրոն ՀՈԱԿ-ի /երկու դպրոցներն էլ հիմնադրվել են 1993 թվականին/ վերակազմակերպմամբ ստեղծվել է «Ավետ Տերտերյանի անվան արվեստի դպրոց» ՀՈԱԿ-ը:

Դպրոցն ունի հետևյալ բաժինները՝ երաժշտական, կերպարվեստի և մշակույթի ընդհանուր զարգացման:

Երաժշտական բաժնում գործում են հետևյալ բաժինները՝
դաշնամուրային, լարային /ջութակ, թավջութակ/, փողային /ֆլեյտա, կլարնետ, հոբոյ, ֆագոտ, շեփոր, գալարափող, սաքսոֆոն, տրոմբոն, տուբա/, վոկալ /դասական, էստրադային և ժողովրդական/, կիթառ, հարվածային գործիքներ, ազգային նվագարաններ /քանոն, սանթուր, ուդ, քամանչա, շվի, դուդուկ, պկու, դհոլ/:

Դպրոցում գործում են նաև սինթեզատորի, ակորդեոնի դասարաններ: Երաժշտական բաժնում դասավանդվում են հետևյալ առարկաները՝ մասնագիտություն, սոլֆեջո, երաժշտական գրականություն: Դպրոցում գործում է երգչախումբ, փողային նվագախումբ և ազգային նվագարանների համույթ:

Կերպարվեստի բաժնում գործում են հետևյալ բաժինները՝ նկարչություն, խեցեգործություն, քանդակ և հագուստի մոդելավորում: Կերպարվեստի բաժնում դասավանդվում են հետևյալ առարկաները՝ գունանկար, գծանկար, ծեփագործություն, խեցեգործություն, բրուտագործություն, դեկորատիվ-կիրառական արվեստ, կոմպոզիցիա, բատիկա, կար ու ձև, արվեստի պատմություն:

Մշակույթի ընդհանուր զարգացման բաժնում դասավանդվում են ուլունքագործություն, կար ու ձև, շախմատ, թատերարվեստ, ծաղկահարդարում, պարարվեստ /հայկական պարեր, լատինամերիկյան պարեր, բրեյք-դանս/: Դպրոցում գործում է նաև նախապատրաստական դասարան 3-6 տարեկան երեխաների համար:

Նշանավոր մանկավարժներ. Արմինե Սողոմոնյան / դաշնամուր/, Լուսինե Կարապետյան /դաշնամուր /, Գոռ Գրիգորյան /ուդ/, Բարսեղ Հարությունյան / խեցեգործություն/, Արթուր Հովհաննիսյան / քանդակ/, Արման Թորոսյան /խեցեգործություն:
Նշանավոր սաներ. Էլեն Բարսեղյան, Հովհաննես Զիրոյան, Տիգրան Ոսկանյան:

Տնօրենի ժ/պ՝ Վահան Գալստյան

Հասցե՝ Դավթաշեն 4-րդ թաղամաս, 50/8

Հեռ՝ +(374 10)369 680
Էլ. հասցե՝ t.artschool@gmail.com

Մինաս Ավետիսյանի անվան կերպարվեստի դպրոցը յուրահատուկ հաստատություն է, որտեղ պատանիները բացի կերպարվեստի դասական տեսակներից կարող են ուսումնասիրել, կրկնօրինակել և վերաներկայացնել միջնադարյան հայ մանրանկարչության լավագույն ծաղկողների աշխատանքները, զբաղվել լինոտպագրությամբ և ճամփորդել արվեստի պատմության լավագույն ժամանակներում: Դպրոցի պատերից դուրս աշակերտները հնարավորություն ունեն գործնական դասեր անցկացնել բնության գրկում, թանգարաններում, հանդիպումներ ունենալ ժամանակակից ստեղծագործողների և նրանց աշխատանքների հետ: Բացի դասական մեթոդներից ուսուցման պրոցեսը համալրված է նաև տեսանյութերի, տեսաշարերի միջոցով նյութի ուսումնասիրմամբ: Դպրոցը հարուստ է գրադարանով, որի միջոցով փորձ է արվում աշակերտներին հաղորդակից դարձնել համաշխարհային մշակույթին և նրա ներկայացուցիչներին:

Քանաքեռ-Զեյթուն համայնքում 2005 թվականից դպրոցն իր հաստատուն գործունեությունն է ծավալում և տարեցտարի ավելացնում   աշակերտների թիվը, որոնք հաջորդիվ դառնում են Հայաստանում հայտնի կերպաարվեստի քոլեջների և ԲՈւՀ-երի առաջատար ուսանողները: Այժմ դպրոցում ուսանում է  շուրջ 70 աշակերտ:
Մեր ուսուցչական անձնակազմը համալրված է Հայաստանի լավագույն մանկավարժ-նկարիչներով, որոնց շնորհիվ և դպրոցի տնօրեն՝ Հովհաննես Մեծ-Գևորգյանի աջակցությամբ սահուն ընթացք է ստանում ուսումնական պրոցեսը և աճ գրանցում ժամանակի ընթացքում:

Տնօրեն՝ Հովհաննես Մեծ-Գևորգյան

Հասցե 0069, Երևան Դրոյի փող., 21ա շենք
Հեռ.՝ +374-10-297 223
Աշխատանքային օրեր և ժամեր՝ երկուշաբթիից շաբաթ 10:00 ից 19:00

Էլ-հասցե՝ minasschool@mail.ru
Ֆեյսբուքյան էջ՝ Minas Avetisyani anvan Kerparvesti Dproc