Երևանի Կարեն Դեմիրճյանի անվան մետրոպոլիտենը մայիսի 13-ից կաշխատի նոր ժամանակացույցով. մետրոպոլիտենն աշխատանքները կսկսի ժամը 07։00-ից և կավարտի կեսգիշերին:

Օրերս Երևանի Նոր Արեշ 50-րդ փողոցի շենքերից մեկի մոտակայքում Ողջաբերդ գետի մակարդակի բարձրացման հետևանքով փլուզվել էր հենապատը։ Ջրալցվել էին հարակից փողոցները և բնակելի տները: Այժմ գետի հունի վերականգնումից հետո համայնքային կառույցների ու վարչական շրջանի համատեղ ուժերով իրականացվում են տարածքի մաքրման աշխատանքներ:

Մայրաքաղաքում արդեն երկրորդ անգամ անցկացվող «Երևան օփեն» մարմնամարզության միջազգային մրցաշարին մասնակցության հայտ էր ներկայացրել 7 երկիր՝ Հայաստանը, Ռուսաստանը, Վրաստանը,  Ղազախստանը, Ուզբեկստանը, Բելառուսն ու Իրանը:  

Երևանի քաղաքապետ Տիգրան Ավինյանը Կենտրոն վարչական շրջանի  աշխատակազմին է ներկայացրել նորանշանակ ղեկավար Պետրոս Պետոյանին:  Հաջողություններ մաղթելով պատասխանատու աշխատանքում՝ քաղաքապետ Ավինյանը կարևորել է վարչական շրջանների դերը՝ ի հայտ եկող խնդիրների արագ արձագանքման, բնակիչների հետ մշտական կապի ապահովման ու կարիքների գնահատման հարցում:  

Աշխատանքային հերթական խորհրդակցության ժամանակ Երևանի քաղաքապետ Տիգրան Ավինյանն անդրադարձել է առատ տեղումների արդյունքում քաղաքում առաջացած որոշակի խնդիրներին: Զեկուցվել է, որ խնդիրներ են արձանագրվել տրանսպորտային հանգույցներում, թունելներում և փողոցներում: Հարկ է նշել, որ համաձայն վարձակալության պայմանգրի՝ Երևան քաղաքի մակերևութային ջրերի, հեղեղատար և անձրևընդունիչ ցանցի սպասարկման և շահագործման պատասխանատուն «Վեոլիա ջուր» ընկերությունն է. խողովակաշարերը, դիտահորերն ու անձրևընդունիչ հորերն ամբողջությամբ հանձնված են «Վեոլիա ջուր» ընկերությանը:  

2017 թվականից Անի Խաչատրյանն աշխատում է Երևանի քաղաքապետարանի աշխատակազմի քարտուղարության քաղաքացիների սպասարկման բաժնում:  

Մայրաքաղաքում օրեր շարունակ տեղացող հորդառատ անձրևները փողոցներում առաջացրել են անձրևաջրերի կուտակումներ: Նման իրավիճակից խուսափելու նպատակով պարբերաբար մաքրվում և արդիականացվում են գործող հեղեղատար համակարգերը:

Երևանի Շենգավիթ վարչական շրջանի Մանթաշյան 4/1 հասցեի բակային տարածքը ազատվում է ապօրինի կառուցված ավտոտնակներից ու ցանկապատված տարածքներից:

Երևանի քաղաքապետ Տիգրան Ավինյանը քաղաքաշինության ոլորտում ներդրած նշանակալի ավանդի և բարեխիղճ գործունեության համար Վազգեն Սեդրակյանին պարգևատրել է շնորհակալագրով:   

Ավան վարչական շրջանում գտնվող միակ պոլիկլինիկան շահագործման օրից ի վեր երբևէ չէր հիմնանորոգվել: Այսօր արդեն Երևանի քաղաքապետարանի ենթակայությամբ գործող «Ավան» առողջության կենտրոնը քաղաքացիներին սպասարկում է ամբողջությամբ նորոգված և արդիականացված պայմաններում:  

Երևանի տրանսպորտային հավաքակայանը 6 ամսվա ընթացքում  կհամալրվի 15 նոր տրոլեյբուսով և  8.5 մետրանոց 171 նոր  ավտոբուսով:  

Երևանի բուսաբանական այգում կառուցվում է Արցախյան ազատամարտում զոհված հերոսների հիշատակին նվիրված 30 հա տարածքով պուրակ: Աշխատանքներն արդեն իսկ ընթացքում են