«Մանկապատանեկան ստեղծագործության քաղաքային կենտրոն» ՀՈԱԿ-ը հիմնադրվել է 1922թ.-ին: Նախկինում Պիոներ պալատը 1932 թվականին Աղասի Խանջյանի հանձնարարությամբ տեղավորվեց Մոսկովյան 3 հասցեում գտնվող շենքում, որտեղ առ այսօր իրենց արտադպրոցական կրթությունն ու գեղագիտական դաստիարակությունն են ստանում հազարավոր երեխաներ:

Այսօր Կենտրոնում գործող խմբերն ակտիվորեն մասնակցում են Հանրապետության մշակութային կյանքին` ցուցահանդեսներ, փառատոներ, կառավարական համերգներ:

Կենտրոնում գործում են  հետևյալ խմբերն ու ստուդիաները՝ ձեռարվեստի դասարան, պարային ստուդիաներ (հայկական, ժամանակակից, աշխարհի ժող. պարեր, լատինաամերիկյան, պարահանդեսային), վոկալ արվեստի ստուդիա, նկարչություն, քանդակագործություն, խեցեգործություն, դիզայն և նորաձևություն, դաշնամուր, ակորդեոն, կիթառ, փողային գործիքներ, հարվածային գործիքներ, թատերական ստուդիա, կարատե, ավիամոդելավորում, գործիքավորման ստուդիա, Երևանյան թմբուկներ:

Ընդունելությունը կատարվում է ուսուցողական խմբերում ողջ տարվա ընթացքում` ըստ հաստատված դասացուցակի:

Տնօրեն՝ Անուշ Սարգսյան

Աշխատանքային օրեր և ժամեր՝ երկուշաբթի-կիրակի, 11:00-20:00

Հասցե՝ Մոսկովյան 3

Հեռ.՝ +(374 10) 565 173, 565 113

Կայք` www.eqmsk.info.am

Երևանի «Կենտրոն» վարչական շրջանի «Մանկապատանեկան ստեղծագործության և գեղագիտական դաստիարակության կենտրոն» ՀՈԱԿ-ն ստեղծվել է 2004թ. փետրվարի 25-ին, նախկին Մյասնիկյան շրջանի մանկապատանեկան տեխնիկական ստեղծագործության կենտրոնի հիման վրա: Գործունեության տարիների ընթացքում թատերական խմբակներում բեմադրվել են քառասունից ավելի ներկայացումներ ինչպես «Կնտրոն» վարչական շրջանի հանրակրթական դպրոցներում և մանկապարտեզներում, այնպես էլ Երևանի այլ վարչական շրջանների դպրոցներում՝ արժանանալով հանդիսատեսի ջերմ ընդունելությանը:

Պարային խմբակներում բեմադրվել են երեսունից ավելի պարային համարներ, որոնցով սաները մասնակցել են տարբեր փառատոների, մրցույթների, «Կենտրոն» վարչական շրջանի կազմակերպած միջոցառումների, համերգների, իսկ յուրաքանչյուր ուսումնական տարվա վերջում կազմակերպվում է հաշվետու համերգ: Մ.Ս.Գ.Դ. կենտրոնի «Արմենիա» պարային խումբը 2014թ. նոյեմբերին պարգևատրվել է Երևանի քաղաքապետարանի Յու. Բախշյանի անվան մանկական ֆիլհարմոնիայի 2-րգ կարգի դիպլոմով: Փայտի գեղարվեստական մշակման խմբակը կազմակերպել է հիշարժան օրերին նվիրված ցուցահանդեսներ և մասնակցել «Կենտրոն» վարչական շրջանի կազմակերպած միջոցառումներին: Կենտրոնը պարգևատրվել է բազմաթիվ դիպլոմներով, շնորհակալագրերով, հավաստագրերով:
Կենտրոնում գործում է 4 թատերական, 3 պարային և 1 փայտի գեղարվեստական մշակման խմբակ: Թատերական խմբակներում ուսուցանվում է բեմական խոսքի գեղարվեստական մատուցում, իսկ պարի խմբակներում՝ դասական պար:

Համագործակցում է վարչական շրջանի և դրա տարածքում գտնվող հանրակրթական դպրոցների հետ:
Կենտրոնի սան կարող են դառնալ մինչև 18 տարեկան երեխաները, ուսուցումն անվճար է:

Տնօրեն`Արթուր Սարգսյան
Հասցե՝  Խանջյան 9
Հեռ.՝ +(374 91) 438 853, +(374 10)  587 102

«Պատանեկության ստեղծագործական կենտրոնը» հիմնադրվել է 1971 թվականին: Ստեղծման օրվանից կենտրոնում գործում է երաժշտական, գեղարվեստական, կիրառական, մարզական 30 խմբակ, գրադարան և լողավազան՝ 600-ից ավելի սաների համար։

Կենտրոնն ապրում է հագեցած առօրյայով՝ համերգներ, ցուցադրություններ, դիմակահանդեսներ, մրցույթներ ու փառատոներ, նախաձեռնում և մասնակցում է համայնքային, հանրապետական և միջազգային բազմաթիվ միջոցառումների՝ զբաղեցնելով մրցանակային տեղեր և արժանանալով պարգևների։

Կենտրոնում կան ժողովրդական, դասական և ժամանակակից պարերի, երգեցողության, փողային նվագախմբի, ասմունքի, անգլերենի, գրականության, թատերական, դհոլի, դաշնամուրի, սոլֆեջիոյի, նկարչական, լուսանկարչության, բնասիրության, ձևավորման, տեխնոլոգիայի, ձեռքի աշխատանքի, խեցեգործության, գոբելենի և մաքրամեի, կարատեի, պարկուրի, առողջարարական և լողի խմբակներ։

Պատանեկության ստեղծագործական կենտրոնի արդյունավետ գործունեությունը ոչ միայն հմուտ մանկավարժական կազմի, այլև անվանի գործիչների և հայտնի խմբերի հետ համագործակցության շնորհիվ է՝ Հայաստանում և արտերկրում։

Տնօրեն` Նարե Արամյան
Հասցե՝ Բագրատունյաց 5
Հեռ.՝ +(374 10) 423 200
Կայք՝ www.shengavitpsk.am
 

Շենգավիթ վարչական շրջանի «Տեխնիկական ստեղծագործության կենտրոնը» զբաղեցնում է 4-հարկանի բնակելի շենքի 1-ին հարկը: Ստեղծվել է 1970թ.-ին :

Կենտրոնում գործում է 11 խմբակ, հետևյալ բաժիններով՝ նկարչության, մաքրամեի, գոբելենի, կարպետի, հմուտ ձեռքերի, դեկորատիվ-կիրառական արվեստի, ասեղնագործության, ուլունքագործության, սեղանի գեղարվեստական ձևավորման, համակարգչային, պարային:

Տնօրեն`Նիկողոսյան Աշոտ
Հասցե՝ Բագրատունյաց 38ա
Հեռ.՝ +(374 98) 389 968

Կազմակերպությունը հիմնադրվել է 1997թ., նպատակը մշակույթի, արվեստի և արհեստի բնագավառում ուսուցում կազմակերպելն է: Կազմակերպությունը զբաղվել է արտադրական և գիտական աշխատանքների ուսուցմամբ: Աշակերտների և խմբի ղեկավարների կողմից դրանք մասնակիորեն վերածվել են արտադրանքի: 2012թ.-ից վերափոխվել և դարձել է մշակութային կենտրոն, որտեղ գործում են մշակութային անվճար խմբակներ:

Կազմակերպությունը բաղկացած է վարչական մասից և մշակութային բաժնից:

Մշակութային բաժինը բաղկացած է հետևյալ խմբակներից՝

1. «ԱՆԱՀԻՏ» հայկական ժողովրդական գործիքների համույթ
2. Հայկական ժողովրդական պարի խումբ I, II
3. «ԳԵՏԱՇԵՆ» թմբկահարների համույթ
4. Շախմատ
5. Նկարչություն
6. Դեկորատիվ-կիրառական արվեստ-խեցեգործություն
7. Մրգերի և բանջարեղենների ձևավորում (կարվինգ)
8. Հագուստի մոդելավորում և գոբելեն, բատիկա
9. Արևելյան խոհանոց (նախուտեստներ, արևելյան անուշեղեն, ուտեստներ):

Տնօրեն`Մեսրոպ Վարդանյան
Հասցե՝  Նորք 6-րդ զ. Լյուքսեմբուրգի 2-րդ նրբ. 
Կայք` gitart.do.am

Աջափնյակ վարչական շրջանի Մանկապատանեկան տեխնիկական ստեղծագործության կենտրոն ՀՈԱԿ-ը գործում է Լևոն Միրիջանյանի անվան N155 հանրակրթական դպրոցի կից մասնաշենքում՝ առանձին մուտքով:

Կենտրոնի տարեգրությունը սկսվում է 1973թ.-ից՝ դպրոցի հիմնադրման օրվանից: Նախկինում այն անվանվել է Պատանի տեխնիկների կայան, և գործել են ավիամոդելային, նավամոդելային, հրթիռամոդելային, ռադիոտեխնիկայի խմբակներ:

1994թ.-ից կենտրոնը Պատանի տեխնիկների կայանից վերանվանվել է Մանկապատանեկան ստեղծագործության կենտրոնի՝ պահպանելով միայն ավիամոդելային խմբակները:
1996թ. ընդունված կանոնադրության համաձայն՝ ունենալով նաև տարածքի խնդիր, ՄՊՏՍ Կետրոնի որոշ խմբակների պարապմունքներ անցկացվել և անցկացվում են վարչական շրջանի մի շարք հանրակրթական դպրոցներում (N100,146, 185.188):

2009թ.-ից ՄՊՏՍ կենտրոնի գործունեությունն ընդլայնելու նպատակով բացվեցին նոր ուղղվածության խմբակներ:
Հաստատված նոր կանոնադրության հիման վրա Մանկապատանեկան ստեղծագործության կենտրոն ՀՈԱԿ-ը վերակազմակերպման արդյունքում անվանվեց Մանկապատանեկան տեխնիկական ստեղծագործության կենտրոն ՀՈԱԿ՝ հաշվի առնելով կենտրոնի տեխնիկական ուղղվածությունը:

ՄՊՏՍ կենտրոնի գործունեության հիմնական առարկան արտադպրոցական մշակութային նախնական մասնագիտական կրթության իրականացումն է, իսկ նպատակը՝ երեխաների գեղագիտական դաստիարակության ապահովումը:
Կենտրոնում գործում են ավիամոդելային (ազատ թռչող և կորդային), նկարչական, ուլունքագործության, ասեղնագործության, մոդելավորման և դիզայնի խմբակներ, որոնցում սովորում է 271 երեխա:
Որպես նոր ուղղվածություն՝ անցկացվում են թաղիքագործության ուսուցման պարապմունքներ:

Կենտրոնը համագործակցում է Երևան քաղաքի մշակութային օջախների, տուն-թանգարանների հետ, որտեղից հրավիրվում են մասնագետներ՝ վարպետության դասընթացներ անցկացնելու նպատակով, համագործակցում է Գեղեցիկ արվեստների ազգային ակադեմիայի համապատասխան որակավորում ունեցող մասնագետների հետ:

2016թ.-ից Կենտրոնը սկսել է համագործակցել Լեռնային Ղարաբաղի Շուշի քաղաքի Մանկապատանեկան ստեղծագործության կենտրոնի, Արագածոտնի մարզի նմանատիպ մշակութային կրթօջախի հետ:
Կենտրոնը ներգրավված է նաև Շուշի քաղաքի սոցիալական ծրագրերի իրականացման գործընթացին:
2016թ.-ին նախատեսվում է խեցեգործության խմբակի բացում:

Կենտրոնը կարիք ունի հիմնավերանորոգման: 2009թ. Կենտրոնի ջանքերով մասնակիորեն կատարվել են ներքին հարդարման աշխատանքներ: 2016թ. ծրագրով նախատեսված է հիմնանորոգման աշխատանքներ:

ՄՊՏՍ Կենտրոնում երեխաների հիմնական ընդունելությունը կատարվում է տվյալ ուսումնական տարվա օգոստոսի 25-ից: Կանոնադրության համաձայն` սաների ընդունելություն կատարվում է նաև տարվա ընթացքում: Ընդունելություն կատարվում է ծնողի ներկայացրած դիմումի և կնքված պայմանագրի համաձայն՝ սեպտեմբերից մինչև հունիս ամիսը ներառյալ:

Տնօրեն՝ Իրինա Աղաջանյան

Աշխատանքային օրեր և ժամեր՝ երկուշաբթի-շաբաթ, 10:00-18:00

Հասցե՝ Բաշինջաղյան 2-րդ նրբ., թիվ 3շ

Հեռ.՝ +(374 94) 742 093, +(374 91) 777 134

Ներկայիս «Թիվ 3 մանկապատանեկան ստեղծագործական կենտրոն» համայնքային ոչ առևտրային կազմակերպությունը հիմնադրվել է 1972թ.-ին, շենքը տիպային է:

Կենտրոնի սաները մասնակցել և մասնակցում են հանրապետության և արտերկրի միջոցառումներին ու փառատոներին՝ վերադառնալով մրցանակներով:

«Թիվ 3 մանկապատանեկան ստեղծագործական կենտրոն» համայնքային ոչ առևտրային կազմակերպության նպատակը, սաների ազատ ժամանցը կազմակերպելով, նրանց հետաքրքրությունների զարգացման համար պայմաններ ստեղծելն է և միտված է նրանց հոգևոր, գեղագիտական, ֆիզիկական զարգացման, բնապահպանական, կիրառական գիտելիքների ձեռքբերմանը և մասնագիտական ճիշտ կողմնորոշմանը: Արվեստին և արհեստներին առնչությունը կրթօջախի գործունեության հիմնական բաղադրիչն է:

Կենտրոնում գործում են գեղարվեստական և կիրառական արվեստի բաժինները հետևյալ խմբերով` ժողովրդական և ժամանակակից պարերի, երգի, գեղանկարչության, թատերական ասմունքի, դաշնամուրի, քանոնի, գեղարվեստական մարմնամարզության, գոբելենի, հելունագործության, հայկական ասեղնագործության, ավիամոդելի, փայտի փորագրության, ուլունքագործության, կարուձևի, գորգագործության, շախմատի, թարգմանչության, փափուկ խաղալիքի և դիզայնի:

Տնօրեն՝ Արարատ Ռշտունի 

Հասցե՝ Էրեբունու 15

Հեռ.՝ +(374 10) 455 480