ՀԵՏԱՔՐՔՐՈՒԹՅԱՆ ՀԱՅՏԵՐԻ ՆԵՐԿԱՅԱՑՄԱՆ ՀՐԱՎԵՐ

ԵՐԵՎԱՆԻ ՔԱՂԱՔԱՊԵՏԱՐԱՆ

ՀԵՏԱՔՐՔՐՈՒԹՅԱՆ ՀԱՅՏԵՐԻ ՆԵՐԿԱՅԱՑՄԱՆ ՀՐԱՎԵՐ (ՀՀՆՀ)

Վարկային համաձայնագիր No. 4371 – ARM: Երևանի քաղաքային զարգացման ներդրումային ծրագիր
YUDIP-Cons-03: Հայեցակարգային և մանրամասն նախագծման ծառայություններ Կոմիտասի զբոսայգու և Դալմայի քաղաքային անտառի համար
Որակի և արժեքի վրա հիմնված ընտրություն (QCBS)

 

Հայտարարության տեղադրման ամսաթիվ	22 դեկտեմբեր, 2025 թ.
Վարկային համաձայնագիր	L4371-ARM: Երևանի քաղաքային զարգացման ներդրումային ծրագիր
Պայմանագրի համար և վերնագիր	YUDIP-Cons-03: Հայեցակարգային և մանրամասն նախագծման ծառայություններ Կոմիտասի զբոսայգու և Դալմայի քաղաքային անտառի համար
ՀՀՆՀ ներկայացնելու վերջնաժամկետ	20 հունվար, 2026թ.

Ընդհանուր տեղեկատվություն
Երևանի քաղաքապետարանը՝ Երևանի քաղաքային զարգացման ներդրումային ծրագրի Իրականացման խմբի (ԵՔԶՆԾ ԻԽ) միջոցով, հրավիրում է իրավասու խորհրդատվական կազմակերպություններին ներկայացնելու հետաքրքրության հայտեր (EOI) հետևյալ մրցույթին մասնակցելու համար՝
Կոմիտասի այգու և Դալմայի քաղաքային անտառի հայեցակարգային և մանրամասն նախագծման խորհրդատվական ծառայություն։
Հանձնարարության իրականացումը նախատեսվում է երկու փուլով․
i.    Փուլ 1 – հյեցակարգային նախագծման իրականացում, և
ii.    Փուլ 2 – մանրամասն նախագծման իրականացում, պայմանով, որ նախորդ փուլի արդյունքները գնահատվեն բավարար և ստանան համապատասխան հաստատում։
Խորհրդատվական կազմակերպությունը կիրականացնի Կոմիտասի այգու և Դալմայի քաղաքային անտառի հայեցակարգային և մանրամասն նախագծման աշխատանքներ՝ ներառյալ դրանց ինտեգրումը Երևանի կանաչ ենթակառուցվածքների ցանցում։

Աշխատանքների շրջանակը ներառում է․
•    Կոմիտասի այգու և Դալմայի այգիների (քաղաքային անտառ) հայեցակարգային և մանրամասն նախագծում,
•    բնահեն լուծումների (NbS), կլիմակայուն և ցածրածխածնային նախագծային մոտեցումների ինտեգրում,
•    քաղաքային լանդշաֆտի և հանրային տարածքների նախագծում,
•    կանաչ շարժունակության և էկոլոգիական միջանցքների հայեցակարգային լուծումների մշակում,
•    բնապահպանական, սոցիալական և կլիմայական գնահատումներ՝ Ասիական զարգացման բանկի պահանջներին համապատասխան,
•    կառուցման համար պատրաստ նախագծային փաստաթղթերի և ծախսերի նախահաշիվների կազմում։
Մանրամասները հասանելի են Ասիական զարգացման բանկի Խորհրդատուների կառավարման համակարգում (CMS):

 

Գնումներին առնչվող տեղեկատվություն.

Ընտրության մեթոդ	Որակի և արժեքի վրա հիմնված ընտրություն (QCBS)
Պայմանագրի տեսակ	ֆիքսված գումարով (Lump Sum)
Միջազգային մասնագետ (անձ/ամիս)	24
Տեղացի մասնագետ (անձ/ամիս)	48
Առաջարկի տեսակ	Ամբողջական տեխնիկական առաջարկ
Հանձնարարականի տևողություն	8 ամիս
Մեկնարկի նախնական ամսաթիվ	Մայիս, 2025թ.
Ավարտման ենթադրյալ ամսաթիվ	Հունվար, 2027թ.

Բոլոր կազմակերպություններից պահանջվում է ներկայացնել ամբողջական տեխնիկական առաջարկ: Առաջարկները կգնահատվեն համաձայն ԱԶԲ Գնումների ընթացակարգի և ԱԶԲ Վարկառուների գնումների կանոնակարգի` որակի և գնի վրա հիմնված ընտրության (QCBS) մեթոդով: Կկիրառվի որակի համար 90% և գնի համար 10% չափման համակարգ:
Միայն էլեկտրոնային պատճենները կդիտարկվեն որպես Հետաքրքրության հայտերի (ՀՀ) պաշտոնական ներկայացում: ՀՀ-ի էլեկտրոնային տարբերակի ներկայացման համար պետք է գրանցվել ԱԶԲ Խորհրդատուների կառավարման համակարգում հետևյալ հղմամբ` cms.adb.org: Հետաքրքրության հայտ ուղարկելիս ընկերությունը պետք է ներկայացնի վերջին տարիների՝ իր իրականացրած նախագծերը և Տեխնիկական պայմանների (TOR) պահանջներին համապատասխանող տարածաշրջանային փորձը: Խորհրդատուները պետք է ներկայացնեն ՀՀ-ն առցանց՝ լրացնելով Խորհրդատվական ծառայությունների հավաքագրման ծանուցման մեջ (https://selfservice.adb.org/OA_HTML/adb/xxcrs/jsp/ADBCsrnFwd.jsp?sel=219038) տրված ստանդարտ ձևանմուշը:
ՀՀ-ն պետք է ներկայացվի ոչ ուշ, քան 2026 թվականի հունվար 20-ը: