«Մոսկվա» կինոթատրոնի շենքը կառուցվել է 1937թ. (ճարտարապետներ` Տ. Երկանյան և Գ. Քոչար): Այն գլխավոր ճակատով ուղղված է Շառլ Ազնավուրի անվան հրապարակին, մի թևը փռված է դեպի Աբովյան փողոց` մինչև Թումանյան փողոց, իսկ մյուսը տարածվում է դեպի փողոցների անկյունում տարածվող թաղամաս։ Շենքը վերակառուցվել է 1960թ.` ճարտարապետներ Գ. Քոչարի և Թ. Գևորգյանի նախագծով, ապա 1983թ.` ճարտարապետներ Բ. Արզումանյանի, Զ. Զաքարյանի, Ա. Իսրայելյանի, Ա. Մելիքյանի նախագծով։
«Մոսկվա» կինոթատրոնի շենքը քարակերտ է, հարկածածկերը` երկաթբետոնե։ Շենքի ճակատային մասում համադրված են տարագույն քարեր։ Շենքի ներքին պատերը, հատկապես դահլիճի, պատված են ծակոտկեն տուֆով և ձայնորսիչ նյութերով։ Կիրառվել է 1930-ական թթ. կինոթատրոնների շենքերին հատուկ ոճեր, դահլիճների քարե հարթ պատերին ցայտուն ընդգծված շեղադիր ռմբաձև փոքր պատուհաններ կան, գլխավոր մուտքի սանդուղքների երկու կողմերում` սեպաձև վահանակներ, կողային ճակատներին` խորաքանդակներ հայկական ֆիլմերի թեմաներով։
Կինոթատրոնի շենքում կա 4 դահլիճ` մեծ դահլիճ` Կարմիր դահլիճ (491 նստատեղով), Կապույտ դահլիճ (352), բարձրակարգ` առանձնացված (35) և բացօթյա ամառային դահլիճ։

«Սինեմա Սթար» կինոթատրոնը բացվել է 2013թ. նոյեմբերի 17-ին «Դալմա մոլ» համալիրում: 

2015թ. դեկտեմբերի 5-ին «Երևան մոլ» համալիրում կայացավ «Կինոպարկ» կինոթատրոնի բացման արարողությունը: 

Կինոթատրոնում գործում է 5 սրահ, որոնցից 2-ը նախատեսված են 109, 2-ը՝ 119, իսկ պրեմիում սրահը՝ 30 հանդիսատեսի համար (նստատեղերի ընդհանուր թիվը՝ 486)։ «Կինոպարկ»-ի  բոլոր սրահներում ֆիլմերը ցուցադրվելու են 3D ձևաչափով: Ներդրվել է նաև տոմսերի առցանց ձեռքբերման համակարգ։ 

Հունիսի 6-ին Մալաթիա-Սեբաստիա վարչական շրջանում բացվեց «Հայաստան» կինոթատրոնը: 

Կինոթատրոնի վերակառուցմանը զուգահեռ բարեկարգվել է նաև հարակից այգու մոտ 1 հա տարածքը, որտեղ տնկվել են շուրջ 500 տարբեր ծառատեսակներ, նոր դիզայնով հիմնովին կառուցվել է այգու և շենքի լուսային ձևավորումը, վերանորոգվել են շատրվանները: