Հիմնադրվել է 1986 թվականին` որպես ժամանակակից արվեստի թանգարան: 1996թ. վերանվանվել է «Հայ Արտ» մշակութային կենտրոն ՓԲԸ:
Ներկայումս «Հայ Արտ» մշակութային կենտրոնում կազմակերպվում և ներկայացվում են կերպարվեստի ցուցահանդեսներ, պոեզիայի, երաժշտական միջոցառումներ, թատերական մանրապատումներ, երիտասարդ արվեստագետների և ավագ սերնդի ստեղծագործական հանդիպումներ:

 Սեփական նախաձեռնությամբ հաջողությամբ շարունակվում է «Հնագույն նվագարաններ» և «Խոսիր ինձ հետ» վավերագրական ֆիլմաշարերի ստեղծագործական ընթացքը: Որպես նոր նախագիծ՝ կենտրոնում գործելու է բանավեճի ակումբ:

Տնօրեն՝ Ռիտա Շառոյան

Աշխատանքային օրեր և ժամեր՝ երկուշաբթի-շաբաթ, 10:00-17:00

Հասցե՝ Մաշտոցի 7ա

Հեռ.՝ +(374 10) 539 196

Էլ. հասցե՝ hayart1@mail.ru

«Աջափնյակ» գեղագիտական դաստիարակության կենտրոնը ստեղծվել է 2001թ. Աջափնյակ համայնքի ավագանու թիվ 40 որոշման համաձայն: 2009թ. Երևան քաղաքի ավագանու N 40-Ա որոշումով վերակազմակերպվել է «Աջափնյակ» գեղագիտական կենտրոն համայնքային ոչ առևտրային կազմակերպության:
Գործունեության տարիների ընթացքում կենտրոնի խմբերը պարբերաբար մասնակցել են համայնքային, քաղաքային միջոցառումների, ՀՀ-ում կազմակերպված միջազգային և հանրապետական փառատոների, մրցույթների, ցուցահանդեսների և արժանացել բազմաթիվ մրցանակների:

«Աջափնյակ» գեղագիտական կենտրոնում իրականացվում է արտադպրոցական մշակութային և երաժշտական նախնական մասնագիտական կրթություն` ապահովելով երեխաների գեղագիտական դաստիարակությունը:

Կենտրոնում գործում են գեղանկարչության, դեկորատիվ արվեստի, հելունագործության, ուլունքագործության, թատերական, խամաճիկների թատրոն, պարի, մարմնամարզության, կարատեի, անգլերեն լեզվի խմբակներ:

Երաժշտական բաժինն իր մեջ ներառում է դասական, ժողովրդական, էստրադային երգ, դաշնամուրի դասընթացներ, սոլֆեջիո, երաժշտական գրականություն և փողային նվագախումբ:

«Աջափնյակ» գեղագիտական դաստիարակության կենտրոնը հիմնանորոգվել է 2015թվականին:

Ընդունելությունը կատարվում է ուսումնական տարվա ընթացքում՝ ըստ երեխաների ընդունակությունների և նախասիրությունների:

Տնօրեն՝   Նորա Աղագուլյան

Աշխատանքային օրեր և ժամեր՝ երկուշաբթի-ուրբաթ, 09:30-18:00

Հասցե՝ 16թ., Նորաշեն 2

Հեռ.՝ +(374 10) 354 549

«Ավանի մշակույթի տուն» ՀՈԱԿ-ը ստեղծվել է Երևանի Ավան թաղային համայնքի ավագանու 2007թ.-ի մարտի 16-ի թիվ 12 որոշմամբ:

Պաշտոնական բացումը տեղի է ունեցել նույն թվականի դեկտեմբերի 20-ին:

Մշակույթի տան հիմնական նպատակը եղել է բնակչության մշակութային հանգստի կազմակերպումը և երեխաների գեղագիտական դաստիարակությունը. գործունեությամբ նպաստում է յուրաքանչյուր ավանցու մասնակցությանը մշակութային կյանքին և միջոցառումներով նպաստում է համայնքի մշակութային կյանքի զարգացմանը:

Կազմակերպությունը գործունեությունն իրականացնում է թատերական, գեղագիտական, երաժշտական և դեկորատիվ-կիրառական արվեստի բաժիններում:

Ավանի մշակույթի տանը գործում են նկարչական, տարբեր ժանրերի պարային խմբեր, երգչախումբ, փողային նվագախումբ:

2015թ. սեպտեմբերից՝ նոր ուսումնական տարվանից նախատեսվում է բացել խեցեգործության, քանդակագործության, սեղանի ձևավորման, թատրոն-ստուդիայի և այլ խմբեր:

Տնօրեն`Անահիտ Բունիաթյան
Հասցե՝ Ավան, Բաբաջանյան 18/13
Հեռ.՝ +(374 10) 612 532

Հիմնադրվել է 1948թ. աշնանը, առաջին տնօրենը եղել է Խորեն Սարդարյանը:

Ակումբն ուներ 400 տեղանոց կինոդահլիճ և 4 խմբակ` ժողգործիքների, հայկական ժողովրդական պարերի, թատերական և կարուձևի: 1950թ. ակումբի տնօրեն է նշանակվում Օֆիկ Հովսեփյանը, ով ղեկավարում է այն շուրջ 36 տարի:

Շենքում 1952թ.-ից գործում էր թիվ 43 գրադարանը՝ 150 միավոր գրականությամբ, որը 2002թ. լուծարվեց և անցավ Մշակույթի կենտրոնի ենթակայության տակ՝ 15 000 միավոր գրականությամբ, որից օգտվում է Նորագավիթի ողջ բանկչությունը:

Ակումբը գործում է Երևանի քաղաքապետարանի ենթակայության տակ՝ որպես թիվ 5 մշակույթի կենտրոն:

Մշակույթի կենտրոնի գործունեության հիմնական նպատակն արտադպրոցական մշակութային ուսուցումն ու դաստիրակությունն է, սովորողների ազատ ժամանցի կազմակերպումը, ինչպես նաև նրանց նախասիրությունները զարգացնելու պայմաններ ստեղծելը, հոգևոր, ստեղծագործական ունակությունների գեղագիտական զարգացումը:

Կենտրոնում գործում են վոկալ-դաշնամուրային, պարային, կերպարվեստի, թատերական և ուսումնական բաժիններ՝ 19 խմբակներով: 2012թ.-ից Կենտրոնում գործում է նաև «Համակարգչային դասընթացների» խմբակ:

Մշակույթի կենտրոնի սաները մշտապես մասնակցում են նոր նախագծերի, որոնք կազմակերպվում են թե՛ Մշակույթի կենտրոնում, թե՛ դրանից դուրս: Մշակույթի կենտրոնը համագործակցում է թիվ 140, 98 հիմնական դպրոցների, հ. 130 նախակրթարանի, սբ Գևորգ եկեղեցու և այլ հիմնարկների և կրթական կառույցների հետ:

Տնօրեն`Գառնիկ Շիրինյան
Հասցե՝  Նորագավիթ 1 փող. 95ա
Հեռ.՝ +(374 10) 484 587

«Երևանի «Սեբաստիա» մշակութային կենտրոն» ՀՈԱԿ-ը ստեղծվել է 1948թ.՝ որպես թիվ 11 կուլտուրայի տուն, այնուհետև 1998թ. վերանվանվելէ ««Սեբաստիա» մշակույթի տուն»: 2012 թ.Երևանի քաղաքապետի հրամանով վերածվել է ՀՈԱԿ-ի՝ «Երևանի Սեբաստիա մշակութային կենտրոն»:  

Գործունեության նպատակն է արտադպրոցական մշակութային ուսուցումն ու դաստիրակությունը, սովորողների ազատ ժամանցը կազմակերպելը՝ նրանց նախասիրությունների զարգացման համար պայմաններ ստեղծելով: Խնդիրը հոգևոր, ստեղծագործական ունակությունների, գեղագիտական, ֆիզիկական զարգացման, մարզական, ռազմահայրենասիրական դաստիարակության, բնապահպանականև կիրառական գիտելիքներ տալով հանրության զարգացմանն անհրաժեշտ անհատի ձևավորումն է: 

Կենտրոնի սաները մշտապես մասնակցում են նոր նախագծերի Հայաստանում և արտերկրում:

Կենտրոնը համագործակցում է ՀՀ մարզերի մշակութային կենտրոնների և արտերկրի նմանատիպ կենտրոնների հետ, մասնավորապես՝Վրաստանի պարարվեստի միության հետ: Պարային խմբերը միջազգային փառատոներում վաստակել են մեծ մրցանակներ, արժանացել բազմաթիվ պարգևների, գավաթների և հուշամեդալների: Կենտրոնում գործում է «Միլեն»շոու-բալետ պարային համույթը, որը բազմաթիվ մրցանակների է արժանացել տարիների ընթացքում: Համույթի գեղարվեստական ղեկավարն է Արթուր Եղոյանը:

Կազմակերպությունն իրականացնում է ձեռնարկատիրական գործունեություն.

ա ) դասական, ժողովրդական, ժամանակակից և սպորտային պարերի ուսուցում,

բ ) դաշնամուրի ուսուցում:

Կենտրոնը 2015թ. հիմնանորոգվել է Երևանի քաղաքապետարանի միջոցներով:

«Սեբաստիա մշակութային կենտրոնում» ընդունելությունը կատարվում է ուսումնական տարվա սկզբից մինչև մայիս, որի համար հիմք են երեխայի նախասիրությունն, ունակությունն ու ծնողի դիմումը:

Տնօրեն՝ Թագուհի Զաքարյան

Աշխատանքային օրեր և ժամեր՝ երկուշաբթի-ուրբաթ, 10:00-19:00

Հասցե՝ Շերամի 65/2

Հեռ.՝ +(010) 740 001

Էլ. հասցե՝ sebastiakentron@gmail.com

Աջափնյակ վարչական շրջանի «Զարթոնք» ՄԳԴԿ ՀՈԱԿ-ը ստեղծվել է 1995թ.: Գործունեության հիմնական նպատակը պարի ուսուցումն է, հայկական պարը սերմանել մատաղ սերնդին, պահպանել և տարածել հայ ազգային մշակույթն ամբոջ աշխարհում:

Գործունեության տարիների ընթացքում կենտրոնում բեմադրվել են 20 և ավելի ժողովրդական պարերի բեմադրություններ: Կենտրոնը մասնակցել է համայնքային, հանրապետական և միջազգային մրցույթ - փառատոների՝ արժանանալով առաջին կարգի մրցանակի, դափնեկրի կոչման, մեծ մրցանակի և ոսկե մեդալի: Ամենուրեք արժանիացել է հանդիսատեսի ջերմ ընդունելությանը:

Կենտրոնում գործող բաժիններն են.

- Հայկական ժողովրդական պար,
- Տարբեր ազգերի ժողովրդական պարեր,
- Դասական պար:

Կենտրոնի տարածքն անհատույց օգտագործման իրավունքով հանձնվել է կենտրոնին 2015թ. նոյեմբերից:

Երևանի քաղաքապետարանը կատարելու է հիմնանորոգում:

Ընդունվում են 5-8 տարեկան երեխաները, յուրաքանչյուր ուսումնական տարվա սկզբին՝ սեպտեմբերի 1-30-ը:

Տնօրեն՝ Ղուկաս Ղուկասյան

Աշխատանքային օրեր և ժամեր՝ երկուշաբթի-ուրբաթ, 12:00-20:00

Հասցե՝ Մազմանյան 5ա

Հեռ.՝ +(374 10) 342 400

Կայք՝  www.zartonk.am

1947թ. հունվարի 11-ին Երևանի քաղխորհրդի գործկոմի նիստի որոշմամբ Նոր Զեյթուն թաղամասում կառուցվեց ակումբ-գրադարան, որն այդ տարիներին միակն էր թաղամասում: Հետագայում շենքում սկսեց գործել նաև «Հաղթանակ» կինոթատրոնը: 1984թ. ակումբը վերանվանվեց «Երևանի քաղսովետի N2 կուլտուրայի տուն»:

Անկախությունից հետո հաստատությունը վերանվանվեց «Զեյթուն մշակութային կենտրոն»:

2006թ. «Քեթրին» բարեգործական կազմակերպությունը վերանորոգեց կենտրոնի տանիքը և երկրորդ հարկը, իսկ 2008թ. հիմնանորոգվեց, և բացվեցին նոր խմբակներ:
Կենտրոնն արդեն լիովին վերանորոգված և կահավորված է: Այստեղ գործում է 8 խմբակ, սաների թիվը կտրուկ աճել է, յուրաքանչյուր ամիս հետաքրքիր միջոցառումներ և մրցումներ են կազմակերպվում ինչպես սաների, այնպես էլ համայնքի երեխաների համար: 

Կենտրոնում գործում են շախմատի, նկարչության, կավագործության, ազգագրական երգի, պարի, կար ու ձևի, հուլունքագործության և թատերական խմբակներ:

Հաճախ կազմակերպվում են շախմատի մրցումներ, նկարչության, կավագործության և հուլունքագործության ցուցահանդեսներ, համերգներ: Համայնքի երեխաների համար կենտրոնի դահլիճում ցուցադրվում են տիկնիկային, թատերական ներկայացումներ և մուլտեր:

Կենտրոնը համագործակցում է «Քեթրին» բարեգործական կազմակերպության, «ՍՕՍ-մանկական գյուղեր» հայկական բարեգործական հիմնադրամի, «Վորլդ Վիժն Հայաստան» զարգացման և բարեգործական միջազգային կազմակերպության, Քանաքեռ-Զեյթուն վարչական շրջանի հանրակրթական և երաժշտական դպրոցների, ինչպես նաև շրջանի զորամասերի հետ:

Տնօրեն՝ Սոֆյա Կիրակոսյան

Հասցե՝ Դ. Անհաղթ 21

Հեռ.՝ +(374 11) 992-026

Էլ. հասցե՝ zeytun.mshakutayinkentron@yahoo.com

Նոր Նորք վարչական շրջանի Մշակույթի կենտրոնը հիմնադրվել է 1968թ.-ին, «Մշակույթի թիվ 15 տուն» անվանումով: Մշակույթի տունն ունեցել է 65 սան, գործել են պարի, նկարչության և դաշնամուրի խմբակներ:

2005թ.-ի օգոստոսին Մշակույթի տունը վերանվանվել է «Մշակույթի կենտրոն» և տեղափոխվել Գայի 19 հասցե (Նոր Նորք վարչական շենքի 2-րդ հարկ):

Այժմ կենտրոնն ունի թվով 20 խմբակ, որտեղ հաճախում է Կենտրոնում ընդգրկված 400 սան:

Նոր Նորք վարչական շրջանի Մշակույթի կենտրոնը զբաղվում է լրացուցիչ կրթադաստիարակչական ծրագրերի իրականացմամբ, տարատեսակ միջոցառումների կազմակերպմամբ: Կազմակերպության գործունեության նպատակն է սաների ազատ ժամանցի կազմակերպման միջոցով նրանց մշակութային հետաքրքրությունների զարգացման համար պայմաններ ստեղծել և զարգացնել ստեղծագործական ունակություններ, ձևավորել կիրառական գիտելիքներ:

Կենտրոնում գործում են տարբեր ոճի պարի խմբակներ (հայկական, ժամանակակից, լատինո), դհոլի խմբակ,երգի, թատերական, դիզայնի և նկարչության խմբակներ: Սեփական նախաձեռնությամբ իրականացվում են ֆլեշ մոբեր, բարեգործական համերգներ, էքսկուրսիաներ:

Նոր Նորք վարչական շրջանի Մշակույթի կենտրոնը հիմնանորոգվել է 2014թ.-ին՝ քաղաքապետարանի ֆինանսավորմամբ:

Մշակույթի կենտրոնը համագործակցում է Նոր Նորք վարչական շրջանի արվեստի դպրոցների, մշակութային կենտրոնների հետ, ինչպես նաև մարզային մշակութային կենտրոնների հետ:

Յուրաքանչյուր ուսումնական տարի սաների ընդունելության գործընթացը կազմակերպվում է համաձայն տնօրենի կողմից սահմանված ժամանակացույցի (օգոստոսի 25-ից մինչև սեպտեմբերի 25-ը):

Տնօրեն՝ Ալվինա Հարությունյան

Աշխատանքային օրեր և ժամեր՝ երկուշաբթի-ուրբաթ, 09:00-18:00

Հասցե՝ Գայի պող. 19

Հեռ.՝ +(374 11) 518 616

Էլ. հասցե՝ nornorqart@mail.ru