1998թ. համայնքային 5 գրադարանների վերամիավորումից ստեղծվել է Աջափնյակ վարչական շրջանի գրադարանների կենտրոնացված համակարգը: 2021թ. Երևան քաղաքի ավագանու թիվ 405-Ա որոշմամբ ԳԿՀ-ն անվանակոչվել է Շառլ Ազնավուրի անունով: Ներկայումս գրադարանն ունի երեք մասնաճյուղ:

Տնօրեն՝ Արմինե Պետրոսյան
Աշխատանքային օրեր և ժամեր՝ երկուշաբթիից ուրբաթ՝ ժամը 9։00-17։00, անձը հաստատող փաստաթղթով։

Հասցե՝ Կենտրոն գրադարան՝ Մարգարյան փողոց. 1-ին նրբ., 11 շենք,
Թիվ 1 մասնաճյուղ՝ Մարգարյան փողոց, 35 շենք,
Թիվ 2 մասնաճյուղ` Սիլիկյան թաղամաս (3-րդ գյուղ), 10-րդ փողոց,
Թիվ 3 մասնաճյուղ` Նորաշեն, 2-րդ շենք (16 թաղամաս):

Հեռախոս՝ (+374 11)554 560
էլ. փոստ՝ gkh.ajapnyak@gmail.com
Կայք՝ https://gkhajapnyak.wixsite.com/gkh-ajapnyak

Նոր Նորք վարչական շրջանի Կենտրոնական գրադարանն արդեն 18 տարեկան է: Այն ստեղծվել է նախկին մանկական գրադարանների միավորման արդյունքում: Ունենալով 110 000 միավորից ավելի գրականություն՝ գրադարանն այսօր համարվում է վարչական շրջանի մշակութային կարևոր օջախներից մեկը: 16 տարվա պատմություն ունի Կենտրոնական գրադարանի գրական ստուդիան, որը ղեկավարում է լրագրող, բանաստեղծ Յուրի Արտավազդի Սահակյանը: Անցած տարիներին գրական ստուդիայի նախաձեռնությամբ գրադարանում տպագրվել են 8 ժողովածուներ՝ Լուսաբաց խորագրով, 2-ը՝ մանկական (տեղ են գտել 70 պատանի հեղինակներ) և թաղաբնակ ստեղծագործողների 5 ժողովածուներ: Գրադարանն ունի 9 000 ընթերցող, որոնց թվում ՝ աշակերտներ , ուսանողներ, թոշակառուներ և այլն: Այժմ հրատարակման գործընթացի մեջ է գտնվում «Լուսաբաց» մատենաշարի մանկական 3-րդ ժողովածուն, որտեղ կտպագրվեն Նոր Նորք վարչական շրջանի դպրոցների աշակերտների ստեղծագործությունները /խմբագիր Ռաֆայել Սերենց/: Կենտրոնական գրադարանում տարիներ շարունակ գործում է պատանի պատմագետների ակումբ (ղեկավար՝ Արայիկ Հակոբյան), գրական ստուդիա, նկարչական ստուդիա (Սաթենիկ Հովհաննիսյան), ասմունքի և պարի խմբակներ: Հարկ  է  նշել    մտավորականների (Հ.Կարճիկյան, Հրանտ  Թաթոս, Լևոն  Բլբուլյան, Վասիլ Հարությունյան, նկարիչ  Սերխաչ, Ցոլակ  Կանթեղ, Յու. Սահակյան, Արևշատ  Ավագյան և այլն)   և  համայնքի  ղեկավարի  մշտական  հանդիպումների մասին, որոնք  անց  են  կացվում   գրադարանում:

Կենտրոնական  գրադարանը բաղկացած է ետևյալ բաժիններից 1. Ընթերցասրահ, 2. սպասարկման  բաժին, 3. զանգվածային   միջոցառումների  բաժին, 4. գրացուցակների  բաժին: Ունի 5 մասնաճյուղ, խմբակներ (նկարչության, ասմունքի, պարի, մաթեմատիկայի  և տրամաբանական  խնդիրների, գրական  ստուդիա, պատանի պատմագետների  ակումբ):            

Գրադարանը  հիմնանորոգվել  է 2014թ.՝   Երևանի  զարգացման  ծրագրով:Այժմ  վերանորոգման  փուլում  է  թիվ 5 մասնաճյուղը: Բացվել է պարսկական անկյուն և զարգացման ընթացքի մեջ է Ֆրանկոֆոնիայի կենտրոնը: Գրադարանը  սերտորեն  համագործակցում  է ոչ  միայն այն դպրոցների  հետ , որտեղ  տեղակայված են 4 գրադարան-տարացքակետերը , այլ նաև  վարչական շրջանի  բոլոր  ավագ և հիմնական դպրոցների հետ: Հատկապես  սերտ է համագործակցությունը  մշակույթի   կենտրոնի , Ս. Ասլամազյանի  երաժշտական  դպրոցի , Հ. Դանիելյանի      անվան  արվեստի  դպրոցի  և  մանկապարտեզների  հետ: Մեծ  է  գրադարանի  համագործակցությունը  նաև   մի շարք   հրատարակչությունների  հետ («Տիգրան Մեծ»,  «Արտագերս» , «Նոր Դար» , «Ոսկան  Երևանցի» , «Էդիտ Պրինտ» և  «Զանգակ») , որոնք  սիրով  օգնում  են գրադարանի  գրական  ֆոնդը  հարստացնելու  գործում: Մեծ  է համագործակցությունը  Ազգային  գրադարանի, Խնկո  Ապոր  մանկական  գրադարանի ,   Իսահակյանի և  մյուս  վարչական   շրջանների  գրադարանների   հետ: Գրադարանը  հագեցած  է ժամանակակից    տեխնիկայով:

Գրքային  ֆոնդը  կազմում  է  110000 միավոր  գրականություն:

Տնօրեն՝   Նազենի  Արզումանյան

Աշխատանքային օրեր և ժամեր՝ երկուշաբթի-ուրբաթ, 09:00-17:00

Հասցե՝ Ֆ. Նանսենի 20

Հեռ.՝ +(374 10) 647 198

 Գրադարանը հիմնադրվել է 1970-ական թթ. Աջափնյակ շրջանի թիվ 11 մշակույթի տանը, 1980թ.: Նրա մյուս մասնաճյուղը բացվում է Շենգավիթ վարչական շրջանի Չարբախի տարածքում: 1984թ. Գրադարանը տեղափոխվում է Չեխովի 52 հասցե, գրադարանին հատկացված  220քմ տարածքով տիպային շենք: 1996թ. Գրադարանին վերամիավորվում է նաև Չարբախում գործող հ.11 գրադարան-մասնաճյուղը՝ իր գույքով և աշխատակիցներով: 2007թ. Գրադարանի տանիքը հիմնանորոգելու պատճառով,այն տեղափոխվում է  ՊՍԿ, որտեղ էլ գործում է  մինչ այժմ:Գրադարանը  սպասարկում է ինչպես վարչական շրջանի, այնպես էլ մյուս համայնքների  ազգաբնակչությանը: Գրադարանի հիմնական նպատակն էմասսայական միջոցառումների, գրքային ցուցահանդեսների, գրքային քննարկումների, բաց դասերի միջոցով, գրադարաններ ներգրավել առավել ընթերցողներ և հետաքրքիր դարձնել նրանց ազատ ժամանակը, ծանոթացնել գրադարանում առկա նոր գրականությանը և նոր գրողների ստեղծագործություններին: Գրադարանում գործում է ասմունքի, թատերական, կազմարարների խմբակները: Գրադարանում կա համակարգիչ,  ինտերնետ կապ, որն ավելի հեշտ և արդյունավետ է դարձնում կատարվող աշխատանքները: Գրադարանի գործունեությունը արդյունավետ դարձնելու համար, խիստ անհրաժեշտ է գրադարանային պայմանների բարելավում, հիմնանորոգում, գրադարանային տարածքի ընդլայնում, քանի որ առկա 32597 կտոր գրականությունը հնարավոր չէ տեղավորել 88քմ. տարածքում, մաշված գրադարակների վրա:  Գրադարանում  09.06.15թ. դրությամբ առկա գրքային ֆոնդը կազմում է 32597 կտոր՝ հայերեն, ռուսերեն ,անգլերեն լեզուներով: Տարվա ընթացքում պարբերաբար համալրվում է ,թե վարչական շրջանի ֆինանսավորմամբ, թե  քաղաքապետարանի նվիրատվությամբ և թե ընթերցողների կողմից նվիրատվությամբ:

Տնօրեն՝ Սուսաննա Չիբուխչյան 
Աշխատանքային օրեր և ժամեր՝ ամեն օր, 10:00-18:00
Հասցե՝ Բագրատունյաց 5 
Հեռ.՝ +(374 10) 420 148

«Ինձ համար ամբողջ կյանքում գրադարանը եղել է երկրորդ հայրենի տունը, իսկ օտարության մեջ, մանավանդ Վենետիկում, առաջինը: Այն փաստը, որ իմ անունն է կրում քաղաքի առաջին մասսայական գրադարանը, անչափ ուրախացնում է ինձ: Ես միշտ գիրքը սրբություն եմ համարել, գրադարանը` յուրատեսակ սրբավայր: Ես կանեմ ամեն ինչ, որ Ձեր այս հրաշալի գրադարանում մշտապես զգացվի հայ բազմադարյան գրականության շունչը:
Ձեր գրադարանին մաղթում եմ երկար ու բարի ուղի, թող այն լինի հավիտյան, ինչպես որ հավիտյան է գիրքը»:
Ավ. Իսահակյան

1935թ. օգոստոսի 15-ին Երևանում, Ամիրյան 26 հասցեում բացվեց հանրային առաջին գրադարանը: 
1938թ. բացվեց գրադարանի ընթերցասրահը: Ընթերցողների թիվը հասնում էր 1100-ի:
1955թ. գրադարանն անվանակոչվեց Ավ. Իսահակյանի անունով` Վարպետի ծննդյան 80-ամյակի կապակցությամբ:
1964թ. գրադարանում ստեղծվեց Կուլտուրայի ժողովրդական համալսարան` 4 ֆակուլտետով:
1979թ. Երքաղխորհրդի գործկոմի մայիսի 16-ի որոշմամբ զանգվածային գրադարանների հենքով ստեղծվեց Երևանի մեծահասակներին սպասարկող գրադարանների կենտրոնացված համակարգը` ԳԿՀ, որի կենտրոնական գրադարանը դարձավ Ավետիք Իսահակյանի անվան գրադրանը: Նրա ենթակայությամբ կար 47 գրադարան-մասնաճյուղ:
1993թ. բացվեցին գրադարանի արվեստի, մամուլի, օտար լեզվի և տեխնիկական գրականության բաժինները:
1993թ. Գրադարանում բացվեց Ավ. Իսահակյանի անվան հանդիսությունների դահլիճը: 
1993թ.-ից Ավ. Իսահակյանի ծննդյան տարելիցի առթիվ պարբերաբար կազմակերպվում են «Պատանի և երիտասարդ ստեղծագործողների և կատարողների» հանրապետական մրցույթ-փառատոներ:
1995թ. Երքաղխորհրդի գործկոմի դեկտեմբերի 22-ի որոշմամբ միավորվեցին մեծահասակներին /ԳԿՀ/ և մանուկներին /ՄԳԿՀ/ սպասարկող գրադարանների կենտրոնացված համակարգերը, և Ավ. Իսահակյանի անվան գրադարանը դարձավ միավորված համակարգի կենտրոնական գրադարան:
1998թ. Երևանի քաղաքապետարանի հոկտեմբերի 27-ի որոշմամբ գրադարանը դարձավ համայնքային գրադարանների համար մեթոդ-մատենագիտական համակարգող կենտրոն: 
2000թ. Հրատարակվեց գրադարանում գործող «Բողբոջներ» գրական ստուդիայի սաների ստեղծագործությունների գրքույկը`«Առաջին ծիլեր» խորագրով:
2000 թվականից «Նախաբեմ» կրթամշակութային ասոցիացիայի հետ համատեղ կազմակերպում է «Նռան հատիկ» հանրապետական մանկապատանեկան թատերական փառատոնը:
2001թ.-ից գրադարանը դառնում է «Հայաստանի գրադարանների կոնսորցիումի» հիմնադիր անդամներից մեկը: 
2002թ.-ից իրականացվում է «Ազգային գրադարանային շաբաթ» միջոցառումների շարքը:
2002թ. ՀՀ կառավարության նոյեմբերի 28-ի որոշմամբ Ավ. Իսահակյանի անվան գրադարանը վերակազմակերպվեց «Ավետիք Իսահակյանի անվան ԿԳ» ՊՈԱԿ-ի` 7 գրադարան-մասնաճյուղերով:

2004թ.-ից գրադարանը դարձել է «Հայկական միացյալ գրադարանային ավտոմատացված ցանց» ծրագրի մասնակից: 
2005թ. ապրիլին առաջին անգամ Հայաստանում հիմնադրվեց «Ամերիկյան անկյունը»` ՀՀ-ում ԱՄՆ դեսպանատան աջակցությամբ: Այն հագեցած է տեղեկատվական ժամանակակից սարքավորումներով, որոնցով գրադարանի ընթերցողներն անվճար օգտվում են համացանցային ծառայությունից: «ԱԱ»-ն պարբերաբար համալրվում է նոր գրականությամբ և ապահովված է էլեկտրոնային պարբերականների և այլնի բաժանորդագրությամբ: 
2005թ.-ից գրադարանում ամեն շաբաթ կազմակերպվում է գեղարվեստական և մանկական ֆիլմերի անվճար ցուցադրություն:
2005թ. հրատարակվեց գրադարանում գործող «Բողբոջներ» գրական ստուդիայի սաների ստեղծագործությունների երկրորդ գրքույկը` «Առաջին ծիլեր» խորագրով:
2005-ից գրադարանում սկսեց գործել մանկական թատերական ստուդիան, որը բազմիցս մասնակցել է «Նռան Հատիկ» հանրապետական մանկապատանեկան, «Թատերական Լոռի», «Հայ-ֆեստ» թատերական փառատոներին:
2008թ. ապրիլին ՀՀ-ում գործող «Բրիտանական խորհրդի» աջակցությամբ կենտրոնական գրադարանում բացվեց «Բրիտանական կենտրոնը», որը ևս մատուցում է համացանցային անվճար ծառաություններ:
2009թ. Երևանի քաղաքապետի 2009 թ. սեպտեմբերի 7-ի թիվ 8141-Ա որոշմամբ «Ա. Իսահակյանի անվան ԿԳ» ՊՈԱԿ-ը վերակազմակերպվեց «Ա. Իսահակյանի անվան ԿԳ» ՀՈԱԿ-ի` 7 մասնաճյուղերով:
2010թ. գրադարանի Բաղրամյան 20 հասցեում գտնվող թիվ 21 մասնաճյուղում բացվեց «Ասիական անկյուն»` ՀՀ-ում Հնդկաստանի, Չինաստանի, Լիբանանի և Ղազախստանի դեսպանատների աջակցությամբ:

2010թ. հրատարակվեց գրադարանում գործող «Բողբոջներ» գրական ստուդիայի սաների ստեղծագործությունների երրորդ գրքույկը` «Առաջին ծիլեր» խորագրով:
2011թ. մայիսին Ավ. Իսահակյանի անվան Կենտրոնական գրադարանում բացվեց Հայաստանում համացանցային առաջին սրճարանը` Wi-Fi հնարավորությամբ: 
2011թ. դեկտեմբերին ԿԳ-ն ՀՀ-ում առաջինը ավարտվեց ֆոնդերի մուտքագրումը՝ «Ալեֆ» ծրագրով: 
2011թ. ներդրվել է էլէկտրոնային գրադարանների «ԷԼԳՐԱԴ» համակարգը` 2 ենթահամակարգերով:
2012թ. ապրիլի 20-ին ԿԳ-ում բացվեցին «Իսահակյան» գրախանութը և «Գրքի պուրակը»:
2012թ. մայիսի 23-ին ՀՀ նախագահ Սերժ Սարգսյանի հրամանագրով Հայ գրատպության 500-ամյակի կապակցությամբ, գրականության և գրահրատարակչական գործի բնագավառում վաստակի համար «Ավ. Իսահակյանի անվան ԿԳ» ՀՈԱԿ-ի տնօրեն Հասմիկ Կարապետյանին շնորհվեց ՀՀ մշակույթի վաստակավոր գործչի կոչում:
2012թ.հուլիս. ԿԳ-ի արվեստի գրականության բաժնում /հասցե՝ Մոսկովյան 31/184 / բացվեց ԿԳ «Իսահակյան» գրախանութի մասնաճյուղը:
2012թ. սեպտեմբեր. ԿԳ-ում սկսվեց /ՀՀ-ում հանրային գրադարաններից առաջինը/ ընթերցողների էլեկտրոնային սպասարկում և իրականացվեց գրադարանային գործառույթների ավտոմատացում:
2012թ. հոկտեմբեր. «ՏԱՇԻՐ» բարեգործական հիմնադրամը ԿԳ-ին նվիրաբերեց 25 միավոր համակարգչային նորագույն տեխնիկա:
2012թ. դեկտեմբեր. Երևանի քաղաքապետարանի աջակցությամբ ՀՈԱԿ-ի բոլոր գրադարան-մասնաճյուղերում տեղադրվել են Wi-Fi հնարավորությամբ ցանցեր, ներդրվում է ընթերցողների էլեկտրոնային սպասարկման ծրագիրը :
2013թ. ԿԳ-ում բացվելու է «Ֆրանսիական կենտրոն»:
2013թ. հունվար. ԿԳ-ում իրականացվելու են «Ոսկե շղթա»-1 և «Ոսկե շղթա»-2 ծրագրերը, որոնք ընթերցողին հնարավորություն կտան թվային տարբերակով ընթերցելու որոշակի ցանկով գրականություն և «Արև» ծրագիրը, որը հնարավորություն կտա տեսողական խնդիրներով ընթերցողներին օգտվելու համացանցից;
Հատուկ ծրագրով գրադարանի յուրաքանչյուր ընթերցող մուտք կունենա գրադարանի էլեկտրոնային տիրույթ, որը հնարավորություն կտա նրան տանն ընթերցելու կամ պատվիրելու անհրաժեշտ գրականությունը:

Գրադարան-մասնաճյուղեր

• Թիվ 15` Սայաթ-Նովա 37
• Թիվ 21` Բաղրամյան 20
• Թիվ 27` Նորքի 5-րդ փողոց, 65 ԱՀԿ շենք
• Թիվ 28` Մամիկոնյանց 21
• Թիվ 29` Կոմիտաս 6
• Թիվ 33` Կիևյան 1
• Թիվ 36` Ն. Զարյան 19

Տնօրեն` Հասմիկ Կարապետյան

Հասցե` Նալբանդյան 4/1
Հեռ.` +(374 10) 589 610
Կայք` www.americancorners.am

ՀՈԱԿ-ը ստեղծվել է 1947թ.:
1972 թվականից գրադարանը գտնվում է Իսակովի 4 հասցեում: Գրադարանն ունի երկու գրապահոց, մեկ ընթերցասրահ և սպասարկման բաժին:
Թիվ 22 գրադարանի հիմնական գործունեություններից է՝ ընթերցողների հետ տանել մատենագիտական աշխատանքներ, ծանոթացնել գրադարան մուտք գործած գրականության հետ, կազմակերպել տարբեր միջոցառումներ նախադպրոցական և դպրոցական տարիքի երեխաների հետ: Բազմիցս կազմակերպվել է հանդիպում գրողների հետ:
2014 թվականին գրադարանը հիմնանորոգվել է Երևանի քաղաքապետարանի կողմից:
2014 թվականին գրադարանի գրքային ֆոնդը կացմել է 39489, սակայն այս տարի նվիրատվության կարգով ստացել է 119 կտոր գիրք:
2015 թվականի տարեսկզբին գրադարանի գրքային ֆոնդը կազմում էր 39489 միավոր, իսկ հետագայում նվիրատվության և գրականության ձեռքբերման շնորհիվ այն համալրվեց 827 կտորով:
2016 թվականի սկզբին գրքային ֆոնդը կազմել է 40316 միավոր:
2019 թվականի վերջին գրքային ֆոնդը կազմել է 40650 միավոր:
2019 թվականի ընթացքում գրադարանը նվիրատվության կարգով ստացել է 334 կտոր գիրք: Անցկացվել է կրթամշակութային 17 միջոցառում:

Տնօրենի ժ/պ՝ Հասմիկ Գևորգյան 
Աշխատանքային օրեր և ժամեր՝ երկուշաբթի-ուրբաթ, 10:00-17:00
Հասցե՝ Իսակովի 4
Հեռ.՝ +(374 10) 564 198

1960թ. Ավան գյուղական ակումբին կից ստեղծվել է գրադարանը՝ 1100 կտոր գրքերով: Այնուհետև 1968թ. առանձնանալով ունեցավ փոքրիկ մի տարածք՝ ոչ այնքան բարելավ պայմաններով, որը գործեց 17 տարի: 1985թ. քաղաքապետարանը գրադարանին տրամադրեց հարմարավետ մի վայր, որը դարձավ Իսահակյանի ենթակառույցը, համալրվեց գրքերով և հաստատապես շարունակեց իր գործունեությունը:

2006թ. Ավան համայնքի թաղապետ Տ. Մարգարյանի, ինչպես նաև ավագանու որոշման համաձայն գրադարանը դարձավ առանձին կառույց՝ ունենալով նոր տարածք՝ 1012, նոր հասցե՝ Խուդյակով 214, և առանձին բյուջե:

2014թ. մայիսին գրադարանը հանձնվեց վերանորոգման: Վերանորոգումից հետո այն դարձավ ավելի բարեկարգ՝ ունեցավ առաձին ջեռուցման համակարգ, գրքերի համար նախատեսված կահույք, համակարգիչ, լուսավոր և գեղեցիկ կահավորված ընթերցասրահ:

Գրադարանը մշտապես գտնվում է Ավան վարչական շրջանի ղեկավարի ուշադրության կենտրոնում, նրա աջակցությամբ ևս ձեռք են բերվում նոր պահանջարկ ունեցող գրքեր: Գրադարանը հագեցած է լինում բազմապիսի մշակութային միջոցառումներով՝ հանդիպումներ գրողների, բանաստեղծների, հոգեբանների հետ:

Գրադարանը բաղկացած է 12 բաժիններից` գեղարվեստական, հոգեբանական, տնտեսագիտական, բժշկական, մանկավարժական, բնական գիտություններ, տեխնիկա, սոցիոլոգիա, պատմություն, արվեստ, մշակույթ, փիլիսոփայություն: Գրադարանի վերջին տարիների ձեռքբերումները օտար լեզուների անվճար խմբակների ստեղծումն ու ուսուցումն է, գրքասերների ակումբ ստեղծելն է, որտեղ իրականացվում են հետաքրքրի և սուր քննարկումներ ուսանողների հետ: 2014թ. գրադարանը հիմնովին վերանորոգված հանձնվեց շահագործման: Համագործակցում է դպրոցների, մանկապարտեզների, ՀՈԱԿ-ների , ինչպես նաև Ե. Չարենցի, Հ. Թումանյանի թանգարանների հետ: Նոր նախագծերից են` ստեղծել ասմունքի խմբակ գրադարանի ներքո և սերտ համագործակցել մյուս համայնքային գրադարանների հետ, նաև հիմնական նպատակն է նոր տեխնոլոգիաների ձեռք բերումը:
Գրադարանի ընդհանուր գրքային ֆոնդի քանակը կազմում է` 24907 կտոր գիրք, այս տարի համալրվել է 250 կտոր գրքերով` Ավան վարչական շրջանի ղեկավարի կողմից ս.թ. փետրվար ամսին գիրք նվիրելու տոնի կապակցությամբ:

Գրքային ֆոնդը համալրվել է նաև մայիս ամսին «Էդիթ- Պրինտ» հրատարակչությունից:

Տնօրեն` Գայանե Զիրոյան

Աշխատանքային օրեր և ժամեր՝ երկուշաբթի-շաբաթ, 09:00-18:00

Հասցե՝ Խուդյակով 214

Հեռ.՝ +(374 10) 614 562

«Թիվ 5 գրադարան» ՀՈԱԿ-ը հիմնադրվել է 1950թ-ին և ժամանակավորապես գործել է Նար-Դոսի անվան թիվ 33 միջնակարգ դպրոցում ՝ կոչվելով «թիվ 3 մանկական գրադարան»:

1970թ.-ից «թիվ 3 մանկական գրադարանը» շարունակել է իր գործունեությունը Սունդուկյան 26 հասցեում, որտեղ էլ մինչև օրս գործում է:

1973-ից գրադարանը դարձել է մանկական գրադարանային կենտրոնացված համակարգի «թիվ 5 գրադարան» մասնաճյուղ: 1997թ.-ին գրադարանն անցել է Արաբկիրի թաղապետարանի ենթակայության:

2009թ.-ին վերակազմավորման և վերակազմակերպման արդյունքում գրադարանը վերանվանվել է և դարձել «թիվ 5 դրադարան» ՀՈԱԿ:
Գրադարանի գործունեության հիմնական առարկան մշակութային գործունեությունն է. բնակչության գրադարանային-տեղեկատվական սպասարկման իրականացումն է, իսկ նպատակը՝ բնակչության գեղագիտական դաստիարակության ապահովելն է, կրթական համակարգի գործունեությանն օժանդակելը:
Գրադարանում գործում է "Գրքասեր" գրական խմբակը, որի անդամնեը գրադարանի ընթերցողներն են: Խմբակը պարբերաբար կազմակերպում է հանդիպումներ գրողների հետ, գրքի քննարկումներ, զրույցներ և բանավեճեր:

2012թ.-ից Երևանի քաղաքապետարանի աջակցությամբ գրադարանային ֆոնդը համալրվում է նոր գրականությամբ:
Գրքային ֆոնդը 2015թ.-ի վերջին կազմել է 31767 կտոր: Տարվա ընթացքում սպասարկում է մոտ 1800 ընթերցողի:

Տնօրեն` Սուսաննա Ֆարմանյան

Աշխատանքային օրեր և ժամեր՝ երկուշաբթի-շաբաթ, 09:00-17:00

Հասցե՝ Սունդուկյան 26

Հեռ.՝ +(374 10) 260 470

Արաբկիր վարչական շրջանի թիվ 6 գրադարանը հիմնվել է 1976թ. զբաղեցնում է 175 քմ տարածք:

Բաժիններ, խմբակներ չունի, նորոգված է: Նախատեսվում է կազմակերպել համակարգչային անվճար դասընթացներ, գրադարանը դարձնել մշակութային կենտրոն, հնարավորության սահմաններում համագործակցել այլ երկրների գրադարանների հետ:

Գրադարանում առկա է 22826 կտոր գրականություն, որից 110 կտորը ստացվել է 2015թ. ապրիլին Իսահակյանի անվան գրադարանից:

Տնօրեն` Լիանա Ավետիսյան

Աշխատանքային օրեր և ժամեր՝ երկուշաբթի-շաբաթ, 09:00-18:00

Հասցե՝ Քանաքեռ Հէկ 4/1

Հեռ.՝ +(374 10) 232 518

Դավթաշեն վարչական շրջանի թիվ 40 գրադարանը հիմնադրվել է 1996թ. մայիսի 3-ին քաղաքապետ Ա. Արզումանյանի որոշմամբ:
Թիվ 29-3.2 որոշման համաձայն միավորվեցին Թումանյանի անվան (Նալբանդյան փողոց հ. 50) և հ.2 (Մաշտոցի պողոտա 1) գրադարան մասնաճյուղերը և ստեղծվեց Դավթաշեն գրադարան մասնաճյուղը` 6000 կտոր հայերեն և 16000 կտոր ռուսերեն գրականությամբ:

2000թ. գրադարանը համալրվեց Սարի Թաղի թիվ 6 լուծարված գրադարանի մոտ 8000 կտոր հայերեն և 9000 կտոր ռուսերեն գրականությամբ, և գրադարանի ֆոնդը կազմեց 14000 կտոր հայերեն և 25000 կտոր ռուսերեն գրականություն:

2004թ.-ից առ այսօր գրադարանը տարեցտարի համալրվել է հայերեն, ռուսերեն և անգլերեն գրքերով: Շատ են եղել նաև նվիրատվություններ՝ Երևանի քաղաքապետարանից, Ամերիկյան համալսարանից, Մանկավարժական համալսարանից, Իսահակյանի անվան գրադարանից, Անտարես հրատարակչությունից, ինչպես նաև՝ անհատական նվիրատվություններ:

Գրադարանն ունի 1408 ընթերցող, ունի նաև համակարգչային բաժին, որից օգտվում են ընթերցողները, և յուրաքանչյուր ընթերցող ունի իր էլեկտրոնային քարտը:
Գրադարանում գործում են «Գլոբուս», «Ֆոլկլոր», «Ֆորսա» ինտելեկտուալ խմբակները, ինչպես նաև՝ «Ամառային ընթերցասեր» խմբակը:

Գրադարանը համագործակցում է Դավթաշեն վարչական շրջանի բոլոր դպրոցների և որոշ մարզերի դպրոցների հետ: Գրադարանը հիմնանորոգվել է Երևանի քաղաքապետարանի միջոցներով` շինարարության և բարեկարգման վարչության,«Հազարաշեն» ՍՊԸ-ի կողմից:

Գրադարանը 1996թ. համալրվել է 6000 կտոր հայերեն և 16000 կտոր ռուսերեն գրականությամբ:

2000թ. համալրվել է 8000 կտոր հայերեն և 9000 կտոր ռուսերեն գրականությամբ, 2004թ.-ից առ այսօր համալրվել է 20679 հայերեն , 27247 ռուսերեն և 375 կտոր անգլերեն գրականությամբ` ընդամենը 47606 կտոր:

2004թ. առ այսօր համալրվել է 20679 հայերեն , 27247 ռուսերեն և 375 կտոր անգլերեն գրականությամբ` ընդամենը 47606 կտոր
2015թ. համալրվել է 1288 կտոր գրականությամբ, որից 1207 հայերեն, 20 ռուսերեն ,61 անգլերեն

Տնօրեն` Իրինա Նուրիջանյան
Աշխատանքային օրեր և ժամեր՝ երկուշաբթի-ուրբաթ, 09:00-17:00
Հասցե՝ Դավթաշեն 4-րդ թաղամաս
Հեռ.՝ +(374 10) 361 593

Ներկայիս Օքրո Օքրոյանի անվան թիվ 3 գրադարանը գտնվում է Էրեբունի վարչական շրջանում: Հիմնադրվել է 1937թ. նոյեմբերի 15-ին: Սկզբում տեղակայված է եղել Հոկտեմբերյան (այժմ` Տիգրան Մեծի) պողոտայի N 1 շենքի նկուղային հարկում: 1957թ. տեղափոխվել է նույն պողոտայի N 59 շենքի 1-ին հարկ և մինչ օրս այդտեղ է գտնվում:

Հայաստանի կառավարության 1997թ.-ի մարտի 1-ի որոշմամբ` գրադարանը թաղային համայնքի սեփականությունն է: 2000թ.-ի հունիսի 7-ի թիվ 41 որոշմամբ` Էրեբունի համայնքի թիվ 3 գրադարանը անվանակոչվեց գրող, դրամատուրգ Գարեգին Բեսի անվամբ:
2004թ այն վերանվանվեց վիրահայ բանաստեղծ, բարերար Օքրո Օքրոյանի անունով:

Գրադարանի առաջին հիմնադիր վարիչը եղել է Աշխեն Ջավահիրյանը՝1937թ.-ին:
1951-1976թթ.-ին գրադարանը ղեկավարել է հին կոմունիստ Մարգո Եղոյանը:
1976-1980թթ.-ին գրադարանի վարիչ է աշխատել նույն գրադարանի աշխատակից Անուշ Սարգսյանը:
1980-2011թթ.-ին գրադարանի վարիչ է եղել Սուսաննա Ստեփանյանը:
2011-2013թթ.-ին գրադարանի վարիչ է եղել Գայանե Բոյախչյանը:
2013թ-ից առ այսօր գրադարանի վարիչ է Սյուզաննա Կարապետյանը:

Իր բազմամյա գործունեության ընթացքում` գրադարանը ունեցել է բազմաթիվ հայտնի հյուրեր, գրողներ:
Այդ թվում՝ Ա.Սահակյանը, Հովհ.Շիրազը, Վ.Արամյանը, Ս.Խանզադյանը, Հ.Մելքոնյանը, Ռ.Կարայանը, հումորիստ Ա.Սարգսյանը, ասմունքող Վ.Աբաջյանը, պատմաբան Մանուկյանը, Կարճիկյանը, բանասիրական գիտությունների դոկտոր պրոֆեսոր Ս.Մուրադյանը, Հ.Խաչատրյանը, Լ.Սարգսյանը, դերասան Երվ.Մանարյանը, նկարիչ Ռուխիկյանի դուստրերը, Ռ.Դավոյանը, Ա.Ղազարյանը, Ե.Պետրոսյանը և այլ ներկայիս գրողներ:

Գրադարանի հաջողությունների խթանիչ ուժը եղել է նրա կոլեկտիվի և ինչու չէ, նաև ակտիվ ընթերցողների հաճախումը: Ընթերցողի կապը կոլեկտիվի և գրադարանի հետ սերտ է և մինչ օրս շարունակվում է:

2013թ-ից սկսած` գրադարանի տնօրինությունը համագործակցություն է սկսել Էրեբունի վարչական շրջանի դպրոցների, մանկապարտեզների, ԵԹԱ պետական քոլեջի, Չուխաջյանի անվան երաժշտական դպրոցի և Մանկապատանեկան ստեղծագործական կենտրոնի հետ:
Պարբերաբար տեղի են ունենում հանդիպումներ ներկայիս գրողների հետ: Շաբաթական մեկ անգամ լինում է 《Մանկական ժամ》, որը անցկացնում է մանկական բաժնի աշխատակիցը, կամ մանկագիրներ, ովքեր սիրով ներկայացնում են իրենց իսկ հեքիաթները փոքրիկներին:
Գրադարանը համագործակցում է նաև մանկական ամսագրերի հետ` հնարավորություն տալով ստեղծագործող ընթերցողների աշխատանքները ներկայացնել մասնագետների և տպագրել ամսագրերում: Ինչպես նաև պարբերաբար անց է կացվում շարադրությունների մրցույթ` որի արդյունքում` խմբագիրների ընտրությամբ առանձնացված աշխատանքները ևս տպագրվում են և խրախուսվում:
Գրադարանը նախատեսում է ունենալ ասմունքի և ընթերցանության խմբակ, որը արդեն իսկ սկզբնական փուլում է:

Գրադարանի գրքային ֆոնդը 51309 միավոր է, ընթերցողների քանակը` 2660, տացքը` 38439, աշխատողների քանակը` 5:
Գրադարանը զբաղեցնում է 500 քմ տարածք, ունի ընթերցասրահ` 100քմ տարածքով, տեղերի քանակը` 50:

Տնօրեն` Սյուզաննա Կարապետյան

Աշխատանքային օրեր և ժամեր՝ երկուշաբթի-շաբաթ, 09:00-17:00

Հասցե՝ Տիգրան Մեծի 59

Հեռ.՝ +(374 10) 553 529

Էրեբունի վարչական շրջանի թիվ 10 գրադարանը բացվել է 1956թ. երկաթգծի կայարանի շենքում՝ Երքաղսովետի ենթակայության տակ:

1974թ. գրադարանը տեղափոխվել է Նոր Արեշ 24 փողոց: 1979թ. ստեղծվել է գրադարանների կենտրոնացված համակարգ (ԳԿՀ): Գրադարանը գործել է ԳԿՀ-ի համակարգում:

1986թ. տեղափոխվել է Էրեբունի զանգված՝ նոր կառուցված շենք: 1997թ. ԳԿՀ-ից անջատվել է, անցել Էրեբունի վարչական շրջանի ենթակայության տակ, միաժամանակ միացել է հարևան շենքում գործող թիվ 12 մանկական գրադարանի հետ, դարձել միասին թիվ 10 գրադարան:
Գրադարանն այժմ գործում է 2 տարբեր շենքերում:

Էրեբունի վարչական շրջանի թիվ 10 գրադարանը սպասարկում է շրջակայքում գտնվող թիվ 160 և թիվ 178 դպրոցների աշակերտներին և բնակիչներին: Գրադարանում կա մանկական և մասնագիտական, գեղարվեստական գրականություն: Գործում է ասմունքի խմբակ: 

Էրեբունի վարչական շրջանի թիվ 10 գրադարանի գրքային ֆոնդը կազմում է 38182 կտոր գիրք: Վերջին համալրումը եղել է Ավ. Իսահակյան գրադարանից (թվով 93 կտոր) ս.թ. ապրիլին:

Տնօրեն՝ Մայրանուշ Միրզոյան

Աշխատանքային օրեր և ժամեր՝ երկուշաբթի-շաբաթ, 09:00-17:00

Հասցե՝ Խաղաղ Դոնի 13

Հեռ.՝ +(374 10) 471 031

Երևանի թիվ 11 գրադարանը հիմնադրվել է 1960 թ., գտնվում է հինգհարկանի շենքի առաջին հարկում՝ զբաղեցնելով 600 քմ տարածք: 

Գրադարանը ունի 3 բաժին, իսկ նկուղային հարկում՝ 7 պահոց: Գրադարանը ջեռուցվում է:
Կազմակերպվում են միջոցառումներ՝ հանդիպումներ գրողների հետ, գրքերի շնորհանդես, հեքիաթի ժամ երեխաների հետ, դպրոցականների այց գրադարան:

Գործում է հայոց լեզվի ուսուցման խմբակ:

2014թ. քաղաքապետարանի ծրագրով գրադարանը հիմանորոգվել է: Համագործակցում է վարչական շրջանի դպրոցների, մակապարտեզների, Էլ-Մար կինոստուդիայի, Երևանի մշակույթի պետական քոլեջի, պարային համույթների հետ:
Գրադարանն ի սկզբանե ունեցել է 80000 անուն գրականություն, 2011 և 2014 թթ. քաղաքապետարանի կողմից գրադարանի գրքային ֆոնդը համալրվել է: Կատարվել են բազմաթիվ նվիրատվություններ գրողների և գրադարանի ընթերցողների կողմից: Այժմ գրադարանի գրքային ֆոնդը կազմում է 80734 անուն գրականություն՝ այդ թվում մասնագիտական, գեղարվեստական, մանկական գրքեր՝ հայերեն, ռուսերեն և օտար լեզուներով:

Տնօրեն` Ն. Առաքելյան

Հասցե՝ Էրեբունի փ., 3-րդ շ.

Հեռ.՝ +(374 10) 430 491

Գրադարանը հիմնադրվել է թիվ 64 դպրոցի շենքում, 1951թ.-ին: 1957-1985թթ. գրադարանի վարիչ է աշխատել Աղաբաբյան Մանյան: Գրադարանը գտնվել է Վարդաշեն 6-րդ փ. 14 հասցեում: 1997թ.–ից գրադարանը Էրեբունի վարչական շրջանի ղեկավարի ենթակայության ներքո է: Ունի 5 աշխատող, շենքի մակերեսը 260քմ է:
Իրականացնում է գրադարանային տեղեկատվական սպասարկում: Գրադարանում գործում է «Պատանի բնասերի» խմբակը: ՈՒնենք պայմանագրեր՝ Հանրապետական համար 1 Հատուկ կրթահամալիրի և 64 հիմնական դպրոցների հետ երեխաներին և մանկավարժներին գրքերով ապահովելու մասին: Ունենք նորոգման և նոր տեխնոլոգիաների կարիք:
Գրքային ֆոնդը կազմում է առ 01.06 2015թ.-ը՝ 25396 կտոր գրականություն: Գրադարանը մշտապես համալրվում է նոր գրքերով:

Տնօրեն` Սուսաննա Մարտիրոսյան
Աշխատանքային օրեր և ժամեր՝ երկուշաբթի-ուրբաթ, 09:00-17:00
Հասցե՝ Վարդաշեն 3 փ., 2 շ.
Հեռ.՝ +(374 93) 473 567

Մալաթիա-Սեբաստիա «Գրադարանների համակարգ»ը ստեղծվել է 21.05.1997թ.-ին թիվ 20, 30 և 37 գրադարանների բազայի հիման վրա: 10.10.2007թ.-ին Մալաթիա-Սեբաստիա համայնքի ավագանու որոշմամբ համայնքի թիվ 169 և 215 մանկապարտեզ ՀՈԱԿ-ների տարածքներից անհատույց և անժամկետ օգտագործման իրավունքով համայնքի «Գրադարանների համակարգ»-ին տրամադրվեց թիվ  169 հ/ մանկապարտեզից 379.1քմ տարածք Կենտրոնական գրաարանին /Շերամի 75/,թիվ 215  հ/մանկապարտեզից թիվ 1 գրադարան-մասնաճյուղին 150քմ տարածք (Հաղթանակի 12 փ., 32շ.):

«Գրադարանային համակարգ» ՀՈԱԿ-ն ունի 2 գրադարան՝ Կենտրոնական գրադարան և թիվ 1 գրադարան-մասնաճյուղ: 

«Գրադարանային համակարգ»ՀՈԱԿ-ի Կենտրոնական գրադարանում գործում են հետևյալ բաժինները՝

 ա. մեծահասակների սպասարկման բաժին

 բ. մանուկների սպասարկման բաժին:

4. մատենագիտության և գրացուցակների բաժին

5. համալրման և մշակման բաժին:

Գրադարանում գործում են ասմունքի,օտար լեզվի /գերմաներեն/,« Գիտունիկներ» խմբակները և « Գրադարանի բարեկամների»ակումբը:

Ընթացքի մեջ են գրական,թատերական և «Մտավորականների խուրհուրդ» ստեղծելու աշխատանքները:Կենտրոնական գրադարանն ունի 1 համակարգիչ և 1 տպիչ սարք, համացանցային կապ:

01.05.2015թ.-ից սկսած կատարվում են հիմնանորոգման աշխատանքներ: Համագործակցում է վարչական շրջանի դպրոցների, մանկապարտեզների, մշակութային հիմնարկների, Գրողների միության և համայնքային գրադարանների հետ: «Մշակութային ուրբաթի» շրջանակներում կազմակերպվում են բազմաբնույթ միջոցառումներ: Գրադարանում գործում է «Հմուտ ձեռքեր» խմբակը: 2014թ.-ին կատարվել է հիմնանորոգում: «Գրադարանային համակարգ» ՀՈԱԿ-ի գրքային ֆոնդը 01.01.2015 թ.-ի դրությամբ կազմել է 68876 միավոր: Գրքային ֆոնդերի համալրումը կատարվել է նվիրատվությունների հաշվին:

Տնօրեն՝ Լենա Սարգսյան
Աշխատանքային օրեր և ժամեր՝ երկուշաբթի-ուրբաթ, 10:00-18:00
Հասցե՝ Շերամի 75
Հեռ.՝ +(374 10) 723 470

Թիվ 32 գրադարանի շենքը կառուցվել է դեռևս 1946թ.: Սկզբնական շրջանում այն եղել է մշակութային ակումբ շրջակա բնակչության համար: Հետագայում ակումբը վերածվել է գրադարանի, որն էլ գործում է մինչ օրս: Սկզբում գրադարանն ունեցել է մեկ ընդհանուր բաժին, իսկ 1980-ական թթ.-ից առանձնացվել են երկու բաժին՝ ընթերցարան և աբոնեմենտ: 1994թ-ին ստեղծվել է նաև մանկական բաժինը, որը իրականացրել է նախադպրոցական և դպրոցահասակ երեխաների սպասարկման և կրթման մակարդակի բարձրացման գործը՝ համագործակցելով դպրոցների և մանկապարտեզների հետ: Գործունեության ամբողջ ընթացքում գրադարանն ակտիվ մասնակցել է համայնքի մշակութային կյանքին՝ ապահովելով բնակչությանն անհրաժեշտ գրականությամբ և լուրջ դեր կատարել երեխաների կրթման գործում:
Թիվ 32 գրադարանի ներկայիս գործունեությունը, բաժիններ, խմբակներ, նորագույն տեխնոլոգիաների ներդրում, նոր նախագծեր, նորոգում, հիմնանորոգում, համագործակցություն
Թիվ 32 գրադարանն այսօր Երևան քաղաքում գործող ամենաակտիվ գրադարաններից է: Այն ապահովում է Շենգավիթ վարչական շրջանի բնակչության ընթերցանությունը, կազմակերպում է բազմաթիվ միջոցառումներ, անմիջականորեն խթանում է մատաղ սերնդի հայրենասիրական ոգով դաստիարակման, կիրթ և զարգացած սերնդի կրթման գործին: Այդ նպատակով գրադարանում գործում են մայրենի լեզվի, ասմունքի և թատերական խմբակներ, ինչպես նաև ինտելեկտուալ մրցույթների և բանավեճի ակումբ: Այդ խմբակներ հաճախող ընթերցողները պարբերաբար մասնակցում են գրադարանում անցկացվող բազմաբնույթ հետաքրքիր միջոցառումներին: Այսօր գրադարանը կամուրջ է հանդիսանում ժամանակակից գրողների, ստեղծագործողների և թիվ 32 գրադարանի մանուկ և մեծահասակ ընթերցողների միջև, ինչն իրականացվում է հանդիպումների, գրքի շնորհանդեսների, քննարկումների միջոցով: Գրադարանը սերտորեն համագործակցում է շրջակա դպրոցների, նախադպրոցական ուսումնական հաստատությունների և քոլեջների հետ: Քանի որ գրադարանի նախկին շենքը գնահատվել էր չորրորդ կարգի վթարային, 2015թ. Երևանի Քաղաքապետարանի նախաձեռնությամբ գրադարանի շենքն ամբողջությամբ վերակառուցվում է: Վերակառուցման ընթացքում գրադարանը չի դադարեցրել աշխատանքը և ժամանակավորապես գործում է հարևանությամբ գտնվող թիվ 75 դպրոցում: Քանակական տեղեկատվություն գրքային ֆոնդերի, դրանց համալրման և ամսաթվի վերաբերյալ թիվ 32 գրադարանի գրքային ֆոնդն ընդգրկում է շուրջ 21.000 կտոր գիրք՝ տարբեր լեզուներով և բովանդակությամբ: Համալրումն իրականացվում է հիմանականում նվիրատվությունների միջոցով: 2013 և 2014 թթ.-ին Երևանի Քաղաքապետարանը գրադարանին նվիրաբերել է ընդհանուր առմամբ շուրջ 800 կտոր նոր գիրք: Երբեմն նվիրատվություն են կատարում նաև ընթերցողները և անհատները, սակայն հիմնականում ավելի հին գրքեր:

Տնօրեն՝ Սուսաննա Խաչատրյան 
Աշխատանքային օրեր և ժամեր՝ երկուշաբթի-ուրբաթ, 10:00, 18:00
Հասցե՝ Ն. Շենգավիթ 12-րդ փ., 15 տուն
Հեռ.՝ +(374 10) 480 601

Գրադարանը հիմնադրվել է 1945-ին, սկզբնական շրջանում գործել է Հովհ. Թումանյանի անվան դպրոցի շենքում, իսկ 1950թ.-ից տեղափոխվել է Արշակունյաց 42 հասցե, որտեղ էլ գործում է մինչ օրս:
Գրադարանն ունի ընթերցասրահ, աբոնեմենտ և մանկական բաժին:
Ամռանը գրադարանում գործում են տարատեսակ անվճար խմբակներ՝ հայերենի, անգլերենի, ֆրանսերենի, ռուսերենի, ինչպես նաև՝ թատերական, տիկնիկային, խոսքի վարպետության, Ձևավորման, ասեղնագործության, հուլունքագործության և նկարչության խմբակներ:
Գրադարանում ամեն երեքշաբթի մշտապես անցկացվում են նաև հոգևոր զրույցներ հայ առաքելական եկեղեցու քահանաների մասնակցությամբ:
Գրադարանը միացված է համացանցին:
Այժմ գրադարանը հիմնանորոգվում է, և սույն թվականի սեպտեմբերի 1-ից լիովին ժամանակակից վերանորոգմամբ գրադարանը դռները կբացի ընթերցողների առաջ:

Գրադարանում առկա է շուրջ 40000 անուն գիրք, որից 88-ը համալրվել է 2015 թվականի փետրվարին:

Տնօրեն` Գայանե Միրիբյան
Աշխատանքային օրեր և ժամեր՝ երկուշաբթի-շաբաթ, 10:00-18:00 ՝ առանց ընդմիջման:
Հասցե՝ Արշակունյաց 42,
Հեռ.՝ +(374 10) 440 821

Հիմնադրվել է Ստալինյան շրջանում, Քիմիական կոմբինատի բանավանում՝ որպես 2-րդ մանկական գրադարան։
1948թ.-ից գրադարանը տեղափոխվել է նախկին Թամանցիների, իսկ այժմ՝ Բագրատունյանց 1-ին նրբանցք, 9-րդ,նորակառույց շենքի առաջին հարկի 400 քմ տարածք։
1958թ.-ին մանկական գրադարանը վերանվանվեց թիվ 17-մասսայական գրադարանի, իսկ 1964թ.-ին գրադարանի 25 ամյակին, ՍՍՌ մինիստրների սովետի որոշմամբ,պարգևատրվեց ՍՍՌ կուլտուրայի մինիստրության պատվոգրով, և անվանակոչվեց հեղափոխական բանաստեղծուհի Շ. Կուրղինյանի անվամբ։
1974թ.-ից եղել է ԳԿՀ-ի հենակետային գրադարանը ՝Լենինյան շրջանում։
13.03.1997թ. ՀՀ Կառավարության թիվ 42 որոշմամբ գրադարանները տրվեցին համայնքներին։
1997թ.-ից ցայսօր գրադարանը Համայնքային ոչ առևտրային կազմակերպություն է (ՀՈԱԿ)։
Շ.Կուրղինյանի անվան թիվ 17 գրադարանը գազաֆիկացված, հիմնանորոգվածԷ։ Ունի աբոնեմենտ, ընթերցարան, տեղեկատու մատենագիտական
և մանկական բաժիններ։ Գրադարանը իր նախաձեռնությամբ ստեղծել է հայատառ գրականության էլեկտրոնային գրացուցակ։
Գրադարանը համագործակցում է Թիվ 31,27, 173, դպրոցների հետ։
Գրադարանում գործում են դաշնամուրի, ռուսաց լեզվի, գոբելենի անվճար խմբակներ։ 
Գրադարանի գրքային ֆոնդը կազմում է 58500 ։
2015թ.-ին համալրվել է 85 կտոր գրքով։

Տնօրեն՝ Սոֆիա Խաչատրյան
Աշխատանքային օրեր և ժամեր՝ երկուշաբթի-ուրբաթ, 10:00-18:00
Հասցե՝ Բագրատունյաց 1-ին նրբ., 9 շենք
Հեռ.՝ +(374 10) 421 292

Նուբարաշենի թիվ 34 գրադարանը հիմնադրվել է 1936 թվականին, ունի շուրջ 1000 ընթերցող: Գրադարանում առկա գրքերի թիվը 27442 է:

Տնօրեն` Փառանձեմ Մարգարյան
Հասցե՝ Նուբարաշեն, 9-րդ փողոց, 1 շենք
Հեռ.՝ +(374 10) 475 487

Երևանի Քանաքեռ-Զեյթուն վարչական շրջանի «ԿԳՀ» ՀՈԱԿ-ը հիմնադրվել է 1948թ. հոկտեմբերի 25-ին: Տեղակայված է եղել Վերին Զեյթունի շենքերից մեկում: 1949թ. տեղափոխվել է Կուլտուրայի Տուն և անվանվել է Կիրզայի մասայական գրադարան: 1967թ. Զեյթունից տեղափոխվել է Ուսանողական Ավան: 1969թ. վերանվանվել է ԿԳՀ-ի թիվ 1 տեխնիկական գրադարան: Մինչև 1997թ. համարվել է ԿԳՀ-ի թիվ 1 մասնաճյուղը: 2002թ. գրադարանը լուծարվել է և նույն թվականի վերջին նույն գրադարանային ֆոնդի բազայի հիման վրա ստեղծվել է Քանաքեռ-Զեյթուն վարչական շրջանի  «Կենտրոնացված գրադարանային համալիր» ՀՈԱԿ-ը: Այսօր «ԿԳՀ» ՀՈԱԿ-ը ունի կենտրոնական գրադարան՝ Դրոյի 16ա հասցեում և 2 մասնաճյուղեր՝ թիվ 1՝ Մ. Մելիքյան և թիվ 2՝ Վարշավյան 2 հասցեներում:«ԿԳՀ» ՀՈԱԿ-ի ընդհանուր տարածքը կազմում է 411.7 քմ, որից կենտրոնական գրադարանը՝ 191.7քմ, թիվ 1 մասնաճյուղը՝ 150.0 քմ, թիվ 2 մասնաճյուղ՝ 70.0 քմ:

«ԿԳՀ» ՀՈԱԿ-ը ունի հետևյալ բաժինները՝
1.ֆոնդերի պահպանման և համալրման բաժին
2.ընթերցասրահ
3.աբոնեմենտային սպասարկման բաժին

Թիվ 1 և թիվ 2 մասնաճյուղերը՝
1.ընթերցասրահ
2.աբոնեմենտային սպասարկման բաժին

Գրքային ֆոնդը 2014թ.-ի դրությամբ՝ տարեվերջին, կազմել է 127369 կտոր գիրք:

Տնօրեն` Ծովինար Մելոյան
Աշխատանքային օրեր և ժամեր՝ երկուշաբթի-ուրբաթ, 09:00-18:00, ընդմիջում՝ 13:00-14:00
Հասցե՝ Դրոյի 16ա
Հեռ.՝ +(374 10) 284 266